呢個故事係發生0係大約五年前，Jenny同另外六個朋友晌自己屋 企度開party。佢地無無聊，其中有人就提意玩碟仙。呀興比較細膽， 佢就情願睇書都唔敢玩。其他六個朋有唯有由得呀興自己睇書啦！
佢地好認真，點晒香，拜晒神，擺好晒臺，開始請碟仙。最初0個 陣時無倫佢地點請隻碟都唔郁，當佢地無晒心機想收手0既時侯，隻 碟開始有反應喇。0甘好自然佢地就即刻問問題啦！點鬼知個碟仙牛 頭唔答馬咀，問非所答，攪到個個無晒癮。連睇緊書0既呀興都悶到 走埋。Jenny口痕就問碟仙有無0的堅料講，冇0既就請碟仙番歸，唔 好0徙大家時間。碟仙即刻好似猶疑0左一陣，兜0左幾個圈，跟住就 指0左八個字。。。
佢地腦裡面一片空白，淨係諗住今次死梗，驚到唔敢出聲，你眼 望我眼，又唔敢放手。就0甘維持0左足足五分鐘。Jenny 突然間諗倒 佢地只有六個人，得自己係女仔，又唔係大肚，呀興又走0左，何來 有七個人嚄！0甘大家咪應該冇事啦！但係當佢未講完呢句說話0既時 候，又有第"七"個朋友0係度敲門。雖然佢地冇開門，但係。。。
佢地始終冇辦法知第七個應該係呀興定係後尾0黎0既朋友，但係 有一樣0野可以肯定0既就係，自始之後，佢地再唔敢一齊做任何0野。 只係當有人要搭飛機0既時侯就會互相 call 0下，make sure 冇其他 人會同佢一班機。原本好好地一班朋友就係因為0甘，大家就散晒。
到今時今日，恐佈0既事仲未發生0係任何人0既身上，不過佢地就 日日生活0係恐懼之中，晚晚發惡夢。
若果你唔信邪，你不妨試試0丫！祝你好運過佢地啦！
