Nela recordança de la Çalât coleitiba nela meschita de Cortúba
El 3 de Marzo de l'ano 2002, atergo la misa del domenigo, partiçipantes del III Congreso Internaçional de la Muller Muçulmana reyalizaron una oraçión coleitiba ante el mihrâb de la meschita de Cortúba. Ante la sorpresa de los turistas, los alhuaquíles d'alçedro procuraron d'empexer el çalât. Abió empuxónes, ed una muller resultó agredita. Sobrecolle contemplar aquel logo que fosse de chátima e que emprimió un sentito unibersalista a la bita andalusina, combertito n'esçenario de situaçiones d'intolerançia como las ahazatas el domenigo. Aquesta feta seyerá afaticata entre los muçulmanos andalusís como el díya en que la qibla cordubesina arrenxó ad abrer-se en direiçión a Mecca. Tot un semno de l'esperxer d'una enerxia esperitual reprimita perense seglos, d'entransixençia relixiosa. Aquestos testos son el testimonio que habemos questo dexar daquela feta memorábel!
Aquesto fió escreto dun artículo del Cadarél Islâm. (Verde Islam)
Dende el tempo de l'inquisiçión contra los muçulmanos espanyolos conozitos polos cristiyanos como moryegos mudéxares e morescos la Gran Meschita Alchama ha sesto aharamita a los muçulmanos pa sempre fegando las portas ad un alzicro espanyolo, que una bega fió la faxa de multo d'Espanya. Se un muçulmano camina polos paselos de la biella meschita, beyerá allánda el bestixio d'Al Andalus ed ançá escutará allanda que en silençio l'antigo alzahiro de l'adhân azahendo-se como écos albaquízos, retumbando las muenyas de seu alcaçár o fortareça! Allánda malamense l'inquisiçión ataba, ed allanda como nel tempo de nostros alhabitos antepasatos moryegos, la Gran Meschita Alchama mos sirbe de seyer lo que ye pa altros, una reliquia esplotata, ed un maledito obsequio pal báticano. Lo que una bega pertenezió a tós los andalusis tanto como muçulmanos e cristiyanos agora pertenez a sóla una faxa andalusina, la faxa cristiyana! Lo que mos pertenezió agora ye embintato pola presençia d'un alfarro alfarráz. Que ipocresía del báticano mientrestato pexe tolerançia ed el respeito a los dereitos relixiosos pol mundo entexo, se mantien uedíz, callato, en quan se fala o paula sob los dereitos de los muçulmanos d'azalar çalât.
S'esiste una alhadim, ye que l'alhuete sempre le pertenez a l'alguaría, e quan afaticamos áquesto ye con l'agonxa s'encomiença a comberter nuna boga forse de l'alguaría! Quiçás non beyeremos el díya on los mobimentos de selueta tan chamilos de nostros antepasatos, sendo repetitos altra bega por nostros ollos. Oh Al Andalus, nosaltros que somos teus desçendenses xamás, xamás, t'oblidamos. Porque lebamos teu recordança allánda, en nostros córes, e sangüe moryega afergata, qual sempre mos açuzará! E ye un gran açote ed afrienta, beyer teu beleza, seyer biolata por altros, que sólamense escongan teu probeito!
Segón el Comunicato de la FEERI, la Federaçión Espanola d'Entidás Relixiosas Islámicas, ha defendito sempre que la Meschita de Cortúba se comberte nun logo enterconfesional, on los católicos e muçulmanos podan çelebrar libremense seus respeitibos átos de culto, meyanse una acordança, sob espaçios e tempos, que embinte qualsequeira enterferençia o molestia a l'altra parse. Non obstanse, ançá el momento l'egrexa católica s'ha negato sequeira a dialogar sob aquesta posibelitá en beritá!
;De que teme el báticano, ed el Presidense Aznar? ;De que l'Islam xegará ad estender-se altra bega por Espanya xá quan ha endefizito al respeito de los fundos palos colexios islâmicos, que faz multo tempo que non ha feito multo sob? ;De xufar unos de los últimos bestixios andalusís seyer restabelezito e más, resurxito como el çentro islâmico de los muçúlmanos espanyolos? ;O seiga que en fondo el pabor, ye d'escander-se con seu própria xenofobia o mellor dito, con seu própria ISLAMOFOBIA? Se sólo esmaxinar, que un clerudo od ançá un creyense católico poda postrar-se ante seu mihrâb que ye una estatua, mientrestato que nosaltros non podamos prostrar-mos ante nostro mihrâb! De sólo ensinuar que seu mihrâb seiga namáis una estatua áquesto causará una fremidança ed escurego grande. Pero pal báticano e seus clerudos andalusis, aquesta comparaçión, non seyerá bisto en seus ollos como anigos çiegos sen nengún anexo, a la boga muçulmana! Como han dito multas begas la Gran Xunta Islâmica Andalusina, que se los clerudos ed el báticano estubessen interesatos con l'espresión de l'amor por l'único creyador, debería respeitar ad aquelos pa quines aquesta chamila albina ye entobía una meschita pa multos muçulmanos andalusis e sémbolico pa multos altros muçulmanos afora d'Espanya!
Os dexo con un testimonio andalusi, y muçulmano!
De nostro irmano, Haxim Ibrahim Cabrera
"Queren ódi las egrexas que l'estória s'ahale pa sempre porque, ançá agora, sólo han podesto escriber-la refando e perseguendo a los feréticos, a los eterodosos, a los disidenses, aculturizando a las alguarías, arranxando-les a los seyeres umanos seus máis ondas creyenças, seus formas de biber máis xenuinas e, se elo non yera sofisçiense, ahalando materialmense con elos. Por aquelo debe resultar-les mult difízil biber con aquela mesma estória sob seus omeros, sob de tót quan la mayoría de seus atabadores han sesto las máis reçienses bítimas de seu liturxia!"
