En l'ano de 1980 l'escrabitú finalmente fió abolesto nel payés de Mauritanya nor d'oyeste del continente africano agorito a l'atanxedura del deserto sarahuí. Nun payés on el gran porçentaxe de los abitantes son mauris, adentro daquesta poblaçión se troba ayánda l'açemento de la garrafata de l'escrabitú mesma! Mientrestato, que el bidaní o baideli el moryego d'alcurnía árabina e maçaguita aprobeita e se mantien por xeneraçiones e xeneraçiones a l'alçata de las clases moryegos, el hatarní od el hadarél moryego ataba sendo lo mesmo de sempre, un escrabo pal baideli! Emboltatos nun sistema e xeraquía basato nela destinçión e diferençia de color de piele, on faz afaticar pa un estranxero, como l'época de la segregaçión. Ye fázil pa un árabi o maçaguito, de non açeitar un hadareli, como lexítimo moryego allanda quan los empregaron como almuchahadís nel nomme d'Al Andalus. Se uno faula de moryegos andalusis alora uno tien que incluyer a tós, ançá los mauris hadarelis!
En l'ano 1974 El Hor (libertá) fió estabelizito por parse de la menoría hadarela, pa seyer la portaboga polos mauris hadarelis. Ed ayanda que la luta de los hadarelis iaga progresata perente los anos esençialmente, el progresto ha sesto marxinal e lento. Los hadarelis embéga d'estar en mayoría al nebel de los baídelis mauris seus compatriotas, permanezen nelas pesangas e pasos de xeneraçiones anteriores. En gran mayoría los hadarelis permanezen en serbidumme, ed empregos menospregatos e poquintos pagatos. L'alguaría hadarela, pexe por egualtá en Mauritanya. E como moryegos, nosaltros tenemos el deber e menester, de combenzer-mos de l'importançia de tós los moryegos, incluso los mauris hadarelis!
El número completamente de los mauris hadarelis, ye quasi imposíbel de dizer, e sob de tót difízil d'encalcular el número. Ma la cosa ye esgondera, e mos debe dar bergonya e begorança como moryegos, que ançá ódi esista ayánda aquesta escrabitú en Mauritanya, enta delgunos moryegos contra altros. Predominansemente los hadarelis ayánda biben e moran multos d'elos en bibenças refatas por seyer despeinatas ed alhuísquiles, conozitos pol nomme de (kébés). Seus presençias están bisto en çibtás como Nouakhchott, Atar, e Nouadhibou, ançá nelas oriengas del deserto bibendo como xente nómata. Ayanda que dende 1980 la xaría aiaga sesto emplementata sob el payís entexo, en gran parte ataba sendo inxusta ed emparçial colos hadarelis, ayanda que la xaría esté feita pa tós muçulmanos!
La qüestión d'equibalençia enta l'alguaría de Mauritanya, seiga sempre e seyerá sempre una intriga o lonxe curiositá pa multos. Mientrestato que l'antefaç de l'inxustiçia contra los hadarelis persiga, los baídelis persigan al camino de la prosperitá. La fizenda dun a l'altro, ye sempre albadeira. Los hadarelis ataban pexendo por l'egualtá o seus dereitos umanos, rescogando sempre el probeito de seu payés!
Agora en l'ano de 2003 en xeneral, l'único que s'ha embocato ye l'uelda de lo que persiste de seyer l'anomalía muçulmana, en qual dexa multos muçulmanos en l'estranxero, procurando d'entender seu contenito. La fetura de Mauritanya, non pode seyer feito, sen afaticar a l'alguaría hadarela! Mientrestato que la situaçión de los moryegos en Mali, está ameyorando, ma el mexoramento non ha dato sofisçiente combenzemento en Mauritanya! Ye xerigonça d'ensinuar altro, quan los fetos faulen al contrario, ed el bestixio de l'escrabitú hadarela, permanesca atual e bibo!
