Por 26 anos la Procramata Républica Árabina Sarahuina Democrática ha esistito n'esistençia. El feto afatica una bega máis l'esistençia de quasi 200.000 personas que biben en l'esilio nuna de la rexiones máis alfazitas del mondo, on la mayoría de los abitanses moran n'alchamas. Por causa de la masiba descolonizaçión espanyola, e la gran embadura magarabina, miles de sarahuís han fuyito en fuyeta a l'atanxedura d'alchamas en Tinduf, que non ye máis, que un troço alsaguiro del deserto çedito por Archel. Adentro aquesta estrutora sarahuina, las mulleres e menintos constituyen la gran poblaçión prençipal daquestas pequenas alchamas, mientrestato que los ommes que son los alhuaquíles de l'alguaría sarahuina, s'andaregan al frense de la batalla con seu orgollo, nelos ranegos del Fronse Polisario.
Por anos aquesta lonxe ed oblidata terra sarahuina ed alguaría saharuina, ha sesto ignorata por multo de la comunitá internaçional al preçio de seu identitá internaçional, e seu alfaridáz sella ofiçiamense reconozesta nelas Naçiones Unitas. La qüestión de resoluçión ad aqueste asunto, e una en qual merez sen dúbita seu alfaráz respondença. Embalgo en qual la comunitá, l'umma sarahuina, pexe dereito de tener totalmense! Quiçás nelos ollos de multos bibendo afora de Sahara Oçidental, la soferança e l'alguacha de los sarahuís, seiga embalgo mult lonxe de sentir o peyor compartillar! Pero pa un saharuí sendo alhuelinto, omme o muller, áquesto non seyerá mult difízil d'esmaxinar o máis de compartillar, porque reyalmense como sempre acustomma de seyer n'uno, l'amor por l'alhuete. Embalgo que nengún poda emborrar fázilmente, de los córes ed ánimas, de los sarahuís!
Mientrestato que las Naçionas Unitas la pasaban azahendo seu alzaho contra l'asçión comitita contra Irak por parse de los Estatos Unitos, l'ocupaçión de los magarabis atababa, e l'alchalád de los sarahuís, persistía e con garrafata! Ye pa multos obserbando
áquesto reyalmense inconçebíbel d'açeitar od esmaxinar, que aiga embalgo como ansí ahazando a muçulmanos e peyor quan seiga comitito, por parse d'altros muçulmanos. ;Como seyería de biber, de morar nunas alchamas nel medio del deserto sarahuí, on estádes a l'alrahama de la zacât d'altros? ;Como seyería de biber, de moran nun payés qual el mondo alleno, non reconosca, e peyor seiba de seu esistençia? ;Como seyería de biber, de morar palos alhuelintos, quan embéga d'estar como multos menintos n'escolas od almadraças, estén n'alchamas? ;Como seyería de seyer un refuxiato e morar n'alchama d'alguenifo? Ye incredíbel de pensar, que mientrestato l'umma muçulmana s'oponga a l'ocupaçión iraquina, que se fingue mudeta e callata, al respeito de l'ocupaçión sarahuina!
Reyalmense ye alfazita la cosa, que aiga muçulmanos matando uno a l'altro! D'achahilar las bombardenças magarabinas ferga alchamas on moran mulleres, menintos etc, ye una alfazihata completamense! ;Que seyerá l'albadiro nel futuro pa l'alguaría sarahuina? Tal béga áquesto lo dexaremos pa l'estória a predizer! Quiçás seyerá mellor, os dexaré colas parabras dun sarahuí.
"L'alguaría saharuina, tien posta seus esperanças nela comunitá internaçional e sob de tót, nelas Naçiones Unitas, pa que mos permitan eserçer nostro dereito d'autodeterminaçión. E senón mos permitan non mos renderemos fázilmense, porque lo nostro ye áquelo, lo nostro!"
