undefined
undefined
Txawm lub sij hawm yuav dhau mus lo;
hauv kuv lub siab tseem muaj koj os.
Lub ntiaj teb no tseem yuav tig tiag;
los txoj kev hlub ces tseem nyob ruaj rau hauv kuv nruab siab.
Txawm wb ib leeg nyob ib sab ntuj;
kuv yeej ncaj ncee hlub koj xwb mog kuv me nploojsiab hlub.
Kuv xav tias muaj ib hnub twg yuav tau ntsib koj ntxiv;
seb txoj kev hlub puas yuav tawg tau paj ntxi taus txiv.
Cia wb nyob ua ke; kuv yuav nrog koj nyob tuav koj tes, tsis tso tseg.
Yog tias koj muaj siab hlub kuv thiab;
nco kuv ib zaug thaum lub hnub tawm tshiab, xwb ces kuv yeej zoo siab.
Txhua lub sijhawm koj yuav nyob rau qhov twg;
los kuv tus me ntsuj plig twb nyob nrog nraim koj xwb.
Txawm koj yuav mus kawm txuj rau ncua kev deb;
thov kom koj paub tias kuv tseem tos ua lub siab ntev.
Foom hmoov zoo rau wb txoj kev kawm;
es seb puas muaj ib hnub twg wb tau los ua txij ua nkawm.
Koj tau mus lawm lo txhob mus muaj dua tus tshiab.
Thiaj li tsis mob kuv lub plawv ntxhov kuv lub siab.
Ntawm kuv txoj kev hlub rau koj yeej yuav tsis muaj hnub yuav hloov;
kuv yuav to thiab to kom tau koj xwb mog,
yog koj yeej npaj siab li thiab,
yog tias wb muaj txoj hmoov.
