Προσευχή του Αποδείπνου

Ο εν παντί καιρώ και πάσι ώρα εν ουρανώ και επί γης προσκυνούμενος και δοξαζόμενος Χριστός ο Θεός, ο μακρόθυμος, ο πολυέλεος, ο πολυεύσπλαχνος, ο τους δικαίους αγαπών και τους αμαρτωλούς ελεών, ο πάντας καλών προς σωτηρίαν διά της επαγγελίας των μελλόντων αγαθών. Αυτός Κύριε, πρόσδεξαι και ημών εν τη ώρα ταύτη τας εντεύξεις, και ιθυνον την ζωήν ημών προς τας εντολάς Σου. Τας ψυχάς ημών αγίασον, τα σώματα άγνισον· τους λογισμούς διόρθωσον· τας εννοίας κάθαρον· και ρύσαι ημάς από πάσης θλίψεως, κακών και οδύνης. Τείχισον ημάς αγίοις Σου αγγέλοις, ίνα τη παρεμβολή αυτών φρουρούμενοι και οδηγούμενοι, καταντήσωμεν εις την ενότητα της πίστεως και εις την επίγνωσιν της απροσίτου Σου δόξης· Οτι ευλογητός ει εις τους αιώνας των αιώνων. Αμήν.

Εξαποστειλάριο της Θεοτόκου

Πάντων προστατεύεις αγαθή, των καταφευγόντων εν πίστει, τη κραταιά Σου χειρί· άλλην γαρ ουκ έχομεν, αμαρτωλοί προς Θεόν, εν κινδύνοις και θλίψεσιν, αεί μεσιτείαν, οι κατακαμπτόμενοι, υπό πταισμάτων πολλών, Μήτερ του Θεού του υψίστου, όθεν Σοι προσπίπτομεν ρύσαι, πάςης περιστάσεως τους δούλους Σου.

Ευχαριστούμεν Σοι Χριστέ ο Θεός ημών, ότι ενέπλησας ημάς των επιγείων Σου αγαθών, μη στερήσεις ημάς και της επουρανίου Σου Βασιλείας· αλλ' ως εν μέσω των μαθητών Σου παρεγένου Σωτήρ, την ειρήνην διδούς αυτοίς, ελθέ και μεθ' ημών και σώσον ημάς.

Δι' ευχών των αγίων Πατέρων ημών, Κύριε Ιησού Χριστέ ,...

Δόξα Πατρί και Υιώ ... και νυν ...

Εύφρανας ημάς, Κύριε, εν τοις ποιήμασί Σου, και εν τοις έργοις των χειρών Σου αγαλλιασώμεθα. εσημειώθη εφ' ημάς το φως του προσώπου Σου, Κύριε· έδωκας ευφροσύνην εις τας καρδίας ημών. Από καρπού σίτου, οίνου καί ελαίου αυτών ενεπλήσθημεν. εν ειρήνη επί το αυτό κοιμηθησόμεθα και υπνώσομεν, ότι Συ, Κύριε, κατά μόνας επ' ελπίδι κατώκησας ημάς. Δι' ευχών των αγίων Πατέρων ημών …