Archiv der gefälschten Geheimdokumente
Akte 223: Der Inschtallateur
hat es nicht schwör...
(Christerl)
22.05.2001
Alex:
Geh Didi, kumm her amoi. Wäu I muass di moi wos frogn, du tuast jo imma so gscheit…
Didi: (aufstampfend, fällt Alex ins Wort) Wos sogst? Oiso des is wieda moi
typisch, wos haaßt i tua....?
Alex: Geh pudel di net auf
Hustinettnbär, kum hea hob i gsogt, (drohend) oda host scho wos fua, am
Freitag...
Didi: (näherkommend, etwas kleinlaut) Okäh, okäh. Wos wüst denn wissn?
Alex: Wasst, i hob ma docht wegen noch
der Gschicht do. Wos manst? Check ma wos gemeinsam waun ma wieda draußt san,
wäu mit den aundan Oarschlechan kaunst jo nix aufaunga…
Didi: Häh? Wia manst denn jetzt? Wir
zwa, wos kenntatn wir zwa scho...
Alex: Hearst, net redn, Trottl, hurch: I man,
glaubst echt, dass I do bei dem Scheißverein mitmoch, nur dass I nocha in meina
Bude no imma meine Reahrln verleg ?
(Alex lacht
dreckig, während Didi rot wird)
Didi: (verlegen stammelnd) Oiso mei Chef legt schon an Wert drauf, dass i nochher
wieder in die Firma zruckkum. Grod im Summa hauma daun quasi High-Noon bei den
Klimaanlogn....
Alex: (lauter werdend) Gusch hob i gsogt. Zuahearn: I hob do mitkriagt, dass du
do a bissl wos zaumdicht host, do draußt auf da Holliwuht-Schaukl...
Didi: Na geh, des war ja nur...
Alex: (unterbricht) Wasst, I hob do draußt meine Konnektschns. Im Häf..ah, i
man im letztn Urlaub hob i do an leiwaunden Produzenten kennanglernt, der hätt
a bissl a Knedl über zum ...äh zum...., nau!?
Didi: Investiern?
Alex: Jo genau, Oida. Nau und zu Zweit
hob i mia denkt, wir zwa auf an CD-Kawa...
Didi: Geh Alex, wasst jo gaunz genau,
dass des wengam orf goar net gangert. Haumma doch olle vurher an Vatrog
unterschriebn...
Alex: Hehehe, du vielleicht, du
Trottl....I hob eana wos gschissn. Wäu, waasst eh, mi haums leif in da Sendung
enegwöht, nau wos hättens tuan soin, die Eierbärn? Hehehe. Oiso, wos is jetzt?!
Didi: Du
Alex, i glaub net dass...
Alex: Ahso?!! Nau daunn net. Kennts mi
olle Scheißn trogn. Redma daunn aum Freitog weida...
Didi: (japst nach Luft) Na Alex woart...
Alex: (Didi ignorierend, ruft) Geh Ficky, kumm amoi zum
Alex-Papa, i hob do a Schoki für di und a Frage .......
