Omnia Sol temperat purus et subtilis, novo mundo resetat facies Aprilis, ad amorem propetat animus herilis, et iocundis imperat deus puerillis. Rerum tanta novitas in solemni vere et veris auctoritas iubet nos gaudere; vias prebet solitas, et in tuo vere fides est et probitas tuum retinere. Ama me fideliter! fidem meam nota: de corde totaliter et ex mente tota sum presentialiter absens in remota. quisquis amat taliter, volvitur in rota.