Sacerdotes ipsi ac clerici Archiepiscopum aut Episcopum aut Papam creabant eumque Fatuorum appellabant. Divini ipsius officii tempore larvati, monstruosi vultibus, aut in vestibus mulierum, aut leonum vel histrionum, choreas ducebant, in Choro cantilenas inhonestas cantabant, ludum taxilorum ibidem exarabant, thurificabant de fumo fetido, ex corio veterum solutarium, etc.
|
Lux hodie Lux laetitiae Me judice tristis quisquis erit Removendus erit solemnibus istis Sint hodie procul invidiae Procul omnia maesta Laeta volunt quicumquae colunt Asinaria Festa.
Asini hec est dies solemnis erguasine eleison Christe eleison Hinhan eleison Kyrie eleison Hinhan eleison
Adventavit asinus Pulcher et fortissimus, Sarcinis aptissimus. Hez, sire asne, hez! Lentus erat pedibus, Nisi foret baculus Et eum in clunibus Pungeret. Hez, sire asne, hez! Hic in collibus Sichen, Enutritus sub Ruben, Transiit per Jordanem, Saliit in Bethleem. Hez, sire asne, hez! Ecce magnis auribus Subjugalis filius, Asinus egregius, Asinorum dominus. Hez, sire asne, hez! Saltu vincit hinnulos, Damas et capreolos, Super dromaderios Velox Madianos. Hez, sire asne, hez! Aurum de Arabia Thus et myrrham de Saba, Tulit in ecclesia Virtus asinaria. Hez, sire asne, hez! Dum trahit vehicula, Multa cum sarcinula, Illius mandibula Dura terit pabula Hez, sire asne, hez! Cum aristis hordeum Comedit et carduum, Triticum a palea Segregat in area. Hez, sire asne, hez! Amen dicas, asine Jam satur ex gramine Amen, amen, itera, Aspernare vetera Hez, sire asne, hez ! In fine Missae sacerdos, versus ad populum, vice 'Ite, Missa est', ter hinhannabit: populus vero, vice 'Deo Gratias', ter respondebit, 'Hinham, hinham, hinham.' |
