![](mestophilis.jpg)
PSEUDOMONARCHIA DÆMONUM.
Johann Weyer
1500
LECTORIS.
Ne Sathanicæ factionis monopolium usqueadeo porro delitescat, hanc
Dæmonum Pseudomonarchiam, ex Acharonticorum Vasallorum archivo
subtractam, in hujus Operis de Dæmonum præstigiis calce annectere volui,
ut effascinatorum id genus hominum, qui se magos jactitare non
erubescunt, curiositas, præstigiæ, vanitas, dolus, imposturæ, deliria,
mens elusa, et manifesta mendacia, quinimo non ferendæ blasphemiæ,
omnium mortalium, qui in mediæ lucis splendore hallucinari nolint,
oculis clarissime appareant, hoc potissimum seculo scelestissimo, quo
Christi regnum tam enormi impunitaque tyrannide impetitur ab iis qui
Beliali palam sacramentum præstitere, stipendium etiam justum hauddubie
recepturi: quibus et perditas has horas libenter dedico, si forte ex
immensa Dei misericordia convertantur et vivant: quod ex animo iis
precor, sitque felix et faustum. Ne autem curiosulus aliquis, fascino
nimis detentus, hoc stultitiæ argumentum temere imitari audeat, voces
hinc inde prætermisi studio, ut universa delinquendi occasio
præcideretur. Inscribitur vero a maleferiato hoc hominum genere
Officium spirituum, vel, Liber officiorum spirituum, seu, Liber dictus
Empto. Salomonis, de principibus et regibus dæmoniorum, qui cogi
possunt divina virtute et humana. At mihi nuncupabitur
Pseudomonarchia Dæmonum.
PSEUDOMONARCHIA DÆMONUM.
Primus Rex, qui est de potestate
Orientis, dicitur Bael, apparens tribus capitibus, quorum unum
assimilatur bufoni alterum homini, tertium feli. Rauca loquitur voce,
formator morum et insignis certator, reddit hominem invisibilem et
sapientem. Huic obediunt sexagintasex legiones.
2.
Agares Dux primus sub potestate
Orientis, apparet benevolus in senioris hominis forma, equitans in
crocodilo, et in manu accipitrem portans. Cuncta linguarum genera
docet optime: fugitantes reverti facit, et permanentes fugere:
prælaturas et dignitates dimittit, et tripudiare facit spiritus
terræ: et est de ordine Virtutum, sub sua potestate habens triginta
et unam legiones.
3.
Marbas, alias Barbas, Præses
magnus, se manifestans in fortissimi leonis specie, sed ab exorcista
accitus humana induitur forma, et de occultis plene respondet, morbos
invehit et tollit, promovet sapientiam artiumque mechanicarum
cognitionem, homines adhæc in aliam mutat formã. Præest trigintasex
legionibus.
4.
Pruflas, alibi invenitur Bufas,
magnus Princeps et Dux est, cujus mansio circa turrim Babylonis,
et videtur in eo flamma foris, caput autem assimilatur magno
nycticoraci. Autor est et promotor discordiarum, bellorum, rixarum
et mendaciorum. Omnibus in locis non intromittatur. Ad quæsita
respondet abunde. Sub sunt huic legiones vinginti sex, partim ex ordine
Throni, partim Angelorum.
5.
Amon vel Aamon Marchio magnus
et potens, prodit in lupi forma caudam habens serpentinam, et
flammam evomens. Hominis autem indutus speciem, caninos ostentat
dentes, et caput magno nycticoraci simile. Princeps omnium
fortissimus est, intelligens præterita et futura, hinc et gratiam
concilians omnium amicorum et inimicorum. Quadraginta imperat
legionibus.
6.
Barbatos magnus Comes et Dux,
apparet in signo Sagittarii silvestris cum quatuor regibus tubas
ferentibus. Intelligit cantus avium, canum latratus, mugitus boum et
cunctorum animalium: thesauros item a magis et incantatoribus
reconditos, detegit: Et est ex ordine Virtutum, partim Dominationum.
Triginta præsidet legionibus. Novit præterita et futura: tam
amicorum quam inimicorum animos conciliat.
7.
Buer Præses magnus conspicitur in
signo. Absolute docet philosophiam, practicam, ethica item et
logica, et herbarum vires: Dat optimos familiares: Ægros sanitati
restituere novit, maxime et homines. Quinquaginta legionum habet
imperium.
8.
Gusoyn Dux magnus et fortis,
apparet in forma zenophali. Explicate respondet et vere de
præsentibus, præteritis, futuris et occultis. Amicoram et
inimicorum gratiam reddit: Dignitates confert et honores conformat.
Præest quadragintaquinque legionibus.
9.
Botis, alibi Otis, magnus Præses
et Comes, Prodit in viperæ specie deterrima: Et siquando formam
induit humanam dentes ostendit magnos et cornua duo, manu gladium
acutum portans. Dat perfecte responsa vera de præsentius, præteritis,
futuris et abstrusis. Tam amicos quam hostes conciliat. Sexaginta
imperat legionibus.
10.
Bathym, alibi Marthim Dux
magnus et fortis: Visitur constitutione viri fortissimi cum cauda
serpentina, equo pallido insidens. Virtutes herbarum et lapidum
pretiosorum intelligit. Cursu velocissimo hominem de regione in
regionem transfert. Huic triginta subsunt legiones.
11.
Pursan, alias Curson, magnus
Rex, prodit ut homo facie leonina, viperam portans ferocissimam, ursoque
insidens, quem semper præcedunt tubæ. Callet præsentia, præterita et
futura: Aperit occulta, thesauros detegit: Corpus humanum suscipit
et aereum. Vere respondet de rebus terrenis et occultis, de
divinitate et mundi creatione: Familiares parit optimos: Cui parent
vigintiduo legiones, partim de ordine Virtutum, partim ex ordine Throni.
12.
Eligor, alias Abigor, Dux magnus,
apparet ut miles pulcherrimus, lanceam, vexillum et sceptrum portans.
Plene de occultis respondet atque bellis, et quomodo milites occurrere
debeant: Futura scit, et gratiam apud omnes dominos et milites
conciliat. Præsidet sexaginta legionibus.
13.
Loray, alias Oray, magnus
Marchio, se ostendens in forma sagittarii pulcherrimi, pharetram et
arcum gestantis: author existit omnium præliorum, et vulnera
putrefacit quæ a sagittariis infliguntur, quos objicit optimos tribus
diebus. Triginta dominatur legionibus.
14.
Valefar, alias Malaphar, Dux
est fortis, forma leonis prodiens et capite latronis. Familiaritatem
parit suis, donec laqueo suspendantur. Decem præsidet legionibus.
15.
Morax, alias Foraii, magnus
Comes et Præses: Similis tauro visitur: Et si quando humanam faciem
assumit, admirabilem in Astronomia et in omnibus artibus liberalibus
reddit hominem: parit etiam famulos non malos et sapientes: novit
et herbarum et pretiosorum lapidum potentiam. Imperat triginta sex
legionibus.
16.
Ipes, alias Ayperos est magnus
Comes et Princeps, apparens quidem specie angelica, interim leone
obscurior et turpis, capite leonis, pedibus anserinis, cauda
leporina. Præterita et futura novit: Redditque hominem ingeniosum
et audacem. Legiones huic obediunt trigintasex.
17.
Naberus, alias Cerberus,
Marchio est fortis, forma corvi se ostentans: Si quando loquitur, raucam
edit vocem. Reddit et hominem amabilem et artium intelligentem,
cum primis in Rhetoricis eximium. Prælaturarum et dignitatum
jacturam parit. Novendecim legiones hunc audiunt.
18.
Glasya labolas, alias
Caacrinolaas vel Caassimolar magnus Præses: Qui progreditur ut canis
habens alas gryphi. Artium cognitionem dat, interim dux omnium
homicidarum. Præsentia et futura intelligit. Tam amicorum quam
inimicorum animos demeretur: Et hominem reddit invisibilem. Imperium
habet triginta sex legionum.
19.
Zepar Dux magnus, apparens uti
miles, inflammansque virorum amore mulieres, et quando ipsi jussum
fuerit, earum formam in aliam transmutat, donec dilectis suis fruantur.
Steriles quoque eas facit. Vigintisex huic parent legiones.
20.
Byleth Rex magnus et
terribilis, in equo pallido equitans, quem præcedunt tubæ, symphoniæ,
et cuncta Musicæ genera. Quum autem coram exorcista se ostentat,
turgidus ira et furore videtur, ut decipiat. Exorcista vero tum sibi
prudenter caveat: Atque ut fastum ei adimat, in manu suscipiat baculum
corili, cum quo orientem et meridiem versus, foris juxta circulum
manum extendet, facietque triangulum. Cæterum si manum non extendit,
et intrare jubet, atque spirituum Vinculum ille renuerit, ad
lectionem progrediatur exorcista: mox ingredietur item submissus, ibi
stando et faciendo quodcunque jusserit exorcista ipsi Byleth regi,
eritque securus. Si vero contumacior fuerit, nec primo jussu circulum
ingredi voluerit, reddetur forte timidior exorcista: Vel si Vinculum
spirituum minus habuerit, sciet haud dubie exorcista, malignos spiritus
postea eum non verituros, at semper viliorem habituros. Item si
ineptior sit locus triangulo deducendo juxta circulum, tunc vas vino
plenum ponatur: Et intelliget exorcista certissime, quum e domo sua
egressus fuerit cum sociis suis, prædictum Byleth sibi fautorem fore,
benevolum, et coram ipso submissum quando progredietur. Venientem
vero exorcista benigne suscipiat, et de ipsius fastu glorietur:
Propterea quoque eundem adorabit, quemadmodum alii reges, quia nihil
dicit absque aliis principibus. Item si hic Byleth accitus fuerit ab
aliquo exorcista, semper tenendus ad exorcistæ faciem annulus argenteus
medii digiti manus sinistræ, quemadmodum pro Amaymone. Nec est
prætermittenda dominatio et potestas tanti principis, quoniam nullus
est sub potestate et dominatione exorcistæ alius, qui viros et
mulieres in delirio detinet, donec exorcistæ voluntatem explerint: Et
fuit ex ordine Potestatum, sperans se ad septimum Thronum rediturum,
quod minus credibile. Imperat octogintaquinque legionibus.
21.
Sytry, alias Bitru, magnus
Princeps, leopardi facie apparens, habensque alas velut gryphi. Quando
autem humanam assumit formam, mire pulcher videtur. Incendit virum
mulieris amore, mulierem vicissim alterius desiderio incitat. Jussus
secreta libenter detegit feminarum, eas ridens ludificansque, ut se
luxuriose nudent. Huic sexaginta legiones obsequuntur.
22.
Paymon obedit magis Lucifero
quam alii reges. Lucifer hic intelligendus, qui in profunditate
scientiæ suæ demersus, Deo assimilari voluit, et ob hanc arrogantiam
in exitium projectus est. De quo dictum est: Omnis lapis pretiosus
operimentum tuum. Paymon autem cogitur virtute
divina, ut se sistat coram exorcista: ubi hominis induit simulachrum,
insidens dromedario, coronaque insignitus lucidissima, et vultu
fœmineo. Hunc præcedit exercitus cum tubis et cimbalis bene
sonantibus, atque omnibus instrumentis Musicis, primo cum ingenti
clamore et rugitu apparens, sicut in Empto. Salomonis, et arte
declaratur. Et si Paymon hic quandoque loquitur, ut minus ab exorcista
intelligatur, propterea is non tepescat: sed ubi porrexerit illi primam
chartam ut voto suo obsequatur, jubebit quoque ut distincte et aperte
respondeat ad quæsita, et de universa philosophia et prudentia
vel scientia, et de cæteris arcanis. Et si voles cognoscere
dispositionem mundi, et
qualis sit terra, aut quid eam sustineat in aqua, aut aliquid aliud,
et quid sit abyssus, et ubi est ventus et unde veniat, abunde
te docebit. Accedant et consecrationes tam de libationibus quam
aliis. Confert hic dignitates et confirmationes. Resistentes sibi
suo vinculo deprimit, et exorcistæ subjicit. Bonos comparat famulos,
et artium omnium intellectum. Notandum, quod in advocando hunc
Paymonem, Aquilonem versus exorcistam conspicere oporteat, quæ ibi hujus
sit hospitium. Accitum vero intrepide constanterque suscipiat,
interroget, et ab eo petat quicquid voluerit, nec dubie impetrabit.
At ne creatorem oblivioni tradat, cavendum exorcistæ, propter ea quæ
præmissa fuerunt de Paymone. Sunt qui dicunt, eum ex ordine
Dominationum fuisse: sed aliis placet, ex ordine Cherubin. Hunc
sequuntur legiones ducentæ, partim ex ordine Angelorum, partim
Potestatum. Notandum adhæc, si Paymon solus fuerit citatus per aliquam
libationem aut sacrificium, duo reges magni comitantur, scilicet Bebal
et Abalam, et alii potentes. In hujus exercitu sunt
vigintiquinque legiones: Quia spiritus his subjecti, non semper ipsis
adsunt, nisi ut appareant, divina virtute compellantur.
23.
Regem Belial aliqui dicunt
statim post Luciferum fuisse creatum, ideoque sentiunt ipsum esse patrem
et seductorem eorum qui ex Ordine ceciderunt. Cecidit enim prius
inter alios digniores et sapientiores, qui præcedebant Michaelem
et alios cœlestes angelos, qui decrant. Quamvis autem Belial ipsos
qui in terram dejecti fuerint, præcesserit: alios tamen qui in cœlo
mansere, non antecessit. Cogitur hic divina virtute, cum accipit
sacrificia, munera et holocausta, ut vicissim det immolantibus
responsa vera: At per horam in veritate non perdurat, nisi potentia
divina compellatur, ut dictum est. Angelicam assumit imagine in impense
pulchram, in igneo curru sedens. Blande loquitur. Tribuit dignitates
et prælaturas senatorias, gratiam item amicorum, et optimos
famulos. Imperium habet octoginta legionum, ex ordine partim Virtutum,
partim Angelorum. Forma exorcistæ invenitur in Vinculo Spirituum.
Observandum exorcistæ, hunc Belial in omnibus succurrere suis subditis:
Si autem se submittere noluerit, Vinculum Spirituum legatur, quo
sapientissimus Salomon eos cum suis legionibus in vase vitreo relegavit:
Et relegati cum omnibus legionibus fuere septuagintaduo reges, quorum
primus erat
Bileth, secundus Belial, deinde Asmoday, et circirer mille millia
legionum. Illud proculdubio a magistro Salomone didiciste me fateor:
Sed causam relegationis me non docuit, crediderim tamen propter
arrogantiam ipsius Belial. Sunt quidam necromantici, qui asserunt,
ipsum Salomonem
quodam die astutia cujusdam
mulieris seductum, orando se inclinasse versus simulacrum Belial nomine.
Quod tamen fidem non meretur: Sed potius sentiendum, ut dictum est,
propter superbiam et arrogantiam, relegatos esse in magno vase,
projectos in Babylone in puteum grandem valde. Enimvero prudentissimus
Salomon divina potentia suas exequebatur operationes, quæ etiam nunquam
eum destituit: propterea simulachrum non adorasse ipsum sentiendum est,
alioqui divina virtute spiritus cogere nequivisset. Hic autem Belial
cum tribus regibus in puteo fuit. At Babylonienses ad hæc
exhorrescentes, rati se thesaurum amplum in puteo inventuros, unanimi
consilio in puteum descenderunt, detegeruntque et confregere vas,
unde mox egressi captivi, in proprium locum porto sunt rejecti. Belial
vero ingressus quoddam simulachrum, dabat responsa sibi immolantibus
et sacrificantibus, ut testatur Tocz in dictis suis: Et Babylonienses
adorantes sacrificaverunt eidem.
24.
Bune Dux magnus et fortis,
apparet ut draco, tribus capitibus, tertium vero assimilatur homini.
Muta loquitur voce: Mortuos locum mutare facit, et dæmones supra
defunctorum sepulchra congregari: omnimodo hominem locupletat, redditque
loquacem et sapientem: ad quæsita vere respondet. Huic legiones
parent triginta.
25.
Forneus magnus Marchio, similis
monstro marino, reddit hominem in Rhetoricis admirabilem, optima fama
et linguarum peritia ornat, tam amicis quam inimicis gratum facit.
Subsunt huic vigintinovem legiones, ex ordine partim Thronorum, partim
Angelorum.
26.
Roneve Marchio et Comes,
assimilatur monstro. Singularem in Rhetoricis intelligcntiam confert,
famulos item fidos, linguarum cognitionem, amicorum et inimicorum
favorem. Huic obediunt legiones novendecim.
27.
Berith Dux magnus et terribilis: tribus nuncupatur nominibus,
a quibusdam Beal, a Judæis Berith, a necromanticis Bolfri.
Prodit ut miles ruber cum vestitu rubro, et equo ejusdem coloris
coronaque ornatus. Vere de præsentibus, præteritis et futuris
respondet. Virtute divina per annulum magicæ artis ad horam
scilicet cogitur. Mendax etiam est. In aurum cuncta metallorum
genera mutat. Dignitatibus ornat easdemque confirmat: Claram
subtilemque edit vocem. Viginti sex legiones huic subsunt.
28.
Astaroth Dux magnus et
fortis, prodiens angelica specie turpissima, insidensque in dracone
infernali, et viperam portans manu dextra. Vere respondet de
præteritis, præsentibus, futuris et occultis. Libenter de spirituum
creatore, et eorundem lapsu loquitur, quomodo peccaverint et
ceciderint. Se sponte non prolapsum esse dicit. Reddit hominem mire
eruditum in artibus liberalibus. Quadraginta legionibus imperat. Ab
hoc quilibet exorcista caveat, ne prope nimis cum admittat, ob fœtorem
intolerabilem quem expirat. Itaque annulum argenteum magicum in manu
sua juxta faciem teneat, quo se ab injuria facile tuebitur.
29.
Forras vel Forcas magnus Præses
est: visitur forma viri fortissimi, et in humana specie vires
herbarum et lapidum preciosorum intelligit. Plene docet Logica,
Ethica et eorundem partes. Reddit hominem invisibilem, ingeniosum,
loquacem et vivacem: Amissa recuperat, thesauros detegit. Dominium
viginti novem legionum habet.
30.
Furfur Comes est magnus,
apparens ut cervus cauda flammea. In omnibus mentitur, nisi in
triangulum intro ducatur. Jussus angelicam assumit imaginem. Rauca
loquitur voce: amorem inter virum et mulierem libenter conciliat:
novit et concitare fulgura, coruscationes et tonitrua in iis
partibus ubi jussum fuerit. De occultis et divinis rebus bene
respondet. Imperat legionibus vigintisex.
31.
Marchocias magnus Marchio est.
Se ostentat specie lupæ ferocissimæ cum alis gryphi, cauda serpentina,
et ex ore nescio quid evomens. Quum hominis imaginem induit,
pugnator est optimus. Ad quæsita vere respondet: fidelis in cunctis
exorcistæ mandatis. Fuit ordinis Dominationum. Huic subjacent legiones
triginta. Sperat se post mille ducentos annos ad septimum Thronum
reversurum: sed ea spe falsus est.
32.
Malphas magnus Præses,
conspicitur corvo similis: sed hominis idolum indutus rauca fatur voce.
Domos et turres ingentes mire extruit, et obvios cito facit
artifices maximos: Hostium vero ædes et turres dejicit. Famulos
suppeditat non malos. Sacrificia libenter suscipit, at sacrificatores
omnes fallit. Quadraginta huic parent legiones.
33.
Vepar, alias Separ, Dux magnus
et fortis: Similis syreni: Ductor est aquarum et navium armis
onustarum. Ut mare jussu magistri turgidum navibusque plenum appareat,
efficit: contra inimicos exorcistæ per dies tres vulneribus
putrescentibus vermesque producentibus homines inficit, a quibus tamen
negotio absoluto sanantur omnes. Imperat legionibus vigintinovem.
34.
Sabnac, alias Salmac, Marchio
magnus et fortis: prodit ut miles armatus, capite leonis, in pallido
equo infidens. Hominis formam transmutat mire: Turres magnas armis
plenas ædificat, item castra et civitates. Triginta dies ex mandato
exorcistæ homini vulnera putrida et verminantia infligit. Familiares
conciliat bonos: dominium exercens quinquaginta legionum.
35.
Sydonay, alias Asmoday, Rex
magnus, fortis et potens: Visitur tribus capitibus, quorum primum
assimilatur capiti tauri, alterum hominis, tertium arietis. Cauda ejus
serpentina, ex ore flammam eructat, pedes anserini. Super dracone
infernali sedet, in manu lanceam et vexillum portans. Præcedit alios
qui sub potestate Amaymonis sunt. Cum hujus officia exercet exorcista,
fit fortis, cautus et in pedibus stans: si vero coopertus fuerit, ut
in omnibus detegatur, efficiet: Quod si non fecerit exorcista, ab
Amaymone in cunctis decipietur: Sed mox cum ipsum in prædicta forma
conspicit, appellabit illum nomine suo, inquiens: Tu vero es Asmoday.
Ipse non negabit: Et mox ad terram. Dat annulum virtutum: Docet
absolute Geometriam, Arithmeticam, Astronomiam, Mechanicam: Ad
interrogata plene et vere respondet: Hominem reddit invisibilem: Loca
thesaurorum ostendit et custodit, si fuerit de legionibus Amaymonis.
In sua potestate legiones septuaginta duas habet.
36.
Gaap, alias Tap, Præses magnus
et Princeps: in signo Meridiei apparet: sed quum humanam assumit
faciem,
ductor est præcipuorum quatuor regum, tam potens ut Byleth. Extiterunt
autem quidam necromantici, qui huic libamina et holocausta obtulere,
et ut eundem evocarent, artem exercuere, dicentes sapientissimum
Salomonem eam composuisse, quod falsum est: imo fuit Cham filius Noe,
qui primus post diluvium cœpit malignos invocare spiritus, invocavit
autem Byleth, et composuit artem in suo nomine, et librum, qui
multis mathematicis est cognitus. Fiebant autem holocausta, libamina,
munera, et multa nefaria, quæ operabantur exorcistæ admistis
sanctissimis Dei nominibus, quæ in eadem arte sparsim exprimuntur.
Epistola vero de iis nominibus est conscripta a Salomone, uti et
scribunt Helias Hierosolymitanus et Heliseus. Notandum, si aliquis
exorcista habuerit artem Beleth, nec ipsum coram se sistere possit aut
videre, nisi per artem: Quomodo autem eundem continere oporteat, non est
explicandum, quum sit nefandum, et nihil a Salomone de ejus
dignitate et officio didicerim, hoc tamen non silebo, ipsum reddere
hominem admirabilem in philosophia et artibus omnibus liberalibus.
Facit ad amorem, odium, invisibilitatem et consecrationem eorum quæ
sunt de dominatione Amaymonis: Et de potestate alterius exorcistæ tradit
familiares, et vera perfecte responsa de præsentibus, præteritis
et futuris. Velocissimo transcursu in varias regiones traducit
hominem. Sexagintasex præest legionibus, et fuit de Potestatum
ordine.
37.
Chax, alias Scox, Dux est et
Marchio magnus: Similis ciconiæ rauca voce et subtili. Mirabiliter
aufert visum, auditum et intellectum jussu exorcistæ: aufert pecuniam
ex qualibet domo regia, et reportat post mille ducentos annos, si
jussus fuerit: abripit et equos. Fidelis esse in omnibus mandatis
putatur: ac licet se obsecuturum exorcistæ promittat, non tamen in
omnibus facit. Mendax est, nisi in triangulum introducatur: introductus
autem loquitur de rebus divinis et reconditis thesauris, qui a
malignis spiritibus non custodiuntur. Promittit insuper se collaturum
optimos famulos, qui accepti sunt, si non fuerint deceptores. Huic
subjacent legiones triginta.
38.
Pucel Dux magnus et fortis,
apparet in specie angelica, sed obscura valde: loquitur de occultis:
docet Geometriam et omnes artes liberales: sonitus facit ingentes,
et sonare aquas ubi non sunt, easdem et calefacit et harum
balnea recuperandæ sanitati servientia certis temporibus, distemperat
jussu exorcistæ. Fuit de ordine Potestatum, habetque in sua potestate
legiones quadragintaocto.
39.
Furcas miles est:
prodit similitudine sævi hominis cum longa barba, et capillitio cano.
In equo pallido insidet, portans in manu telum acutum. Docet perfecte
practicam, philosophiam, rhetoricam, logicam, chiromantiam,
astronomiam, piromantiam, et earum partes. Huic parent viginti
legiones.
40.
Murmur magnus Dux et
Comes: Apparet militis forma, equitans in vulture, et ducali corona
comptus. Hunc præcedunt duo ministri tubis magnis: Philosophiam
absolute docet. Cogit animas coram exorcista apparere, ut interrogatæ
respondeant ad ipsius quæsita. Fuit de ordine partim Thronorum, partim
Angelorum.
41.
Caym magnus Præses, formam
assumens merulæ: at quum hominem induit, respondet in favilla ardente,
ferens in manu glagium acutissimum. Præ cæteris sapienter
argumentari facit: Tribuit intellectum omnium volatilium, mugitus boum,
latratus canum, et sonitus aquarum: de futuris optime respondet.
Fuit ex ordine Angelorum. Præsidet legionibus triginta.
42.
Raum vel Raym Comes est
magnus: Ut corvus visitur: Sed cum assumit humanam faciem, si ab
exorcista jussus fuerit, mire ex regis domo vel alia suffuratur, et
ad locum sibi designatum transfert. Civitates destruit: Dignitatum
despectum ingerit. Novit præsentia, præterita et futura. Favorem
tam hostium quam amicorum conciliat. Fuit ex ordine Thronorum. Præest
legionibus triginta.
43.
Halphas Comes magnus,
prodit similis ciconiæ rauca voce. Insigniter ædificat oppida ampla
armis plena: Bellum movet, et jussus, homines bellicosos ad
designatum locum mittit obviam. Subsunt huic viginti sex legiones.
44.
Focalor Dux magnus, prodit
velut homo, habens alas gryphi forma. Accepta humana figura,
interficit homines et in aquis submergit. Imperat mari et vento,
navesque bellicas subvertit. Notandum omni exorcistæ, si huic mandetur,
ne homines lædat, libenter obsequitur. Sperat se post mille annos
reversurum ad septimum Thronum, sed fallitur. Triginta legionibus
imperat.
45.
Vine magnus Rex et
Comes: se ostentat ut leo in equo nigro insidens, portansque viperam in
manu. Amplas turres libenter ædificat: Lapideas domus extruit, rivos
reddit turgidos: Ad exorcistæ mandatum respondet de occultis, maleficis,
præsentibus, præteritis et futuris.
46.
Bifrons, monstri
similitudine conspicitur. Ubi humanam assumit imaginem, reddit hominem
in Astrologia mirabilem, planetarum mansiones absolute docens, idem
præstat in Geometria, et mensuris aliis. Vires herbarum, lapidum
pretiosorum et lignorum intelligit. Corpora mortuorum de loco ad
locum transmutat: Candelas super defunctorum sepulchra inflammare
videtur. Huic subjacent vinginti sex legiones.
47.
Gamygyn magnus Marchio: in
forma equi parvi visitur: at ubi hominis simulachrum assumit, raucam
edit vocem, de omnibus artibus liberalibus differens: efficit quoque, ut
coram exorcista conveniant animæ in mari exeuntes, et quæ degunt in
purgatorio (quod dicitur Cartagra, id est, afflictio animarum) et
corpora aerea suscipiunt, apparentque evidenter, et ad interrogata
respondent. Permanet apud exorcistam, donec ipsius votum expleverit.
Triginta legiones in sua habet potestate.
48.
Zagam magnus Rex et
Præses: ut taurus prodit cum alis ad modum gryphi: sed assumpta hominis
forma, reddit hominem ingeniosum: transmutat cuncta metallorum genera in
monetas illius ditionis, et aquam in vinum, et e diverso:
sanguinem quoque in oleum, et contra: et stultum in sapientem.
Præest triginta tribus legionibus.
49.
Orias Marchio magnus,
visitur ut leo, in equo fortissimo equitans, cauda serpentina: in
dextera portat duos grandes serpentes etiam exibilantes. Callet
planetarum mansiones, et vires sidereas perfecte docet. Transmutat
homines: confert dignitates, prælaturas et confirmationes: Item
amicorum et hostium favorem. Præsidet legionibus triginta.
50.
Volac magnus Præses:
progreditur uti puer alis angeli, super dracone equitans duobus
capitibus. De occultis thesauris perfecte respondet, et ubi
serpentes videantur, quos et viribus dedestitutos tradit in exorcistæ
manus. Dominium habet legionum triginta.
51.
Gomory Dux fortis et
potens: apparet ut mulier pulcherrima: ac ducali cingitur corona, in
camelo equitans. Bene et vere respondet de præteritis, præsentibus,
futuris, et occultis thesauris ubi lateant. Conciliat amorem
mulierum, et maxime puellarum. Imperat legionibus vigintisex.
52.
Decarabia vel Carabia, magnus Rex et Comes: venit similis.
Vires herbarum et lapidum pretiosorum novit: efficit ut aves coram
exorcista volent, et velut familiares ac domesticæ morentur, bibant
et cantillent suo more. Parent huic triginta legiones.
53.
Amduscias Dux magnus et fortis: procedit ut unicornu:
in humana similiter forma, quando coram magistro suo se
sistit: Et si præcipiatur, efficit facile ut tubæ et symphoniæ omniaque
musicorum instrumentorum genera audiantur, nec tamen conspectui
appareant: ut item arbores ad exorcistæ genu se inclinent.
Optimus est una cum famulis. Imperium habet vigintinovem
legionum.
54.
Andras magnus Marchio:
visitur forma angelica, capite nycticoraci nigro simili, in lupo nigro
et fortissimo equitans, bajulansque manu gladium acutissimum. Novit
interficere dominum, servum et coadjutores: author est discordiarum.
Dominatur legionibus triginta.
55.
Androalphus Marchio
magnus, apparens ut pavo: graves edit sonitus: Et in humana forma docet
perfecte geometriam et mensuram spectantia: reddit hominem in
argumentando argutum, et in astronomia prudentem, eundemque in avis
speciem transmutat. Triginta huic subsunt legiones.
56.
Oze Præses magnus, procedit similis leopardo: sed hominem
mentitus, reddit prudentem in artibus liberalibus: vere resondet de
divinis et occultis: transmutat hominis formam: et ad eam insaniam
eum redigit, ut sibi persuadeat esse quod non est, quemadmodum se esse
regem vel papam, et coronam in capite gestare: duratque id regnum
horam.
57.
Aym vel Haborym Dux magnus et fortis: progreditur tribus
capitibus, primo serpenti, simili, altero homini duos habenti, tertio
felino. In vipera equitat, ingentem facem ardentem portans, cujus
flamma succenditur castrum vel civitas. Omnibus modis ingeniosum reddit
hominem: de abstrusis rebus vere respondet. Imperat legionibus
vigintisex.
58.
Orobas magnus Princeps: procedit equo conformis:
hominis autem indutus idolum, de virtute divina loquitur: vera
dat responsa de præteritis, præsentibus, futuris, de divinitate et
creatione: neminem decipit, nec tentari sinit: confert prælaturas
et dignitates, amicorum item et hostium favorem. Præsidet legionibus
viginti.
59.
Vapula Dux magnus et
fortis: conspicitur ut leo alis ad modum gryphi. Reddit hominem
subtilem et mirabilem in artibus mechanicis, philosophia, et
scientiis quæ in libris continentur. Præfectus est trigintasex
legionum.
60.
Cimeries magnus Marchio
et fortis: imperans in partibus Africanis: docet perfecte
Grammaticam, Logicam et Rhetoricam. Thesauros detegit, et occulta
aperit. Facit ut homo cursu celerrimo videatur transmutari in militem.
Equitat in equo nigro et grandi. Legionibus viginti præest.
61.
Amy Præses magnus: apparet
in flamma ignea: sed humana assumpta forma, reddit hominem admirabilem
in astrologia et omnibus artibus liberalibus. Famulos suppetit
optimos: thesauros a spiritibus custoditos ostendit. Præfecturam habet
legionem triginta sex, ex ordine partim angelorum, partim potestatum.
Sperat se post mille ducentos annos ad Thronum septimum reversurum, quod
credibile non est.
62.
Flauros dux fortis:
conspicitur forma leopardi et terribili. In humana specie vultum
ostentat horrendum, et oculos flammeos. De præteritis, præsentibus
et futuris plene et vere respondet. Si fuerit in triangulo,
mentitut in cunctis, et fallit in aliis negotiis. Libenter loquitur
de divinitate, mundi creatione et lapsu. Divina virtute cogitur,
et omnes alii dæmones sive spiritus, ut omnes adversarios exorcistæ
succendant et destruant. Et si virtute numinis ipsi imperatum
fuerit, exorcistæ tentationem non permittit. Legiones viginti sub sua
habet potestate.
63.
Balam Rex magnus et terribilis: prodit tribus capitibus,
primo tauri, altero hominis, tertio arietis: cauda adhæc serpentina,
oculis flammeis, equitans in urso fortissimo, et accipitrem
in manu portans. Raucam edit vocem: perfecte respondet
de præteritis, præsentibus et futuris: reddit hominem et invisibilem
et prudentem. Quadraginta legionibus præsidet, et fuit ex ordine dominationum.
64.
Alocer Dux magnus et
fortis: procedit ut miles in equo vasto insidens: facies ejus leonina,
rubicunda valde cum oculis flammeis: graviter loquitur: hominem reddit
admirabilem in astronomia et in omnibus artibus liberalibus: confert
bonam familiam; Dominatur triginta sex legionibus.
65.
Zaleos magnus Comes:
apparet ut miles pulcherrimus in crocodilo equitans, et ducali
ornatus corona, pacificus, etc.
66.
Wal Dux magnus et
fortis: conspicitur ut dromedarius magnus ac terribilis: at in humana
forma linguam sonat Ægyptiacam graviter. Hic præ cæteris amorem maxime
mulierum conciliat: inde novit præsentia, præterita et futura:
confert et gratiam amicorum atque inimicorum. De ordine fuit
potestatum. Trigintaseptem legiones gubernat.
67.
Haagenti magnus Præses: ut
taurus videtur, habens alas gryphi: sed assumpta facie humana, reddit
hominem ingeniosum in quibuslibet: cuncta metalla in aurum transmutat,
aquam in vinum, et ediverso. Tot legionibus imperat, quot Zagan.
68.
Phœnix magnus Marchio:
apparet uti avis phœnix puerili voce: sed antequam se sistit coram
exorcista, cantus emittit dulcissimos: tunc autem cavendum exorcistæ cum
suis sociis, ne suavitati cantus aures accommodent, sed ille mox huic
jubeat humanam assumere speciem, tunc mire loquetur de cunctis scientiis
admirandis. Poeta est optimus et obediens. Sperat se post mille
ducentos annos ad septimum thronum rediturum. Viginti præest
legionibus.
69.
Stolas magnus Princeps:
prodit forma nycticoracis: coram exorcista hominis simulachrum suscipit,
docetque absolute astronomiam. Herbarum et lapidum pretiosorum
vires intelligit. Vigintisex legiones huic subjacent.
Legio 6666.
Secretum secretorum tu operans sis secretus horum.
70.
Observa horas in quibus
quatuor reges, scilicet Amoymon rex Orientalis, Gorson rex Meridionalis,
Zymymar rex Septentrionalis, Goap rex et princeps Occidentalis
possunt constringi, a tertia hora usque ad meridiem, a nona hora usque
ad vesperas.
Item Marchiones a nona usque ad completorium, vel a completorio usque ad finem diei.
Item Duces a prima usque ad meridiem: et observatur cœlum clarum.
Item Prælati in aliqua hora diei.
Item Milites ab aurora usque ad ortum solis, vel a vesperis usque ad finem solis.
Item Præses in aliqua hora diei non potest constringi, nisi rex cui paret, invocaretur, et nec in crepusculo noctis.
Item Comites omni hora diei, dum sunt in locis campestribus vel sylvestribus, quo homines non solent accedere, etc.
Citatio Prædictorum spirituum.
Ubi quem volueris spiritum, hujus nomen et
officium supra cognosces: inprimis autem ab omni pollutione, minimum
tres vel quatuor dies mundus esto in prima citatione, sic et spiritus
postea obsequentiores erunt: fac et circulum, et voca spiritum
cum multa intentione: primum vero annulum in manu contineto: inde hanc
recitato benedictionem tuo nomine et socii, si præsto fuerit, et
effectum tui instituti sortieris, nec detrimentum a spiritibus senties:
imo tuæ animæ perditionem.
2.
In nomine Domini nostri Jesu Christi + patris et + filii
et + spiritus sancti: sancta trinitas et inseparabilis unitas te
invoco, ut sis mihi salus et defensio et protectio corporis et
animæ meæ, et omnium rerum mearum. Per virtutem sanctæ crucis +
et per virtutem passionis tuæ deprecor te domine Jesu Christe, per
merita beatissimæ Mariæ virginis et matris tuæ atque omnium sanctorum
tuorum, ut mihi concedas gratiam et potestatem divinam super omnes
malignos spiritus, ut quoscunque nominibus invocavero, statim ex omni
parte conveniant, et voluntatem meam perfecte adimpleant, quod mihi
nihil nocentes, neque timorem inferentes, sed potius obedientes et
ministrantes, tua districte virtute præcipiente, mandata mea perficiant,
Amen. Sanctus sanctus sanctus dominus Deus Sabaoth, qui venturus es
judicare vivos et mortuos: tu qui es et primus et novissimus,
Rex regum et dominus dominantium Joth Aglanabrath El abiel anathi
Enathiel Amazin sedomel gayes tolima Elias ischiros athanatos ymas heli
Messias, per hæc tua sancta nomina et per omnia alia invoco te et
obsecro te domine Jesu Christe, per tuam nativitatem, per baptismum
tuum, per passionem et crucem tuam, per ascensionem tuam, per
adventum spiritus sancti paracliti, per amaritudinem animæ tuæ; quando
exivit de corpore tuo, per quinque vulnera tua, per sanguinem et
aquam, quæ exierant de corpore tuo, per virtutem tuam, per sacramentum
quod dedisti discipulis tuis pridie quam passus fuisti: per sanctam
trinitatem, per individuam vnitatem, per beatam Mariam matrem tuam, per
angelos et archangelos, per prophetas et patriarchas, et per
omnes sanctos tuos, et per omnia sacramenta quæ fiunt in honore tuo:
adoro te et obsecro te, benedico tibi et rogo, ut acceptes
orationes has et conjurationes et verba oris mei, quibus uti
voluero. Peto Domine Iesu Christe: da mihi virtutem et potestatem
tuam super omnes angelos tuos, qui de cœlo ejecti sunt ad decipiendum
genus humanum, ad attrahendum eos, ad constringendum, ad ligandum eos
pariter et solvendum: Et ad congregandum eos coram me, et ad
præcipiendum eis ut omnia, quæ possunt, faciant, et verba mea
vocemque meam nullo modo contemnant: sed mihi et dictis meis
obediant, et me timeant, per humanitatem et misericordiam et
gratiam tuam deprecor et peto te adonay amay hortan vigedora mytay
hel suranat ysion ysyesy et per omnia nomina tua sancta, per omnes
sanctos et sanctas tuas per angelos et archangelos, potestates,
dominationes et virtutes, et per illud nomen per quod Salomon
contringebat dæmones, et conclusit ipsos Elhroch eban her agle goth
joth othie venoch nabrat, et per omnia sacra nomina quæ scripta sunt
in hoc libro et per virtutem eorundem, quatenus me potentem facias
congregare et constringere omnes tuos spiritus de cœlo depulsos, ut
mihi veraciter de omnibus meis interrogatis, de quibus quæram,
responsionem veracem tribuant, et omnibus meis mandatis illi
satisfaciant sine læsione corporis et animæ meæ et omnium ad me
pertinentium, per Dominum nostrum Jesum Christum filium tuum, qui tecum
vivit et regnat in unitate spiritus sancti Deus per omnia secula.
3.
O pater omnipotens, ô fili sapiens, ô spiritus sancte corda hominum
illustrans, ô vos tres in personis, una vero deitas in substantia: qui
Adam et Evæ in peccatis eorum pepercistis, et propter eorum
peccata mortem subiisti tu fili turpissimam, in lignoque sanctæ crucis
sustinuisti: ô misericordissime, quando ad tuam confugio misericordiam,
et supplico modis omnibus quibus possum, per hæc nomina sancta tui
filii, scilicet et , et per omnia alia sua nomina, quatenus
concedas mihi virtutem et potestatem tuam, ut valeam tuos spiritus
qui de cœlo ejecti sunt, ante me citare, et ut ipsi mecum loquantur,
et mandata mea perficiant statim et sine mora, cum eorum
voluntate, sine omni læsione corporis, animæ et bonorum meorum,
etc. Continua ut in libro Annuli Salomonis continetur.
4.
O summa et æterna virtus Altissimi, qui te disponente his
judicio vocatis vaycheon stimulamaton ezphares tetragrammaton olyoram
irion esytion existion eryona onela brasym noym messias sother emanuel
sabaoth adonay, te adoro, te invoco, totius mentis viribus meis imploro,
quatenus per te præsentes orationes et consecrationes et
conjurationes consecrentur videlicet, et ubicunque maligni spiritus
in virtute tuorum nominum sunt vocati, et omni parte conveniant,
et voluntatem mei exorcisatoris diligenter adimpleant, fiat fiat
fiat, Amen.
5.
Hæc blasphema et execranda hujus mundi fæx et
sentina pœnam in magos prophanos bene constitutam, pro scelerato mentis ausu jure meretur.
FINIS
VERUS JESUITARVM LIBELLUS
1500
SEV fortissima coactio et constrictio omnium malorum Spirituum cujuscunque generis, conditionis, status vel officii sint.
ET CONJURATIO fortissima et probatissima in USIELEM
Huic est annixa CYPRIANI CITATIO ANGELORVM, ejusque Conjuratio Spiritus, qui thesaurum abscondidit, una cum illorum Dismissione.
PARISIIS, 1508.
VERI JESVITARVM LIBELLI
Conjuration I.
Ego N. indignissima creatura Domini nostri Jesu Christi et servus Dei peto, voco et exorcizo te, Spiritum,
per aquam +, aerem +, ignem, et terram +, et quicquid in his vitam
ducit et versatur, et se movet aut movetur, et per sanctissima nomina
Jesu Christi:
Hagios +, ischiros +, paraclitus +, alpha et omega
+, initium et finis +, Deus + et homo +, Zebaoth +, Adonai +, Agla +,
Tetragrammaton +, Abua +, Deus +, Eljon +, Jana, Jehova, Deus Sachnaton
+, Arumna +, Messias +, Cherab +, Misol +, Ambriel +, Achteol +,
Jachenas +, et per vim Dei Patris + et per vim Dei Filii + et per vim
Spiritus Sancti +, et per quae verba Salomon et Manasses spiritus exorcizavit et per quæ tu Spiritus, quomodocunque exorcizari potes, ut tu hoc momento, uti Isaac Abramo
obediens fuit, ita etiam mihi obedire debeas et compareas coram me in
pulcra, affabili et humana forma et afferas mihi (ex abysso maris) N. milliones optimi auri expensibilis ubique monetae Hispanicae
sine ullo tumulto, damno corporis et animæ, absque omni prorsus
nocumento, sine strepitu, fulgure, tempestate, sine terrore et tremore
et pone istam summam in circulum. Ego hoc mando tibi, Spiritus, per virtutem Dei Patris + Dei Filii +, Dei Spiritus S. + et per vim, per quod omnia creata et facta sunt. Fiat + + + !
II.
Ego N. servus Dei, voco, cito, exorcizo te, o Spiritus!
per sanctos apostolos et discipulos Dei, per sanctos Evangelistas,
sanctum Matthaeum, sanctum Marcum, sanctum Lucam, sanctum Johannem,
et per tres sanctos viros: Sadrach, Mesach et Abednego, et per omnes
sanctos Patriarchas, Prophetas, et Confessores, Sacerdotes, et
Levitas, et per castitatem omnium virginum sanctarum, et per
sanctissima et terribilissima verba: Aphriel, Diefriel, Zada,
Zadai, Lamabo, Lamogella, Caratium, Lamogellay, Logim, Lassim
lepa, Adeo, Deus, Aleu, Aboy, Aboy, Alon pion dhon, mibizimi,
mora, abda, zeud, et per tres sanctos magos: Casparum, Melchiorem
et Balthasarum, et per quæ Salomon, Manasses et Agrippa et
Cyprianus spiritus exorcizaverunt et coegerunt, et sicut
Christus in pace summa venit et ita veniet; sic compare coram
me in pulcra, affabili, et humana forma, et affer mihi
(ex abysso maris) N. milliones optimi auri et expensibilis
ubique monetae Hispanicae sine ullo tumultu, damno corporis
et animae, absque omni nocumento, sine strepitu, fulgure,
tempestate, sine terrore et tremore, et pone istam summam
in circulum. Et hoc mando tibi per sanctissimæ Dei
matris Mariæ omniumque præcipuorum martyrum
Dei merita.
III.
Ego N. servus Dei, voco, cito et urgeo te, Spiritum, per omnes sanctos
angelos et archangelos, sanctum Michaelem, sanctum Gabrielem, sanctum
Raphaelem, sanctum Urielem, sanctos thronos, dominationes, principatus,
potestates, virtutes, Cherubim et Seraphim, qui incessabili voce
proclamant: Sanctus, sanctus, sanctus! et per sanctissima verba: Noab,
soter, emanuel, adonai, el, elly, elloy, braun, josepha, jonas, calphia,
calphas, et per quæ Salomon et Manasses, Agrippa et Cyprianus spiritus
coegerunt, et per quæ, quomodocunque exorcizari potes, et sicut Jesus
Christus suis parentibus obediens fuit; ita mihi obediens esto et
compare coram me in pulera, affabili et humano forma et affer mihi (ex
abysso maris) N. milliones optimi auri et expensibilis monetae
hispanicae sine ullo tumultu, damno corporis et animæ, absque omni
prorsus nocumento, sine strepitu, fulgure, tempestate, sine timore et
tremore, et pone istam summam in circulum. Et hoc mando tibi per
virtutem Dei Patris +, Dei Filii +, et Dei Spiritus Sancti +.
IV.
Ego N. servus Dei, voco, cito et exorcizo te, O Spiritus! per sapientiam
Salomonis, per obedientiam Isaac, per benedictionem tribus Abraham, per
pietatem Jacob et Noe, qui in Deum non peccaverunt. Per serpentem Mosis
et per duodecim tribus Israel, et per sanctissima verba: abill, dellia,
dellion, ensusellas, jazy, zatael, olam, dithaton, sathos, sathos,
reckamaton, anab, illi, hogo, adathgiur, gueb, suna, amon, deuth, alos
gaoth, egaoth, lilu, et per illa verba, quibus Salomon, Manasses,
Agrippa et Cyprianus Spiritus coegerunt, et sicut Deus sanctissimam suam
Matrem sancto Ioanni commendavit, cum ex mundo discessit; ita mando ego
tibi hoc momento, ut coram me comparcas in pulchra, affabili et humana
forma et afferas mihi, (ex abysso maris) N. milliones optimi auri, et
expensibilis ubique monetae hispanicae, sine ullo tamen damno corporis
et animæ, absque omni prorsus noctumento, sine strepitu, fulgure,
tempestate, sine terrore et tremore et pone hanc summarn in circulum;
hoc mando tibi per sanctissimam Trinitatem.
V.
Ego N., servus Dei, voco, cito et urgeo te, Spiritum, per sanctissimam
incarnationem Iesu Christi, per sanctissimam suam nativitatem,
circumcisionem, flagellationem, coronationem, crucis bajulationem,
crucifixionem, amaram passionem et mortem et resurrectionem et
ascensionem ipsius, per missionem Spiritus sancti paracliti, et per
terribilissima verba Dei Deorum: elhor, genio, jophiel, zophiel, camael,
elemiach, richol, hoamiach, jerozel, habel, vechne, daniel, stachios,
imaniach, namuel, damobiach, et per illa verba, quibus Salomon,
Manasses, Agrippa et Cyprianus spiritus coegerunt, et per quodcunque
cogi potes, et sicut Iesus in hunc mundum venit; tam vere etiam veni et
compare coram me in pulcra, affabili et humana forma et affer mihi (ex
abysso maris) N. milliones optimi auri et expensibilis ubique monetae
Hispanicae, sine ullo tamen damno corporis et animæ, absque omni prorsus
nocumento, sine strepitu, fulgure, tempestate, sine terrore et tremore,
et pone istam summam in circulam. Et hoc mando tibi, quam vero Deus
vivit, ut tu, Spiritus, mihi obedias.
VI.
Ego N. servus Dei, voco, cito et exorcizo te, Spiritus! per angorem et
sudorem Christi Jesu, per divinum suum amorem et misericordiam,
providentiam, omnipotentiam et immensitatem; et per omnia merita Iesu
Christi et per omnia, quae pro humano genere passus est, et per septem
ipsius verbae, quae in cruce ad suum coelestem patrem dixit, cum sanctum
suum spiritum illi tradidit, et per sanctissima et terribilissima
verba: Hagios, tetragrammaton, ischyros, athanatos, abua, agla, jod,
jadoth, menoch, alpha et omega, raphael, michael, uriel, schmaradiel,
zadai et per omnia, quibus Salomon, Manasses, Agrippam et Cyprianus
spiritus coegerunt, et per quæ cogi potes, et quidem tam vere Deus
venturus est judicare vivos et mortuos, tam vere veni et compare coram
me in pulchra, affabili et humana forma et affer mihi (ex abysso maris)
N. milliones optimi auri et expensibili ubique monetae Hispanicae sine
ullo tamen damno corporis et animæ, absque omni prorsus nocumento, sine
strepitu, fulgure, tempestate, sine terrore et tremore, et pone istam
summam in circulum, et hoc mando tibi per verum Deum. Fiat!
VII.
Ego N. Servus Dei, voco, cito et urgeo te, o Spiritus! per sanctissima
quinque vulnera Iesu Christi, per suam carnem et sanguinem, cruciatus,
passionem, vitam et mortem; et per sanctificationem pro humano genere ac
etiam per omnes effusas sanguinis ejus pretiosissimi guttulas, angorem,
angustias, et per sanctissima et terribilissima verba: Soter, choma,
geno, Jehovah, Elohim, velaoch, divoch, alvoch; alrulam, stopiel,
zophiel, jophiel, fabriel, elopha, alesomas, difred, malachim, et per
verba quibiis Salomon, Manasses, Agrippa et Cyprianus spiritus
coegerunt, et tam vere Christus Jesus spiritum suum emisit, et suo
coelesti patri commendavit, tam vere mando tibi, ut compareas sine mora
et venias coram me in pulcra, affabili et humana principis specie et
affer mihi (ex abysso maris) N. milliones optimi auri et expensiblis
ubique monetae Hispanicae, sine illo prorsus nocumento, sine strepitu,
fulgure, tempestate, sine timore et tremore et pone istam summam in
circulum: Et hoc mando tibi per Deitatem et humanitatem Jesu Christi.
Amen!
DIMISSIO JESUITARUM.
Jam tibi impero et præcipio maligne spiritus! ut confestim hinc a me et
summa illa pecuniarum allata et circulo discedas, absque omni strepito,
terrore, clamore et foetore, asque sine omni damno mei tam animæ quam
corporis, absque omni læsione cujuscunque creaturæ vel rei; et ad locum a
justissimo Deo tibi deputatum in momento et ictu oculi abeas; et hinc
proripias. Hoc tibi praecipio in nomine et virtute, potentia ac
potestate sanctissimae Trinitatis, Patris +, et Filiis +, et Spiritus
sancti +. Ecce crucem Domini! Fugite partes adversae! Vicit Leo de tribu
Juda; radix David: Allelujah! Allelujah! Allelujah!
Abi festinanter et discede ab isto circulo et summa
pecuniarum allata in virtute nominis Domini Iesu Christi; et in virtute
verborum quæ dicuntur de illo, qui terram tremefacit. In ejus nomine et
virtute tibi præcipio, ut statim et absque mora, in ictu oculi hinc
secedas in virtute verborum illorum: Messias, Soter, Emanuel; Zebaot adonai;
hagios ho Theos; ischryos; athanatos! Eleison hymâs! Tetragrammaton;
Dominus noster Jesus Christus. Per ista sanctissima nomina constringo +
te; privo + te; et compello + te; et urgeo et relego + te ad locum tibi a
Deo justissimo deputatum. Ita recede statim in continenti; nec de
cetero huc amplius revertaris: nisi te petiero; quia imperat tibi
increatus Pater +; Increatus Filius +; et increatus Spiritus Sanctus +.
Ecce crucem Domini! per adspersionem sanguinis Jesu Christi; per
virtutem aquae benedictae dispergat Dominus te malignum spiritum.
Verbum caro factum est et habitat in nobis; Amen.
Symbolum ATHANASII et Psalmus 132 de profundis addatur.
SYMBOLUM ATHANASII
Quicumque vult salvus esse, ante omnia opus est, ut teneat catholicam fidem:
Quam nisi quisque integram inviolatamque servaverit, absque dubio in aeternam peribit.
Fides autem catholica haec est: ut unum Deum in Trinitate, et Trinitatem in unitate veneremur.
Neque confundentes personas, neque substantiam seperantes.
Alia est enim persona Patris alia Filii, alia Spiritus Sancti:
Sed Patris, et Fili, et Spiritus Sancti una est divinitas, aequalis gloria, coeterna maiestas.
Qualis Pater, talis Filius, talis Spiritus Sanctus.
Increatus Pater, increatus Filius, increatus Spiritus Sanctus.
Immensus Pater, immensus Filius, immensus Spiritus Sanctus.
Aeternus Pater, aeternus Filius, aeternus Spiritus Sanctus.
Et tamen non tres aeterni, sed unus aeternus.
Sicut non tres increati, nec tres immensi, sed unus increatus, et unus immensus.
Similiter omnipotens Pater, omnipotens Filius, omnipotens Spiritus Sanctus.
Et tamen non tres omnipotentes, sed unus omnipotens.
Ita Deus Pater, Deus Filius, Deus Spiritus Sanctus.
Et tamen non tres dii, sed unus est Deus.
Ita Dominus Pater, Dominus Filius, Dominus Spiritus Sanctus.
Et tamen non tres Domini, sed unus est Dominus.
Quia, sicut singillatim unamquamque personam Deum ac Dominum confiteri christiana veritate compelimur: ita tres Deos aut Dominos dicere catholica religione prohibemur.
Pater a nullo est factus: nec creatus, nec genitus.
Filius a Patre solo est: non factus, nec creatus, sed genitus.
Spiritus Sanctus a Patre et Filio: non factus, nec creatus, nec genitus, sed procedens.
Unus ergo Pater, non tres Patres: unus Filius, non tres Filii: unus Spiritus Sanctus, non tres Spiritus Sancti.
Et in hac Trinitate nihil prius aut posterius, nihil maius aut minus: sed totae tres personae coaeternae sibi sunt et coaequales.
Ita ut per omnia, sicut iam supra dictum est, et unitas in Trinitate, et Trinitas in unitate veneranda sit.
Qui vult ergo salvus esse, ita de Trinitate sentiat.
Sed necessarium est ad aeternam salutem, ut incarnationem quoque Domini nostri Iesu Christi fideliter credat.
Est ergo fides recta ut credamus et confiteamur, quia Dominus noster Iesus Christus, Dei Filius, Deus et homo est.
Deus est ex substantia Patris ante saecula genitus: et homo est ex substantia matris in saeculo natus.
Perfectus Deus, perfectus homo: ex anima rationali et humana carne subsistens.
Aequalis Patri secundum divinitatem: minor Patre secundum humanitatem.
Qui licet Deus sit et homo, non duo tamen, sed unus est Christus.
Unus autem non conversione divinitatis in carnem, sed assumptione humanitatis in Deum.
Unus omnino, non confusione substantiae, sed unitate personae.
Nam sicut anima rationalis et caro unus est homo: ita Deus et homo unus est Christus.
Qui passus est pro salute nostra: descendit ad inferos: tertia die resurrexit a mortuis.
Ascendit ad caelos, sedet ad dexteram Dei Patris omnipotentis: inde venturus est iudicare vivos et mortuos.
Ad cuius adventum omnes homines resurgere habent cum corporibus suis: et reddituri sunt de factis propriis rationem.
Et qui bona egerunt, ibunt in vitam aeternam: qui vero mala, in ignem aeternum.
Haec est fides catholica, quam nisi quisque fideliter firmiterque crediderit, salvus esse non poterit. Amen.
PSALMUS DE PROFUNDIS
Canticum graduum
De profundis clamavi ad te Domine
Domine exaudi vocem meam fiant aures tuae intendentes in vocem deprecationis meae
Si iniquitates observabis Domine Domine quis sustinebit
Quia apud te propitiatio est propter legem tuam sustinui te Domine sustinuit anima mea in verbum eius
Speravit anima mea in Domino
A custodia matutina usque ad noctem speret Israhel in Domino
Quia apud Dominum misericordia et copiosa apud eum redemptio
Et ipse redimet Israhel ex omnibus iniquitatibus eius
CONJURATIO in USIELEM.
Audi, Usiel! ego N. indignus minister Dei, conjuro, posco, vinco et voco
te, o spiritus Usiel! non mea potestate sed per vim, virtutem et
potentiam Dei + Patris et per totam redemtionem et salvificationem Dei +
Filii et per vim et devictionem Dei + sancti Spiritus et in fortibus
atque potentissimis verbis: Eli, eli, lama Assabthani! Emanuel + Hagios,
Tetragrammaton + per Adonai, Ejeh + El-schadai + Chije + Ischyrion +
Agla + Chat + et Hoim + Aron + Alpha et Omega: Ohoch + Lauth + Doffuaphi
+ Lohuffo + Rugo + Dolah + per dominum Patrem + per Jesum Christum + et
per Spiritum sanctum + Allelujah + per Deum + Abraham + Deum Isaac,
Deum + Jacob, per Deum, qui Mosi, famulo suo, in monte Sinai apparuit et
filios Israel de terra Ægypti eduxit. Per hoc devinco te, o spiritus
Usiel! sis, ubi velis, in alto vel abysso, in aqua vel in igne, vel in
terra, ut tu, spiritus Usiel! in momento coram me appareas in decora
forma humana. Te visibiliter ut modestum virum submisse et paratum
sistas, mihique afferas ex abysso terræ vel maris nonaginta novem millia dimidium scutatorum et duplonorum in auri monetis cursivis:
In omni tranquillitate et patientia, sine ullo tumultu, meo et omnium
hominum corpori et animæ omniumque creaturarum, sine detrimento, sine
ulla excæcatione et astutia: sine falsitate et fallacia et dolo,
proutcunque modo a quodam spiritu excogitari poterit: sine omni
periculo: sine susurru: sine fulgure, grandine: sine explosione sine
tumore [sic] et tremore, atque pone hanc summam in hunc ad hoc notatum
circulum.
Hoc præcipio ego N: N: tibi, Usiel! per totam sanctam passionem Jesu
Christi et per pudica mysteria occultorum Judiciorum Jesu Christi, et
per omnes sanctos Martyres, qui corpus et vitam pro Christo posuerunt,
et per omnia verba, quæ in vos malos Spiritus pronunciata sunt ex ore
Creatoris coeli et terræ, quæ te Spiritum Usiel, denuo turbant ,
torquent, et excruciant, tamdiu et tam sæpe usque postulatum meum
peregeris.
Ergo ne sis inobediens, nam ego N. conjuro te, exposco te, cogo te, o
Spiritus Usiel, juxta verba Dei et juxta judicium altissima et per
igneum mare, quod ante faciem divinam et suæ majestatis et per angelicam
virtutem suæ omnipotentiæ, et per hunc ignem, qui est ante thronum DEI
et per dominationem Sacrosanctæ Trinitatis, per cantionem, quæ cantatur
coram throno DEl per sanctos angelos: Gloriam in excelsis! et per
celsissimam sapientiam omnipotentis DEI: per terribilem vim diruptionis
coeli et terræ, per Dei sancta majestatica nomina: Agla + Noab + Soter +
Emanuel + Adomatai + Hurai + Amaton + Elle + Eloi + Vision + Adon +
Madai + Prog + Josepha + Jonas + Calphia + Calphas; per ultimum et
strenuum diem Judicii; per vim Affei +; per sanctum nomen: Primeumaton
+, quod Moses vocavit, et in cavernas soli et abyssum præcipitati
absorbti sunt: Datan, Corah et Abyron: per vim vocati nominis:
Primeumaton + et auxilium universi exercitus coelestis et per
fortitudinem et vim sacrosanctorum nominum: Chet + heoti + Agla + Jad +
Rabonni + Aglos + Zachlor + Septro + Phanuel + et Sion +. Onothion +
Seneon + Olohe + Lamech +; et per potens nomen Jesu Christi; et per
celsissima nomina, ante quæ extremiscit totus mundus et abyssus inferni:
Dan + Ana + Agla + Loth + Bezer + Phanum. Etiam juxta efficacia
spiritualia verba, cum forma panis et vini ad Dei corpus transmutatur
verbo: Hoc est enim corpus meum +. Hoc est penes meum et tuum Deum et
Dominum. Miserator +, et Redemtor + mundi, miserere mei! Et hoc jubeo
ego N. ut tu, Spiritus Usiel, statim coactus sis, huc venire, imo! ne
ullam requiem in inferno et terra, vel, ubicunque jam remoraris, habeas,
usque visibiliter in pulcra forma humana, tamquam modestus vir, mihi te
submisse et obsequenter proprosueris mihique in praesenti ad hunc
notatum circulum vel orbitam afferas visibiliter nonaginta novem millia dimidium scutatorum et duplonorum in auri monetis cursivis
et consequenter postulatum meum perfecte impleas. Hoc jubeo ego N. te,
Spiritum Usiel, non per meam vim, sed per fortem, virtutem et potentiam
Dei + Patris et coactionem Dei + Filii et per popositionem Dei + Sancti Spiritus, per vim: Tetragrammaton, Agla + Adonai. Amen! Amen! Amen!
Jesu +! Sancta Maria +!
Cito, cito, cito, non morare: sed perfice meum postulatum! Veni, veni,
veni! Quid tardaris tamdiu? Festina adventare: nam jubet te Adonai +
Schadai + Rex regum + El + Ali + Titeis + Azia + Hin + Jen + Chimosel +
Achadan + vai + va + ej + ha + ejeh + Eke + hau + hau + hau + va, va,
va, a, el el a hy.
Requiel + Attatriel + Scholiel + Hanel + Hamaliel + Phaiamech + Oriph +
Machiduel + Barbiel + Zacheriel + Orphiel + Zamuel + Hamaliel + Ziriel +
Rugo. Nunc veni per omnia potentissima verba oris Tetragrammaton +
Adonai Agla; et per vulnera Jesu Christi; per prophetas; per apostolos
et per omnes sanctos, qui vivunt cum Deo in sancta Duisa fortis Zebaoth.
Dujam, Dujam, Dujam.
CYPRIANI
CITATIO ANGELORVM.
Cito imprecor, requiro atque exoro jam vos: o Almaziel, Ariel,
Anathamia, Ezebul, Abiul, Ezea, Ahesin et Calizabin angelos Dei
sanctissimos per omnes dominationes, thronos, potestates et principatus
angelicos omnemque beatorum coetum, per ineffabile illud delicium, quod
iste angelus pastoribus Salvatoris incarnationem vel potius nativitatem
annuncians, apud se sensit, per viginti quatuor seniores incessantes
coram throno divino: Sanctus, sanctus, sanctus est Dominus Deus noster!
canentes, per increatum foederis Angelum, Jesum scilicet, per Cherubim
et Seraphim omnesque Archangelos per infinitam Dei omnipotentiam in
circum sensibilem, omniaque uno saltem verbo creantem, ut mihi in arduo
hoc negotio eundem in modum praesto esse velitis sicuti Lotho, Abrahamo,
vos hospitantibus, adsistitis, nec minus Jacobum, Mosen, Josuam,
Samsonem pluresque alios visitare dignati estis: ita eundem in modum
coelestem eamque exoptatissimam vestram societatem me quoque accedere
dignari velitis et faciendis ad hoc meum propositum necessariis
informare, ipso trino Iehovah, cujus laudes incessanter canitis, hoc
praestante atque concedente, Amen.
CONJURATIO SPIRITVS, QUI THESAURUM ABSCONDIDIT.
Cito, requiro et urgeo te, Spiritum humanum,
qui hanc domum frequentas et in vita tua thesaurum tuum in hac
domo sepelivisti seu abscondidisti; atque nuper: mense: die N.
nempe noctu N. circa N. horam sub forma ignis apud clibanum
ostendisti: per Deum Patrem; per Deum Filium; per Deum Spiritum Sanctum;
per gloriosisimam Deiparam Mariam, per vulnera dulcissima Salvatoris
nostri; per omnia miracula ab ipso facta per incredibiles cruciatus,
passiones, lacrimas: ipsamque denique mortem ejus; per subsecutam e
vestigio inferni spoliationem et desolationem, triumphantem
resurrectionem, magnificentissimam ad coelos ascensionem et ad
Patris dextram sessionem, Spiritusque servatam missionem; per
tremendum extremi Judicii diem; per virtutem sancti Joannis Baptistae,
per omnes Martyres, Apostolos et Prophetas instantissime te porro
ad etc. et conjuro atque obtestor per ineffabile illud ad tremendum
nomen divinum Chartae praesenti inscriptum, ut venerandi et
superbenedicti hujus nominis virtute e vestigio me accedas, idque,
quod probe scias velim, sine ullis corruscationibus, horribilibus
tonitruis vel aliis tempestatibus a te excogitatis, sine tremendo
vel meticuloso strepitu: sine timoris et tremoris incussione: sine
omni omnino læsione, noxa, et periculo et corporum et animarum
nostratum, aut etiam nostrorum incommodo ullo, meaque jussa quam
exactissime et ad votum adimpleas, quo etiam nos stupendi et ineffabilis
sancti Nominis virtutem summam, quippe quod etiam ab adversarus et inferis
potestatibus debet et venerari et adorari, ipsi vivide et vere cognoscere
omnipotentissimum nostrum creatorem laudare possemus, idque fiat per
virtutem Dei Patri, Filiique ejus super benedicti in unione Spiritus Sancti,
qui Trinus, tamen unus, regnat et vivit a seculo ad secula: Amen!
Incessanter te Spiritum humanum supra vocatum porto, inclamo,
adjuro, conjuro, requiro atque obtestor per summam et indivissibilem
sancta Trinitatem: per immortalem mortis, et inferni debellatorem et
triumphatorem, virumque septem gladiis munitum, sigillaque apperientem,
iterumque occludentem, Jesum scilicet: et per omnes Dei ministros et
Archangelos: Orphanim: Aralim: Hasmalim: Cherubim: Seraphim: et Malachim:
per æternam dæmonum damnationem: per hos angelos bonos:
Malazim: Peripalabin et Calizantin: per omnia coelo, terra et inferno
terribilia et præter haec omnia adjuro adeundum te per omnem
virtutem nostri Crucifiix omniumque maxime per dolorosissimam
flagellationem et spinosam coronationem: perque omnes mortis ejus
acerbitates: per ineffabile ejus nomen, Jesus scilicet, quid venerandum
et dulcissimum nobis christianis; dæmonibus vero et damnatis terribile
sane et infaustum est; ut sine omni veteriori mora et dilatione in affabili
et tali humana forma et figura visibilis, ut in vita dum eras, quando
thesaurum tuum abscondidisti, coram circulo nostro jamjam appareas ad me,
ex te quaerenda fideliter et sine falacia vel aenigmate vera respondeas,
jussisque meis in omnibus quam exactissime pareas. Ipso Deo trinuno hoc
praestante, nosque ad te obsequenduni in virtute Filii, et Spiritus
Sancti adjuvante, Amen.
Si cum Spiriti loqui concupiscis incipias sequenti modo:
Adonai + Zebaoth: Adon Schadai +: Eljon + Amanai + Pneumoton + Eljon +
Elje + Alnoal + Messias + Ya + Heynanan + Tetragrammaton +. Amen.
Verbis hisce conjurationis loquatur Spiritvs, necesse est:
Adonai + Zebaoth: Adon + schadai: Eljon + Tetragrammaton + Eloi + Elohim + Messias + Ya + hagios ho Theos +. Amen.
Sic cogitur:
Alley + Fortissian + Fortissio + Allinoson + Ron +.
Per sequentia verba fugit Spiritus:
Onysoma + Epyn + Segok + Satany + Degony + Eparygon + Galligonon + Zogogen + Ferstigon +.
OBEDIENTIA CONJURATIONIS:
Adjuro, requiro atque obtestor te; Spiritum humanum, qui hanc domum
frequentas et thesaurum tuum in hac domo in vita tua sepelivisti seu
abscondidisti; quemque nuper mense N. die N. noctu N. hora N. sub forma
ignis ostendisti, per ineffabile nomen Jehovah, per ineffabile et
incomprehensibile verbum, cujus virtute omnia creavit: FIAT! scilicet et
facta sunt omnia. Conjuro, requiro et adjuro te, Spiritum humanum,
extra circulum visibiliter præsentem per immensam Dei bonitatem, cujus
quippe beneficio ad imaginem suam nos homines formavit; per tremendam
ejus justitiam, cujus virtute ob vix tolerandam superbiam ex superis
daemones expulit et in infernalem abyssum relegavit atque in aeternum
damnavit; per infinitam ejus misericordiam, qua non miseros per ipsum
Filium suum unigenitum redemit; per omnia alia divina attributa et
nomina; per magnificam Salvatoris nostri Jesu Christi omnipotentiam,
cujus ope infernum ipsum debellavit, sicque ut super benedictum mulieris
semen contrivit serpentis caput infernalis, ut meis jam ex te querendis
fideliter respondeas mihique pro posse tuo obedias. Conjuro te per
ineffabile nomen: Tetragrammaton, quod in Charta hac inscriptum
observas, ut sanctissimi hujus nominis virtute exactissimam in momento mihi praestes obedientiam:
idque sine fraude, fallacia et aequivocatione. Praestante hoc Salvatore
nostro omnipotentissimo, qui acerrimus olim in tremendo die ultimo
Judex et meus et tuus et viventium tunc aeque ac mortuorum erit.
CONJURATIO,
si adhuc inobediens est:
Conjuro te, Spiritum humanum, per ineffabile nomen Dei, hic in Charta
scriptum, quod pronunciare vix ausus sum; et per sanguinem meum, quem
sacratissimo et praestantissimo sanguine redemit et consecravit
Prophetarum Summus Jesus Christus, per gloriosissimam matrem ejus per
insignem suam humilitatem; per summam Dei arcam et tabulam per horrendum
atque tremendum extremi Judicii diem; per omnes angelos, archangelos,
omnemque coeli militiam, ut mihi baptizato Christiano salutiferi
baptismatis hujus virtute ad omnia quaesita et mandata tibi proposita
respondere et parere non dimittas: sed fideliter potius et sine omni
aenigmate, simulatione et fraude mihi respondeas, atque ipsissimam de
tibi propositis reveles veritatem, meque exacte, quicquid potestati tuae
subditum sit, doceas per sanctissimi hujus Nominis veritatem, ipso Deo
praestante, qui te propter tuum thesaurum sepultum hanc domum
frequentare condemnavit. Amen! Amen! Amen!
CITATIO.
Cohiziara offina alta netera fuara menuet.
Cohiziara offina alta netera fuara menuet.
Cohiziara offina alta netera fuara menuet.
COACTIO:
Alim + Jehoh + Jehovah + Agla + On + Tetragrammaton +.
DIMISSIO CYPRIANI:
Conjuro nunc te, o Spiritus humane! per omnipotentissimi Dei Patris
sapientiam atque justitiam: per omnipotentissimi Dei Filii immensam erga
miseros nos homines misericordiam et caritatem; per omnipotentissimi
Spiritus Sancti infinitam sapientiam atque inscrutabilem elementiam per
sanctum Michaelem, archangelum omnemque coeli militiam, ut pacifice pro
nunc et quiete absque corruscationibus, meticuloso ac tremendo strepitu
et tumultu sine pluviis, vel tonitruis, et uno verbo: sine periculo,
sive animae, sive corporis noxa et damno, vel laesione discedas,
locumque hunc nunquam prius, nisi citatus, accedas. Trinunius Dei pax
descendat jam super nos et custodiat nos! Jlluminet Dominus vultum suum
super nos et miseriatur nostri! Convertat Dominus vultum suum ad nos et
dat nobis pacem! Amen!
FINIS.
Synagoga Satanae