|
Psalmus I. Beatus vir qui diligit nomen tuum, Maria Virgo: gratia tua animam ejus confortabit. Tanquam aquarum fontibus irrigatum uber: in eo fructum justitiae propagabis. Benedicta tu inter mulieres, per credulitatem cordis sancti tui. Universas enim feminas vincis pulchritudine carnis: superas angelos et archangelos excellentia sanctitatis. Misericordia tua et gratia ubique praedicatur: Deus operibus manuum tuarum benedixit. Gloria tibi sit orphanorum Mater, fac, nobis gratus sit omnipotens Pater, Amen. Psalmus II. Quare fremuerunt inimici nostri: et adversum nos meditati sunt inania? Protegat nos dextera tua, Mater Dei: ut acies terribilis, confundens et destruens eos. Venite ad eam, qui laboratis et tribulati estis: et dabit refrigerium animabus vestris. Accedite ad eam in tentationibus vestris: et stabilitet vos serenitas vultus ejus. Benedicite illam in toto corde vestro: misericordia enim illius plena est terra. Gloria tibi sit orphanorum Mater, fac, nobis gratus sit omnipotens Pater, Amen. Psalmus III. Domina, quid multiplicati sunt qui tribulant me? in tempestate tua persequeris et dissipabis eos. Dissolve colligationes impietatis nostrae: tolle fasciculos peccatorum nostrorum. Miserere mei, Domina, et sana infirmitatem meam: tolle dolorem et angustiam cordis mei. Ne tradas me manibus inimicorum meorum: et in die mortis meas conforta animam meam. Deduc me ad portum salutis: et spiritum meum redde Factori et Creatori meo. Gloria tibi sit orphanorum Mater, fac, nobis gratus sit omnipotens Pater, Amen. Psalmus IV. Cum invocarem exaudisti me, Domina: et e sublimi solio tuo, mei dignata es recordari. A rugientibus praeparatis ad escam: et de manibus quaerentium liberabit me gratia tua. Quoniam benigna est misericordia et pietas tua: in omnes, qui invocant nomen sanctum tuum. Benedicta sis, Domina, in aeternum: et majestas tua in saeculum. Glorificate eam, omnes gentes, in virtute vestra: et cuncti populi terrae, extollite magnificentiam ejus. Gloria tibi sit orphanorum Mater, fac, nobis gratus sit omnipotens Pater, Amen. Psalmus V. Verba mea auribus percipe, Domina: et ne avertas a me speciositatem vultus tui. Converte luctum nostrum in gaudium: et tribulationem nostram in jubilationem. Corruant ante pedes nostros inimici nostri: virtute tua eorum capita conterantur. Benedicat te omnis lingua: et nomen sanctum tuum confiteatur omnis caro, Spiritus enim tuus super mei dulcis: et haereditas super mei et favum. Gloria tibi sit orphanorum Mater, fac, nobis gratus sit omnipotens Pater, Amen. Psalmus VI. Domina, ne in furore Dei sinas corripi me: neque in ira ejus judicari. Propter honorem nominis tui, Domina: propitietur nobis fructus gloriosi ventris tui. De porta inferi, et de ventre abyssi: tuis sanctis precibus libera nos. Aperiantur nobis januae sempiternae: ut enarremus in aeternum mirabilia tua. Quia non mortui, neque qui in inferno sunt, laudabunt te, Domina: sed qui tua gratia vitam aeternam obtinebunt. Gloria tibi sit orphanorum Mater, fac, nobis gratus sit omnipotens Pater, Amen. Psalmus VII. Domina mea, in te speravi: de inimicis meis libera me, Domina. Conclude ora leonis et dentes ejus: labia persequentium constringe. Non moreris propter nomen tuum: facere nobis misericordiam tuam. Splendor vultus tui fulgeat super nos: ut servetur conscientia nostra apud Altissimum. Si persequatur inimicus animam meam, Domina, adjutorio tuo conforter: ne vibret gladium suum contra me. Gloria tibi sit orphanorum Mater, fac, nobis gratus sit omnipotens Pater, Amen. Psalmus VIII. Domina, Dominus noster factus est frater noster: et Salvator noster. Ut ignis in rubo, et ros in vellere: descendit in te aeternum Verbum Dei. Spiritu sancto foecundante: obumbravit tibi virtus Altissimi. Benedictus sit mundissimus conceptus tuus: benedictus sit partus tuus virgineus. Benedicta sit munditia carnis tuae: benedicta sit dulcedo misericordiae cordis tui. Gloria tibi sit orphanorum Mater, fac, nobis gratus sit omnipotens Pater, Amen. Psalmus IX. Confitebor tibi, Domina, in toto corde meo: et narrabo in populis laudem et gloriam tuam. Tibi enim debetur gloria, et gratiarum actio: et vox laudis. Invenient gratiam peccatores apud Deum: per te inventricem gratiae et salutis. Respirent ad indulgentiam humiles poenitentes: sana contritiones cordis eorum. In pulchritudine pacis, et requie opulenta: cibabis nos post laborem peregrinationis nostrae. Gloria tibi sit orphanorum Mater, fac, nobis gratus sit omnipotens Pater, Amen. Psalmus X. In Domina confido: propter dulcedinem misericordiae nominis sui. Oculi ejus in pauperem respiciunt: et manus ejus ad pupillum et viduam sunt extentae. Exquirite illam a juventute vestra: glorificabit vos ante faciem populorum. Misericordia illius nostrorum auferat multitudinem peccatorum: et foecunditatem nobis conferat meritorum. Extende ad nos brachium tuum, Virgo gloriosa: et ne avertas a nobis gloriosum vultum tuum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XI. Salvum me fac, Mater pulchrae dilectionis: fons clementiae et dulcor pietatis. Gyrum terrae sola circuis: ut subvenias invocantibus te. Pulchrae sunt viae tuae: et semitae tuae pacificae. In te refulget species castitatis: lumen justitiae, et splendor veritatis. Amicta solari lumine sicut vestimento: duodecim stellarum corona rutilans radianti. Gloria tibi sit orphanorum Mater, fac, nobis gratus sit omnipotens Pater, Amen. Psalmus XII. Usquequo, Domina, oblivisceris me: et non liberas me in die tribulationis? Usquequo exaltabitur inimicus meus super me? potentia virtutis tuae contere ipsum. Aperi oculos misericordiae tuae: ne inimicus noster adversus nos praevaleat. Magnificamus te gratiae inventricem: per quam saecula reparantur. Exaltata super choros angelorum: ante thronum Dei ora pro nobis. Gloria tibi sit orphanorum Mater, fac, nobis gratus sit omnipotens Pater, Amen. Psalmus XIII. Dixit insipiens adversarius noster in corde suo: Persequar et comprehendam, et interficiet eum manus mea. Exurge, Domina, et praeveni eum, et supplanta eum: destrue omnes conatus illius. Tuam pulchritudinem Sol et Luna mirantur: tibi angelicae potestates serviunt et famulantur. Tuo tactu lenissimo sanantur infirmi: tuo odore roseo mortui reviviscunt. Virgo Dei genitrix, quem totus non capit orbis: in tua se clausit viscera factus homo. Gloria tibi sit orphanorum Mater, fac, nobis gratus sit omnipotens Pater, Amen. Psalmus XIV. Domina, quis habitabit in tabernaculo Dei? aut quis requiescet cum senatoribus populi? Pauperes spiritu, et mundi corde: mites, pacifici, atque lugentes. Recordare, Domina, ut loquaris pro nobis bona: et indignationem Filii tui avertas a nobis. Amplectamur Marine vestigia peccatores: et ejus beatis pedibus provolvamur. Teneamus eam fortiter, nec dimittamus: donec ab ea meruerimus benedici. Gloria tibi sit orphanorum Mater, fac, nobis gratus sit omnipotens Pater, Amen. Psalmus XV. Conserva me, Domina, quoniam speravi in te: mihique tuae stillicidia gratiae impartire. Alvus tuus virginalis et viscera tua: Filium Altissimi genuerunt. Benedicta sint ubera tua: quibus lacte deifico Salvatorem enutriisti. Confitemini laudes Virgini gloriosae: quicumque apud eam gratiam et misericordiam invenistis. Date magnificentiam nomini ejus: et collaudate in saeculum conceptum atque partum ejus. Gloria tibi sit orphanorum Mater, fac, nobis gratus sit omnipotens Pater, Amen. Psalmus XVI. Exaudi, Domina, justitiam meam et amorem: amove a me tribulationem meam. Confitebor tibi in voce exultationis: cum magnificaveris super me misericordiam tuam. Imitamini eam, sanctae Virgines Dei: ut imitatae sunt Agnes, Barbara, Dorothea, et Catharina. Honorificate eam in voce labiorum vestrorum: per hoc ejus gratiam Agatha, Lucia, Margarita, et Caecilia susceperunt. Sponsum dabit vobis Patris Filium: et de Paradisi liliis coronam incomparabiliter radiantem. Gloria tibi sit orphanorum Mater, fac, nobis gratus sit omnipotens Pater, Amen. Psalmus XVII. Diligam te, Domina coeli et terrae: et in gentibus nomen tuum invocabo. Confitemini illi, tribulati corde: et roborabit vos contra inimicos vestros. Stilla nobis, Domina, gratiam uberum tuorum: ex manante lacte dulcedinis tuae refice viscera puerorum tuorum. Religiosi omnes, honorate illam: quia ipsa est adjutrix, et vestra specialis advocata. Esto refrigerium nostrum, gloriosa Mater Christi: quia tu es totius religionis mirabile firmamentum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XVIII. Coeli enarrant gloriam tuam: et unguentorum tuorum fragrantia in gentibus est dispersa. Respirate ad illam, perditi peccatores: et perducet vos ad indulgentiae portum. In hymnis et psalmis et canticis pulsate viscera ejus: et stillabit vobis gratiam dulcedinis suae. Glorificate eam, justi, ante thronum Dei: quia fructu ventris ejus estis justitiam operati. Laudate eam, coeli coelorum: et nomen ejus glorificet omnis terra. Gloria tibi sit orphanorum Mater, fac, nobis gratus sit omnipotens Pater, Amen. Psalmus XIX. Exaudias nos, Domina, in die tribulationis: et precibus nostris converte clementem faciem tuam. Ne projicias nos in tempore mortis nostrae; sed succurre animae, cum deseruerit corpus suum. Mitte angelum in occursum ejus: per quem ab hostibus defendatur. Ostende ei serenissimum Judicem saeculorum: qui ob tui gratiam veniam ei largiatur. Sentiat in poenis refrigerium tuum: et concede ei locum inter electos Dei. Gloria tibi sit orphanorum Mater, fac, nobis gratus sit omnipotens Pater, Amen. Psalmus XX. Domina, in virtute tua laetabitur cor nostrum: et in dulcedine nominis tui consolabitur anima nostra. De sedibus mitte nobis sapientiam: per quam in omni veritate dulciter illustremur. A carnalibus desideriis concede gratiam abstinendi: ut lumen gratiae in nostris cordibus oriatur. Quam dulcia diligentibus te eloquia tua, Domina! quam suavia sunt tuarum stillicidia gratiarum! Gloriam et honorem psallam tibi: et in nomine tuo gloriabor in saeculum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXI. Deus, Deus meus: respiciat in me meritis tuis, Virgo semper Maria. Domina mea, clamavi ad te per diem et noctem: et fecisti cum servo tuo misericordiam tuam. Quia ego speravi in misericordia tua: sempiternum a me opprobrium abstulisti. Deriserunt me inimici mei undique: tu autem sub umbra manus tuae contulisti mihi refrigerium bonum. Adorent te familiae gentium: et glorificent te omnes ordines angelorum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXII. Dominus regit me, Virgo Dei genitrix: quia tu amabilem vultum ejus ad me convertisti. Benedicti sunt oculi tui splendissimi: quos digneris misericorditer convertere super nos peccatores. Benedictum sit lumen et splendor faciei tuae: benedicta sit gratia vultus tui. Benedicta sit misericordia manuum tuarum: benedicta sit emanatio virginei lactis tui. Benedicant te apostoli tui et prophetae Dei: martyres, confessores, et virgines psallant tibi. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXIII. Domini est terra et plenitudo ejus: tu autem, sanctissima Mater, cum eo regnas in aeternum. Gloriam et decorem induisti: omnis lapis pretiosus amictus et operimentum tuum. Splendor Solis super caput tuum: lunaris pulchritudo sub pedibus tuis. Sidera micantia ornant sedile tuum: astra te glorificant jugiter matutina. Memento nostri, Domina, in beneplacito tuo: et fac nos dignos glorificandi nomen tuum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXIV. Ad te, Domina, levavi animam meam: in judicio Dei, tuis precibus, non erubescam. Neque illudant mihi adversarii mei: etenim praesumentes de te roborantur. Non praevaleant adversum me laquei mortis: et castra malignantium non impediant gressus meos. Collide impetum eorum in virtute tua: et cum mansuetudine occurre animas meae. Ductrix mea esto ad patriam: et me coetui angelorum digneris aggregare. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXV. Judica me, Domina, quoniam ab innocentia mea digressus sum: sed quia speravi in te, non infirmabor. Ure cor meum igne amoris tui: et cingulo castitatis restringe renes meos. Quoniam misericordia tua, et clementia tua ante oculos meos: et delectatus sum in voce laudis tuae. Domina, dilexi decorem faciei tuae: et veneratus sum sanctam majestatem tuam. Confitemini nomini ejus, quoniam sanctum est: enarrentur in saeculum mirabilia ejus. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXVI. Domina, illuminatio mea sit splendor faciei tuae: et serenitas tuae gratiae refulgeat menti meae. Exalta caput meum: et ego psalmum nomini tuo decantabo. Ne avertas faciem tuam a me: quia speciem et decorem tuum a juventute mea concupivi. Te amavi et exquisivi, Regina coelorum: misericordiam tuam et gratiam tuam ne subtrahas a servo tuo. Confitebor tibi in nationibus: et thronum gloriae tuae honorificabo. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXVII. Ad te, Domina, clamabo, et exaudies me: in voce laudis tuae laetificabis me. Miserere mei in die angustiae meae: et in luce veritatis tuae libera me. Benedicta sis, o Domina: in finibus omnibus orbis terrae. Sanctuarium quod firmaverunt manus tuae: est sanctum templum corporis tui. Conscientia tua munda et immaculata est: locus propitiationis et habitaculum sanctum Dei. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXVIII. Afferte Dominae nostrae, filii Dei: afferte Dominae nostrae laudem et reverentiam. Da virtutem sanctis tuis, Mater sancta: et benedictionem laudantibus atque glorificantibus te. Exaudi gemitus suspirantium ad te: et ne spernas vota invocantium nomen tuum. Sit manus tua ad succurrendum mihi parata: et auris tua intendens ad deprecationem meam. Benedicant tibi coeli et terra: mare et orbis terrarum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXIX. Exaltabo te, Domina, quoniam suscepisti me: ab iniquo adversario meo liberabis me. Convertere ad me, et vivifici me, de portis mortis reduc me: et de fluctibus tribulationum, quae circumdederunt me. Propter imperium et magnificentiam dexterae tuae: contere et dissipa omnes adversarios meos. Et ego offeram tibi sacrificium laudis: et gloriam tuam devotius exaltabo. Exultate, coeli, et jucundare, terra: quia consolabitur Maria servos suos, et pauperum suorum miserebitur. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXX. In te, Domina, speravi, non confundar in aeternum: in gratia tua suscipe me. Tu es fortitudo mea et refugium meum: consolatio mea et protectio mea. Ad te, Domina, clamavi, dum tribularetur cor meum: et exaudisti me de vertice collium aeternorum. Educas me de laqueo, quem absconderunt mihi: quoniam tu es adjutrix mea. In manus tuas, Domina, commendo spiritum meum: totam vitam meam et diem ultimum meum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXI. Beati, quorum corda te diligunt, Virgo Maria: peccata ipsorum a te misericorditer diluentur. Sancta, casta et florigera ubera tua: quae florem viriditatis perpetua eruperunt. Decor pulchritudinis tuae corruptionem non videbit: et vultus tui gratia in perpetuum non marcescet. Benedicta tu, Virga Jesse sublimis: quia te usque ad sedentem in throno dilatasti. O Virgo Regina, ipsa es via: per quam nos salus de supernis sedibus visitavit. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXII. Exultate, justi, in Virgine Maria: et in rectitudine cordis collaudate eam. Accedito ad eam cum reverentia et devotione: et delectetur cor vestrum in salutatione ejus. Impendite illi sacrificium laudis: et inebriamini ab uberibus dulcoris illius. Influit enim vobis radios sute pietatis: et clarificabit vos fulgoribus misericordiae suae. Suavissimus est fructus illius: in ore et in corde sapientis dulcescit. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXIII. Benedicam Dominam in omni tempore: et non deficiet laus ejus in ore meo. Magnificate eam mecum omnes: qui impinguati estis melle et lacte recreationis ejus. In periculis, in rebus dubiis invocate eam: et in necessitatibus invenietis auxilium et refrigerium dulce. Sumite exemplum conversationis ejus: et aemulamini studia charitatis et humilitatis illius. Quia ergo, Domina, humillima fuisti: Verbum increatum ex te carnem suscipere coegisti. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXIV. Judica, Domina, nocentes me: et contra eos exurge, et vindica causam meam. Anima mea in te laetabitur: et tuis beneficiis devotus exultabo. Gratia et dulcedine tua pleni sunt coeli et terra: undique tuis beneficiis irretisti nos semper. Quocumque enim pergimus: occurrit nobis diffusio tui uteri virginalis. Curramus ergo, carissimi, et ita nobilem et dulcifluam Virginem salutemus: ut in suae dulcedinis gremio quiescamus. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXV. Dixit injustus, ut peccet in abscondito: per te a malo proposito discedat, Mater Dei. Inclina vultum Dei super nos: coge illum peccatoribus misereri. Domina, in coelo misericordia tua: et gratia tua diffusa est super terram. Potentia et virtus in brachio tuo: robur et fortitudo in dextera tua. Benedictum sit imperium tuum super coelos: benedicta sit magnificentia tua super terram. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXVI. Noli aemulari in malignantibus, Domina: furorem eorum dulcifica per gratiam tuam. Sperate in illa, religiosi et claustrales: confidite in illa, clerici et saeculares. Delectamini in laudibus illius: et exaudiet petitiones cordis vestri. Melius est modicum cum gratia illius: quam thesauri argentei et lapides pretiosi. Gloria semper sit tibi, o Regina coelorum: et in ullo tempore noli nos oblivisci. Psalmus XXXVII. Domina, ne in furore tuo arguat me Dominus: nobis veniam obtine de peccatis. In conspectu tuo sit omne desiderium nostrum: spes nostra et confidentia nostra. Cor meum conturbatum est in me: recedit lux de visceribus meis. Illumina splendore tuo caecitatem meam: dulcifica dulcore tuo contritionem meam. Ne derelinquas nos, Domina mater Dei: gratia tua et virtus sit a dextris meis. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXVIII. Dixi: Custodiam vias meas, o Domina: cum per te gratia Christi mihi fuit data. Dulcore tuo liquefactum est cor meum: amore tuo inflammata sunt viscera mea. Exaudi orationem meam, Domina, et deprecationem meam: et contabescant adversarii mei. Miserere mei de coelis, et de altitudine throni tui: et ne permittas me in valle miseriae conturbari. Custodi pedem meum, ne laedatur: et in fine meo sit gratia tua. Gloria tibi sit orphanorum Mater, fac, nobis gratus sit omnipotens Pater, Amen. Psalmus XXXIX. Expectans expectavi gratiam tuam: et fecisti mihi secundum multitudinem misericordiae nominis tui. Exaudisti preces meas: et eduxisti me de lacu miseriae, et de fovea inimici. Multa et mirabilia sunt dona tua, Domina; incomparabilia sunt munera gratiarum tuarum. Exultent et laetentur super te omnes, qui diligunt te: qui oderunt nomen tuum, corruant in infernum. Benedicta sis in aeternum, Domina: in saeculum et in saeculum saeculi. Gloria tibi sit orphanorum Mater, fac, nobis gratus sit omnipotens Pater, Amen. Psalmus XL. Beata Maria intelligit super egenum et pauperem: in ejus laudibus permanentem. Domina angelorum, Regina mundi: munda cor meum igne amoris et charitatis tuae. Tu es mater illuminationis cordis mei: tu es nutrix refovens mentem meam. Te cupit os meum collaudare: te affectat mens mea affectuosissime venerari. Te desiderat anima mea exorare: quia tuitioni tuae se commendat tota substantia mea. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLI. Quemadmodum desiderat cervus ad fontes aquarum: ita ad amorem tuum anhelat anima mea. Quia tu es genitrix vitae meae: et altrix Reparatoris carnis meae. Quia tu es lactatrix Salvatoris animae meae: initium et finis totius salutis meae. Exaudi me, Domina, mundentur sordes meae: illumina me, Domina, ut illustrentur tenebrae meae. Accendatur amore tuo tepor meus: gratia tua expellatur torpor meus. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLII. Judica me, Domina, et discerne causam meam de gente perversa: a serpente maligno et a dracone pestifero libera me. Sancta foecunditas tua disperdat eum: beata virginitas tua conterat caput ejus. Sanctae praeces tuae corroborent nos contra eum: sancta merita tua exinaniant virtutem ejus. Persecutorem animae meae mitte in abyssum: puteus infernalis deglutiat eum viventem. Ego autem et anima mea in terra captivitatis meae benedicam nomen tuum: et glorificabo te in saecula saeculorum. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLIII. Domina, auribus nostris audivimus: et patres nostri annuntiaverunt nobis. Quia ineffabilia sunt merita tua: et valde stupenda mirabilia tua. Domina, innumerabiles sunt virtutes tuae: et inaestimabiles misericordiae tuae. Exulta, anima mea, et laetare in illa: quia multa bona sunt laudatoribus praeparata. Benedicta sis, Regina coelorum et angelorum: et benedicantur a Deo laudatores magnificentiae tuae. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLIV. Eructavit cor meum verbum bonum, Domina: cum rore mellifluo extitit dulcoratum. Per tuam sanctitatem peccata mea purgentur: per tuam integritatem mihi incorruptibilitas condonetur. Per tuam virginitatem anima mea a Christo adamatur: et sibi amoris vinculo sociatur. Per tuam foecunditatem ego captivus sum redemptus: per tuum partum virgineum de morte perpetua sum ereptus. Per tuam prolem dignissimam perditus sum restitutus: et de exilio miseriae in patriam beatitudinis sura reductus. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLV. Domina, refugium nostrum tu es in omni necessitate nostra: et virtus potentior conterens inimicum. Beneficiis tuis plenus est mundus: superant coelestia, penetrant et inferna. Plenitudine gratiae tuae, quae in inferno erant: se laetantur liberata. Obtentu foecunditatis tuae virgineae, quae supra mundum sunt: se gaudent restaurata. Per gloriosum tuae virginitatis sanctissimae partum: homines angelorum fiunt socii et concives. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLVI. Omnes gentes, plaudite manibus: psallite in jubilo virgini gloriosae. Quoniam ipsa est porta vitae, janua salutis et via nostrae reconciliationis. Spes poenitendum, solamen lugentium: pax beata cordium, atque salus. Miserere mei, Domina, miserere mei: quia tu es lux et spes omnium confidentium in te. Per tuam salutarem foecunditatem placeat: ut peccatorum venia mihi concedatur. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLVII. Magna es, Domina, et laudabilis valde in civitate Dei coeli: in universa Ecclesia electorum ejus. Ascendisti, alternantibus hymnidicis angelicis choris: archangelis constipata, rosis et liliis coronata. Occurrite illi, Potestates et Principatus: obviate ei, Virtutes et Dominationes. Cherubim, et Throni, et Seraphim, exaltate eam: et constituite eam a dextris Sponsi amantissimi Filii ejus. O quam laeto animo, quam sereno aspectu suscepisti eam, angelorum et hominum Deus: et dedisti ei principatum super omnem locum dominationis tuae! Gloria tibi sit orphanorum Mater, fac, nobis gratus sit omnipotens Pater, Amen. Psalmus XLVIII. Audite haec, omnes gentes: auribus percipite, qui ingredi cupitis regnum Dei. Virginem Mariam honorate: et invenietis vitam et salutem perpetuam. Pauperes servos tuos, Domina: felici confoederatione conjunge Christo. Esuriem parvulorum tuorum: fructu ventris tui refice, et sustenta. Remansisti enim incorrupta post partum: et inviolata post Filium. Gloria tibi sit orphanorum Mater, fac, nobis gratus sit omnipotens Pater, Amen. Psalmus XLIX. Deus deorum Mariae locutus est: per Gabrielem nuntium suum, dicens: Ave gratia plena, Dominus tecum: per te salus mundi reparatur. Speciem et decorem tuum: Altissimi Filius concupiscit. Adorna thalamum tuum, filia Sion: praeparare in occursum Dei tui. Per Spiritum enim Sanctum concipies: qui tuum partum faciet virgineum et jucundum. Gloria tibi sit orphanorum Mater, fac, nobis gratus sit omnipotens Pater, Amen. Psalmus L. Miserere mei, Domina: quae mater misericordiae nuncuparis. Et secundum viscera misericordiarum tuarum: munda me ab omnibus iniquitatibus meis. Effunde gratiam tuam super me: et solitam clementiam tuam ne subtrahas a me. Quoniam peccata mea confitebor tibi: et coram te me accuso de sceleribus meis. Fructui ventris tui me reconcilia: et pacifica me ei, qui me creavit. Gloria tibi sit orphanorum Mater, fac, nobis gratus sit omnipotens Pater, Amen. Psalmus LI. Quid gloriaris in malitia: o maligne serpens, et draco infernalis? Submitte caput tuum mulieri: cujus fortitudine demergeris in profundum. Contere eum, Domina, pede virtutis tuae: exurge, et dissipa malitiam ejus. Extingue potentiam ejus: et virtutem illius redige in favillam. Ut viventes exultemus in nomine tuo: et laeto animo dicamus tibi laudem. Gloria tibi sit orphanorum Mater, fac, nobis gratus sit omnipotens Pater, Amen. Psalmus LII. Dixit insipiens inimicus in corde suo: Hominem ejiciam de tabernaculo filiorum Dei. Egrediar, et ero spiritus mendax in ore serpentis: et per foeminam ejiciam virum, virum ejus. Sicut exaltantur, o miser, coeli a terra: sic exaltatae sunt cogitationes Dei a cogitationibus tuis. Noli extolli de casu mulieris: quia mulier conteret caput tuum. Tu illi foveam praeparasti, et in sagena illius capieris. Gloria tibi sit orphanorum Mater, fac, nobis gratus sit omnipotens Pater, Amen. Psalmus LIII. Domina, in nomine tuo salvum me fac: et ab injustitiis meis libera me. Ut non noceat mihi calliditas inimici: sub umbra alarum tuarum protege me. O Domina mea, adjuva me: gratiam tuam largire animae meae. Voluntarie offeram tibi sacrificium laudis: et confitebor nomini tuo, quoniam bonum est. Quoniam ex omni tribulatione liberabis me: et inimicos meos despiciet oculus meus. Gloria tibi sit orphanorum Mater, fac, nobis gratus sit omnipotens Pater, Amen. Psalmus LIV. Exaudi, Domina, orationem meam: et ne contemnas deprecationem meam. Contristatus sum in cogitatione mea: quia judicia Dei perterruerunt me. Tenebrae mortis venerunt super me: et pavor inferni invasit me. Ego autem in solitudine expecto consolationem tuam: et in cubili meo attendo misericordiam tuam. Glorifica manum et dexterum brachium tuum: ut prosternantur a nobis inimici nostri. Gloria tibi sit orphanorum Mater, fac, nobis gratus sit omnipotens Pater, Amen. Psalmus LV. Miserere mei, Domina, quoniam conculcaverunt me hostes mei quotidie: omnes cogitationes eorum in malum contra me. Excita furorem, et memento belli: et super eos effunde iram tuam. Innova signa, et immota mirabilia: sentiamus adjutorium brachii tui. Glorifica nomen tuum super nos: ut cognoscamus quoniam in saeculum misericordia tua. Stilla nobis guttam suavitatis tuae: quia tu es pincerna gratiae dulcoris. Gloria tibi sit orphanorum Mater, fac, nobis gratus sit omnipotens Pater, Amen. Psalmus LVI. Miserere mei, Domina, miserere mei: quia paratum est cor meum exquirere voluntatem tuam. Et in umbra alarum tuarum requiescam: quia delectabile est mihi refrigerium tuum. Manus tuae distillant myrrham primam: et digiti tui unguenta gratiarum. Et fragmenta mali punici est guttur tuum: et spiramen oris tui suave, compositum thymiama. Tu enim es mater pulchrae dilectionis, et anchora spei: portus indulgentiae, et janua salutis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LVII. Si vere utique justitiam loquimini: justitia et misericordiae honorate Reginam. Ad laudem enim et gloriam pertinet Salvatoris: quidquid honorificum suae impensum fuerit Genitrici. Rosae Martyrum te circumdant, o Regina: et lilia virginum ambiunt thronum tuum. Laudate eam simul, astra matutina: concentum illi facite, omnes filii Dei. Glorificate eam, coeli et terra: mare et flumina, ac fundamenta orbis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LVIII. Eripe me de inimicis meis, Domina mundi: exurge in occursum meum, Regina pietatis. Aurum obryzum in ornamentis tuis: sardius et topazius in diademate tuo. Jaspis et amethystus in dextera tua: beryllus et chrysolithus in sinistra tua. Hyacinthus et achates in pectore tuo: carbunculi scintillantes in monilibus tuis. Myrrha, thus et balsamum in manibus tuis: sapphirus et smaragdus in digitis tuis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LIX. Deus, reppulisti nos propter peccata nostra: et misertus es nobis per Virginem Mariam. Intercede pro nobis, salutifera Mater Dei: quae angelorum et hominum salutem peperisti. Tu enim moestis exultationem infundis: et maerentibus laetitiam et dulcorem. Laetifica nos dulcifluo sono oris tui: et liquore tuo roseo perfunde corda nostra. Tonate, coeli , desuper, et date illi laudem: glorifica illam, terra cum omnibus habitatoribus tuis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LX. Exaudi, Domina, orationem meam super firmam petram stabilias mentem meam. Esto mihi turris fortitudinis: me tuearis a facie crudelis vastatoris. Ut castrorum acies, sis illi terribilis: et vivus corruat in profundum inferni. Tu enim es rutilans et decora: nubes rorifera, et consurgens aurora. Pulchra es et clara, ut luna plenissima: tanquam sol refulget, sacer aspectus tuus. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXI. Nonne, Domina, libi subjecta erit anima: qua; Salvatorem omnium genuisti? Memento nostri, perditorum Salvatrix: exaudi planctus cordis nostri. Infunde gratiam de thesauris tuis: et unguentis tuis placa dolorem nostrum. Da nobis gaudium et laetitiam: ut confundas bonorum inimicos. Ablue omnia peccata nostra: sana omnes infirmitates nostras. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXII. Deus, Deus meus: per Matrem te glorificabo. Virginaliter enim te concepit: et sine angustia te parturivit. Benedicta sis, o Domina nostra: et pro nobis assiste ante thronum Dei. Species et claritas: in conspectu tuo. Custodi animam meam, Domina: ut nunquam corruat in peccata. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXIII. Exaudi, Domina, orationem meam, cum deprecor: a pavore crudelis libera animam meam. Impetra nobis pacem et salutem: in die novissimo. Benedicta sis super mulieres: et benedictus sit fructus ventris tui. Illumina, Domina, oculos meos: et illustra caecitatem meam. Da mihi in te confidentiam bonam: in vita et in fine meo. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXIV. Te decet hymnus, Domina nostra, in Sion: laus et jubilatio in Hierusalem. Benedictionem omnium gentium dedit tibi Dominus: laudem et gloriam ante conspectum populorum. Benedixit te Dominus in misericordia sua: et thronum tuum constituit super ordines angelorum. Gratiam et decorem posuit in labiis tuis: et pallio gloriae induit corpus tuum. Coronam radiantem posuit in capite tuo: et virtutum monilibus te decenter ornavit. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXV. Jubilate Dominae nostrae, omnis terra: psallite hymnum nomini ejus, date honorificentiam majestati ejus. Benedictum sit cor tuum, Domina: cum quo ardenter et sinceriter Filium Dei dilexisti. Respice paupertatem meam, gloriosa Virgo: miseriam et angustiam meam ne tardes removere. Aufer tribulationem meam: dulcifica languorem meum. Benedicat te omnis caro: glorificet te omnis lingua. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXVI. Deus misereatur nostri, et benedicat nobis: per illam quae eum genuit. Miserere nostri, Domina, et ora pro nobis: in laetitiam bonam converte moestitiam nostram. Illumina me, Stella maris: clarifica me, Virgo clarissima. Extingue ardorem cordis mei: refrigera me gratia tua. Protegat me semper gratia tua: praesentia tua illustret finem meum. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXVII. Exurgat Maria, et dissipentur inimici ejus: conterantur omnes sub pedibus ejus. Impetum inimicorum nostrorum dissipa: destrue omnem iniquitatem eorum. Ad te, Domina, clamavi in tribulatione: et serenasti conscientiam meam. Non deficiat laus tua in ore nostro: et amor tuus de visceribus nostris. Pax multa diligentibus te, Domina: anima eorum non videbit mortem in aeternum. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXVIII. Salvum me fac, Domina: quoniam intraverunt concupiscentiarum aquae usque ad animam meam. Infixus sum in limo peccati: et aquae voluptatis circumdederunt me. Plorans ploravi in nocte: et dies laetitiae ortus est mihi. Salva animam meam, Genitrix Salvatoris: quia per te vera salus data est omni mundo. Dum nuntiante Angelo fuisti obumbrata: et Patris sapientia praegnans et gravidata. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXIX. Domina, in adjutorium meum intende: et luce misericordiae tuae illustra mentem meam. Doce nos exquirere bonitatem tuam: ut enarremus mirabilia tua. Ostende potentiam tuam contra inimicos nostros: ut sanctificeris in nationibus procul. In ira flammae tuae mergantur in infernum: et qui conturbant servos tuos, inveniant perditionem. Miserere servorum tuorum, super quos invocatum est nomen tuum; et ne sinas angustiari eos in tentationibus suis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXX. In te, Domina, speravi; non confundar in aeternum: in tua misericordia libera me, et eripe me. Propter multitudinem iniquitatum mearum: oppressus sum vehementer. Facti sunt hostes mei in capite meo: subsannaverunt et deriserunt me quotidie. Vide, Domina, quoniam tribulor: expande manus tuas, succurre pereunti. Ne moreris, propter gratiam nominis lui: ut efficiaris mihi in gaudium et salutem. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXI. Deus, judicium tuum Regi da: et misericordiam tuam Reginae matri ejus. In manu tua salus et vita consistunt: laetitia perpetua et aeternitas gloriosa. Resperge cor meum dulcedine tua: fac me oblivisci miserias hujus vitae. Trahe me post te vinculis misericordiae tuae: et fomentis gratiae et pietatis tuae sana dolorem meum. Concupiscentias sempiternas excita in animam meam: et de gaudio Paradisi inebria mentem meam. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXII. Quam bonus Israel Deus: his qui colunt matrem suam, et venerantur! Ipsa est enim solatium nostrum: in laboribus subventio optima. Obtexit caligine animam meam hostis: in visceribus meis, Domina, lumen fac oriri. Avertatur a me ira Dei per te: placa eum meritis et precibus tuis. In judicio pro me assiste: coram eo suscipe causam meam, et mea sis advocata. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXIII. Ut quid, Domina, reppulisti nos: nec subvenis in die tribulationis? Ingrediatur oratio mea in conspectu tuo: et voces gementium ne despexeris. Tetendit arcum suum contra nos inimicus: firmavit dexteram suam, et non est consolator. Disrumpe in nobis ligaturam malitiarum suarum: et libera nos dextera tua. Repelle eum in locum perditionis: sempiterna damnatio suscipiat eum. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXIV. Confitebimur tibi, Domina, et laudabimus nomen tuum: fac nos in tuis laudibus delectari. Cantate ei, habitatores terrae: et laudem ejus populis nuntiate. Confessio et magnificentia coram illa: fortitudo et exultatio in throno illius. Adorate illam in decore illius: glorificate opificem pulchritudinis illius. Recordamini in sempiternum misericordiae illius: retinete in mente virtutes et mirabilia illius. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXV. Notus in Judaea Deus: in Israel honorificentia Matris ejus. Dulcis est memoria ejus super mel et favum: et amor ejus super omnia aromata. Salus et vita in domo illius: et in tabernaculo ejus pax et gloria sempiterna. Honorificate illam, coeli et terra: quia summus Artifex hanc mirabiliter honoravit. Date, illi, omnes creaturae, laudem: et stupendam misericordiam ejus extollite gratulanter. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXVI. Voce mea ad Dominam clamavi: et sua gratia intendit mihi. Abstulit a corde meo moestitiam et moerorem: et suavitate sua cor meum dulcoravit. Formidinem meam erexit in confidentiam bonam: et suo aspectu mellifluo mentem meam serenavit. Adjutorio sancto suo evasi pericula mortis: et de manu crudeli subterfugi. Gratias Deo et tibi, Mater pia, do omnibus, quae assecutus sum: de pietate et misericordia tua. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXVII. Attendite, popule Dei, praecepta Dei: et Reginae gratiae nolite oblivisci. Aperite cor ad investigandum eam: et labia ad glorificandum illam. Descendat amor ejus in cordibus vestris: concupiscite placere illi. Pulchritudo ejus vincit Solem et Lunam: compositio ejus ad ornamenta virtutum. Miserere mei, Regina gloriae et honoris: et ab omni periculo custodi mentem meam. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXVIII. Domina, venerunt gentes in haereditatem Dei: quas tu meritis tuis Christo confoederasti. Sit eloquium tuum dulce coram ipso: et conjunge me illi, qui me redemit. Extende brachium tuum contra hostem crudelem: et denuda mihi versutiam illius. Vox tua dulcis super omnem melodiam: harmonia angelica ei non valet comparari. Distilla mihi suavitatem gratiarum tuarum: et tuorum charismatum fragrantiam et odorem. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXIX. Qui regis Israel, intende ad me: Matrem tuam collaudare. Expergiscere de pulvere, anima mea: perge in occursum Reginae coeli. Solve vincula colli tui, paupercula anima mea: et gloriosis laudibus accipe illam. Odor vitae de illa progreditur: et omnis salus de corde illius scaturizat. Charismatum suorum fragrantia suavi: anime mortuae suscitantur. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXX. Exultate Dominae adjutrici nostrae: jubilate in laetitia cordis vestri. Accendantur affectus vestri in illam: et inimicos vestros induet confusione. Imitemur humilitatem ejus: obedientiam et mansuetudinem illius. Omnes gratiae radiant in illa: capacissima enim fuit capacitas illius. Currite ad illam cum devotione sancta: et de bonis suis participabit vobis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXI. Deus in synagoga Judaeorum: de qua, ut rosa de sentibus, progressa est Mater Dei. Terge foeditatem meam Domina: quae semper rutilas puritate. Fontem vitae influe in os meum: ex quo viventes aquae profluunt et emanant. Omnes sitientes, venite ad illam: et de fonte suo gratanter vos potabit. Qui hauriet ex eo, saliet in vitam aeternam: et qui bibet ex eo, non sitiet unquam. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXII. Domina mea, quis similis erit tibi: quae gratia et gloria superemines universos? Sicut exaltantur coeli a terra: sic tu praecelsior cunctis, et nimis exaltata. Vulnera cor meum charitate tua: fac me dignum gratia et muneribus tuis. Liqueat cura mea in timore tuo: et concupiscentia tua cor meum inflammetur. Fac me desiderare honorificentiam et gloriam tuam: ut per te recipiar ad pacem Jesu Christi. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXIII. Quam dilecta tabernacula tua, Domina virtutum! quam amabilia tentoria redemptionis tuas! Honorate illam, peccatores: et impetrabit vobis gratiam et salutem. Super thus et balsamum oratio ejus incensum: preces ejus non revertuntur vacuas, nec inanes. Intercede pro me, Domina, apud Christum tuum: neque derelinquas me in morte, neque in vita. Benignus est enim spiritus tuus: gratia tua replet orbem terrarum. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXIV. Benedixisti, Domine, domum tuam: consecrasti habitationem tuam. Haec est speciosa inter filias Hierusalem: cujus memoria est in benedictione. Beatissimam praedicaverunt illam Angeli sancti: glorificate illam, Virtutes et Dominationes. Populi gentium, exquirite prudentiam ejus: et investigate thesauros misericordiae illius. Sentite de illa in bonitate: et in simplicitate cordis exquirite illam. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXV. Inclina, Domina, aurem tuam, et exaudi me: converte vultum, et miserere mei, Distillatio dulcoris tui oblectat animas sanctorum: et infusio charitatis tuae super mei dulcissimum. Irradiatio gloriae tuae dilucidat intellectum: et lux miserationum tuarum perducit ad salutem. Fons bonitatis tuae inebriat sitientes: et aspectus faciei tuae retrahit a peccato. Scire et cognoscere te est radix immortalitatis: et enarrare virtutes tuas est via salutis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXVI. Fundamenta vitae in anima justi: perseverare in charitate usque in finem. Gratia tua relevat pauperem in adversitate: et invocatio tui nominis immittit ei confidentiam bonam. Miserationibus tuis repletur paradisus: et a terrore tuo hostis confunditur infernalis. Qui sperat in te, inveniet thesauros pacis: et qui te non invocat in hac vita, non perveniet ad regnum Dei. Fac, Domina, ut vivamus in gratia Spiritus sancti: et perduc animas nostras ad sanctum finem. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXVII. Domina, auxiliatrix salutis meae: in die clamavi et nocte coram te. Ingrediatur oratio mea in conspectu tuo: consolare cum facie tua moestitiam meam. Multiplicata sunt mala in anima mea: expurga eam de sordibus et peccatis. Virtus tua persequatur inimicos nostros: ne nos impediant ad salutem. Confer gratiam animae ad resistendum eis: conforta cor nostrum contra concupiscentias carnis. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXVIII. Misericordias tuas, Domina: in sempiternum decantabo. Unguento pietatis tuae medere contritis corde: et oleo misericordiae tuae refove dolores nostros. Gratiosus tuus vultus mihi appareat in extremis: formositas faciei tuae laetificet spiritum meum egredientem. Excita spiritum meum ad amandam bonitatem tuam: excita mentem ad extollendam nobilitatem et pretiositatem tuam. Libera me ab omni tribulatione mala: et ab omni peccato custodi animam meam. Gloria tibi sit orphanorum Mater, fac, nobis gratus sit omnipotens Pater, Amen. Psalmus LXXXIX. Domina, refrigerium facta es nobis: in cunctis necessitatibus nostris. Diffusio gratiae tuae producit operationes tuas : et stillicidium dulcoris tui affectiones facit sanctissimas. Miserationum tuarum, Domina, recordabor: sacrificium laudis et carmen laetitiae psallam tibi. Qui honorant te, coronam perennem pro cinere obtinebunt: et pallium laudis pro spiritu moeroris. Qui sperant in te, amicti lumine induentur: gaudium et perpetuam laetitiam sortientur. Gloria tibi sit orphanorum Mater, fac, nobis gratus sit omnipotens Pater, Amen. Psalmus XC. Qui habitat in adjutorio Matris Dei: in protectione ipsius commorabitur. Concursus hostis non nocebit ei: sagitta volans non tanget cum. Quoniam liberabit eum de laqueo insidiantis: et sub pennis suis proteget eum. Clamate ad illam in periculis vestris: et flagellum non appropinquabit tabernaculo vestro. Fructus gratiae inveniet, qui speraverit in illa: porta paradisi reserabitur ei. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCI. Bonum est confiteri Virgini Mariae: et psallere illi gloriam, prosperitas est mentis. Annuntiare merita ejus, laetificat intellectum: et imitari opera ejus exhilarat angelos Dei. Qui acquirit gratiam ejus: agnoscetur a civibus paradisi. Et qui habuerit characterem nominis ejus annotabitur in libro vitae. Exurge, Domina, et judica causam nostram: et ab insurgentibus in nos, libera nos. Ne retrahas a peccatore dexteram tuam: et excipe gladio tuo jacula vastatoris. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCII. Dominus regnavit, decorem induit: Matremque suam ornamento coronavit virtutum. Adimpleat propitiationem suam in nobis Mater pacis: et viam aequitatis doceat servos suos. Qui desideratis sapientiam Christi: servite Matri ejus animo reverenti. Quis satisfaciet enarrare opera tua, Domina? et quis investigabit thesauros misericordiae tuae? Sustine deficientes in tentationibus suis: destina illos in sortem veritatis. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCIII. Deus ultionum Dominus: sed tu, Mater misericordiae, ad miserandum inflectis. Magnificentia tua, Domina, praedicatur in saeculum: qui autem colunt te, invenient viam pacis. Servite illi reverenter exultantes: et sanabit vos benedictus fructus castissimi ventris illius. Respice, Domina, humilitatem servorum tuorum: et laudabunt te in generationibus saeculorum. Magnifica nomen tuum in multiplicatione gratiarum tuarum: et ne sinas servos tuos subjacere periculis. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCIV. Venite, exultemus Dominae nostrae: jubilemus salutiferae Mariae Reginae nostrae. Praeoccupemus faciem ejus in jubilatione: et in canticis collaudemus eam. Venite, adoremus, et procidamus ante eam: confiteamur illi cum fletibus peccata nostra. Impetra nobis indulgentiam plenam: assiste pro nobis ante tribunal Dei. Suscipe in fine animas nostras: et introduc nos in requiem aeternam. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCV. Cantate plenae gratiae canticum novum: cantate Mariae omnes terrigenae orbis. Quoniam omnes angelos sanctitate praecellit: et natos mulierum virtutibus mirabilibus et signis. Formositas et gloria in vultu illius: et gratia in oculis ejus. Afferte illi gloriam, patriae gentium: exultate in ea, omnes creaturae Dei. Admirabile commercium habetis per eam: ex qua vocati estis filii Dei excelsi. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCVI. Dominus regnavit, exultet Maria: in omni imperio dominationis suae. Adorate eam, cives curiae paradisi: exaltate eam, virgines speciosae, filiae ejus. Quoniam elevata est super Principatus et Dominationes: exaltata est super Angelorum et Archangelorum legationes. Patriarchae et Prophetae, concrepate illi laudem: concentum illi facite, Apostoli, Martyresque Christi. Confessores cum Virginibus, de canticis Sion dicite canticum ei: et regratiamini ei, Monachi sancti, de acceptis triumphis. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCVII. Cantate Dominae nostrae canticum novum: quia mirabilia fecit. In conspectu gentium revelavit misericordiam suam: in extremis terrae auditum est nomen ejus. Recordare, Domina, pauperum et miserorum: et sustenta eos ope refrigerii sancti tui. Tu autem, Domina, suavis et verax: patiens nimis et miseratione plena. Conculca hostes animarum nostrarum: et contumaciam illorum elide brachio sancto tuo. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCVIII. Dominus regnavit, irascantur populi: Maria sub Cherubim sedet a dextris. Magna est in Sion gloria tua, Domina: et in Hierusalem magnificentia tua. Cantate ante eam, chori virginales: et adorate thronum ejus, qui sanctus est. In dextera ejus ignea lex: et in circuitu ejus sanctorum millia. Mandata ejus ante oculos ejus: et justitiae regula in corde ejus. Gloria tibi sit orphanorum Mater, fac, nobis gratus sit omnipotens Pater, Amen. Psalmus XCIX. Jubilate Dominae nostrae, homines terrae: servite illi in laetitia et jucunditate. In toto animo vestro accedite ad illam: et in omni virtute vestra conservate vias ejus. Investigate illam, et manifestabitur vobis: estote mundi corde, et apprehendetis eam. Quibus auxiliata fueris, Domina, erit refrigerium pacis: et a quibus averteris vultum tuum, non erit spes ad salutem. Recordare nostri, Domina, et non apprehendent nos mala: succurre nobis in fine, et inveniemus vitam aeternam. Gloria tibi sit orphanorum Mater, fac, nobis gratus sit omnipotens Pater, Amen. Psalmus C. Misericordiam et judicium cantabo tibi, Domina: psallam tibi in exultatione cordis, cum laetificaveris animam meam. Laudabo nomen tuum et gloriam: et praestabis refrigerium animae meae. Zelatus sum amorem tuum et honorem: ideo defendas causam meam ante judicem saeculorum. Allectus sum gratia et bonitate tua: oro, ne frauder a spe et confidentia bona. Conforta animam meam in novissimis: et in carne ista fac me conspicere Salvatorem. Gloria tibi sit orphanorum Mater, fac, nobis gratus sit omnipotens Pater, Amen. Psalmus CI. Domina, exaudi orationem meam: et clamor meus ad te veniat.. Non avertas sacrum aspectum tuum a me: neque abomineris me propter immunditiam meam. Non derelinquas me in cogitatu et consilio inimicorum meorum: et ne sinas me cadere in exprobrationem illorum pessimam. Qui confidunt in te, non timebunt colubrum tortuosum: et qui exaltant te praeconiis, evadunt manus Acherontis. Per virginalem conceptum tuum da mihi in te confidentiam bonam: et per admirabilem partum tuum laetifica animam meam. Gloria tibi sit orphanorum Mater, fac, nobis gratus sit omnipotens Pater, Amen. Psalmus CII. Benedic, anima mea, Matri Jesu Christi: et omnia praecordia mea, glorificate nomen ejus. Ne obliviscaris beneficia ejus: nec gratiam et consolatus illius. Gratia ejus peccata relaxantur: et misericordia ejus aegritudines reparantur. Benedicite ei, omnes virtutes coelorum: glorificate eam, chori Apostolorum et Prophetarum. Benedicite, mare et insulae gentium: hymnum dicite ei, coeli et habitatores eorum. Gloria tibi sit orphanorum Mater, fac, nobis gratus sit omnipotens Pater, Amen. Psalmus CIII. Benedic, anima mea, Virgini Mariae: honor et magnificentia ejus in perpetuum. Formositatem et pulchritudinem induisti: amicta es, Domina, fulgenti vestimento. De te procedit peccatorum medela: et pacis disciplina, ac fervor charitatis. Imple nos servos tuos virtutibus sanctis: et ira Dei non appropinquet nobis. Jucunditatem aeternam da servitoribus tuis: et noli eos oblivisci in certamine mortis. Gloria tibi sit orphanorum Mater, fac, nobis gratus sit omnipotens Pater, Amen. Psalmus CIV. Confitemini Dominae nostrae, et invocate nomen ejus: cantate ei gloriose, narrantes virtutes ejus. Laudate et exaltate eam, Virgines filiae Sion: quia desponsabit vobis Regem angelorum. Honorate Reginam plenam omni gratia: et contemplamini cum reverentia sanctissimum vultum ejus. Salus sempiterna in manu tua, Domina: qui te digne honorificaverint, suscipient illam. Clementia tua non deficiet a saeculis aeternis: et misericordia tua a generatione in generationem. Gloria tibi sit orphanorum Mater, fac, nobis gratus sit omnipotens Pater, Amen. Psalmus CV. Confitemini Dominae nostrae, quoniam bonum est: per cunctas tribus terre enarrate misericordias ejus. Longe est ab impiis conversatio ejus: a via Altissimi non declinavit pes ejus. Fons irrigantis gratiae procedit de ore illius: et emanatio virginalis sanctificans animas castas. Spes de gloria paradisi in corde illius: quae devoto animo honorificaverit illam. Miserere nostri, fulgentissima Regina coeli: et praesta consolationem de gloria tua. Gloria tibi sit orphanorum Mater, fac, nobis gratus sit omnipotens Pater, Amen. Psalmus CVI. Confitemini Domino, quoniam bonum: confitemini Matri ejus, quoniam in saeculum misericordia ejus. Innocentiam et viam prudentiae ostende nobis, Domina: et viam intelligentiae indica servis tuis. Timor Dei illustrat intellectum: et amor tuus exhilarat illum. Reatus vir, cujus eloquium est tibi gratum: illius ossa impinguabuntur adipe et pinguedine. Eloquium tuum sustentat animam imbecillem: et labia tua esurientem animum refocillant. Gloria tibi sit orphanorum Mater, fac, nobis gratus sit omnipotens Pater, Amen. Psalmus CVII. Paratura cor meum, Domina, paratum cor meum: laudes tibi psallere et cantare. Major est charitas tua cunctis divitiis: et gratia tua super aurum et lapidem pretiosum. Beatitudo et justitia donantur a Deo: qui autem de peccatis conversi fuerint ad te, poenitentiae remedium consequentur. Emissionis tuae gratia et pax: qui autem tibi placuerit, procul fiet a perditione. Esto umbraculum protectionis in tentationibus nostris: expansio alarum tuarum defendat nos a devorante. Gloria tibi sit orphanorum Mater, fac, nobis gratus sit omnipotens Pater, Amen. Psalmus CVIII. Domina, laudem meam ne despexeris: et hoc dedicatum tibi psalterium digneris acceptare. Respice voluntatem cordis mei: et allectionem meam fac libi beneplacentem. Propera ad visitandum servos tuos: sub tegumento manus tuae illaesi conserventur. Illuminationem Spiritus sancti per te suscipiant: et refrigerium contra cupiditatis aestum. Medere contritis corde, Domina: et refove eos unguento pietatis. Gloria tibi sit orphanorum Mater, fac, nobis gratus sit omnipotens Pater, Amen. Psalmus CIX. Dixit Dominus Dominae nostrae: Sede, Mater mea, a dextris meis. Bonitas et sanctitas placuerunt tibi: ideo regnabis mecum in aeternum. Corona immortalitatis in capite sancto tuo: cujus fulgor et claritas non extinguetur. Miserere nostri, Domina, mater luminis et splendoris: illumina nos, Domina veritatis et virtutis. De thesauris tuis infunde nobis sapientiam Dei: et intellectum prudentis, ac formam disciplinae. Gloria tibi sit orphanorum Mater, fac, nobis gratus sit omnipotens Pater, Amen. Psalmus CX. Confitebor tibi, Domina, in toto animo meo: glorificabo te in tota mente mea. Opera gratis tuae commorabuntur: et testamentum misericordiae tuae ante thronum Dei. Per te missa est redemptio a Deo: populus poenitens habebit spem salutis. Intellectus bonus omnibus honorantibus te; et sors illorum inter angelos pacis. Gloriosum et admirabile est nomen tuum: qui illud retinent, non expavescent in puncto mortis. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXI. Beatus vir, qui timet Dominam: et beatum cor, quod diligit illam. Jucundus homo, qui non satiatur laude tua; et a relatu virtutum tuarum non fatigatur. Exortum est in corde illius lumen Dei: Spiritus sanctus illuminat intelligentiam ejus. Disperge, Domina, gratiam tuam pauperibus tuis: esurientes refove, et egenos. In memoria aeterna fiunt per te nomina: ab auditu terribili non trepidet cor nostrum. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXII. Laudate, pueri, Matrem Dei: glorificate, senes, nomen ejus. Benedicta sit Maria Mater Christi: ipsa enim est via ad patriam sanctitatis. Excelsus super Cherubim thronus ejus: et sedes ejus super cardines coeli. Super humiles vultus ejus: et super confidentes in eam aspectus illius. Misericordia ejus super omnem carnem: et eleemosyna illius usque ad extremum terree. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXIII. In exitu animae meae de hoc mundo: occurre illi, Domina, et suscipe eam. Consolare eam vultu sancto tuo; aspectus daemonis non turbet illam. Esto illi scala ad regnum coelorum; et iter rectum ad paradisum Dei. Impetra ei a Patre indulgentiam pacis; et sedem lucis inter servos Dei. Sustine devotos ante tribunal Christi: suscipe causam eorum in manibus tuis. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXIV. Dilexi Matrem Dei Domini mei: et lux miserationum ejus infulsit mihi. Circumdederunt me dolores mortis: et visitatio Mariae laetificavit me. Dolorem et periculum incurri: et recreatus sum gratia illius. Nomen ejus et memoriale illius sit in medio cordis nostri: et non nocebit nobis ictus malignantis. Convertere, anima mea, in laudem ipsius: et invenies refrigerium in novissimis tuis. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXV. Credidi, propter quod locutus sum: gloriam tuam, Domina, orbi terrae. Compatere animae meae, et dirige illam: dignare beneplacitum tuum insinuare illi. Statue illi testamentum pacis et dilectionis tuae: praebe illi ingenui memoriam nominis tui. De benedictione ventris tui da mihi sustentationem: et de pinguedine gratiae tuae dulcora animam meam. Disrumpe vincula peccatorum meorum: et de virtutibus exorna faciem animae meae. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXVI. Laudate Dominam nostram, omnes gentes: glorificate eam omnes populi. Quoniam confirmata est super nos gratia et misericordia ejus: et veritas illius permanet in aeternum. Qui digne coluerit illam, justificabitur: qui autem neglexerit illam, morietur in peccatis suis. Labia angelorum enarrabunt sapientiam ejus: et omnes cives paradisi cantabunt ejus laudem. Bono animo accedentes ad illam: non capientur ab angelo devastante. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXVII. Confitemini Domino, quoniam bonus: confitemini Matri ejus, quoniam in saeculum misericordia ejus. Amor illius expellit peccatum a corde: et gratia illius expiat conscientiam peccatoris. Via veniendi ad Christum est appropinquare ad illam: qui autem fugerit eam, non inveniet viam pacis. Qui obduratus est in peccatis, saepe invocet illam: et lux in suis tenebris orietur. Qui tristatur in corde suo, clamet ad illam: et dulcoranti stillicidio inebriabitur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXVIII. Beati immaculati in via: qui Matrem Domini imitantur. Beati imitatores humilitatis ejus: beati participes charitatis illius. Beati perscrutatores virtutum illius: beati conformes imagini illius. Beati qui conceptum et partum illius venerantur: beati qui devote ei famulantur. Beati qui in ea habent spem et confidentiam: beati qui per illam suscipient felicitatem sempiternam. Gloria tibi sit orphanorum Mater, fac, nobis gratus sit omnipotens Pater, Amen. (A) Retribue servo tuo, Domina: vivifica me, et faciam voluntatem tuam. Incola ego sum in terra: nihil abscondas mihi de amore tuo. Concupivit anima mea laudem tuam desiderare: omni tempore. Tu enim salus mea in Domino: quae me morti adjudicatum liberasti. Quid pro his retribuam tibi, nisi me totum? Domina, suscipe me. Gloria tibi sit orphanorum Mater, fac, nobis gratus sit omnipotens Pater, Amen. (B) Legem pone mihi, Domina, voluntatis tuae, sanctarum sanctissima: et exquiram eam semper. Deduc me in semitam miserationum tuarum, mulierum pulcherrima: quia ipsam volui. Inclina animam meam ad supernorum amorem, Domina: et non ad impudicitiam. Ecce concupivi castimoniam tuam a juventute mea: in misericordia tua confirma me. Et observabo viam testimoniorum tuorum in saeculum: et scrutabor mandata Filii tui, quae dilexi. Gloria tibi sit orphanorum Mater, fac, nobis gratus sit omnipotens Pater, Amen. (C) Memor esto verbi lui, dominarum Primiceria: in quo milii spem dedisti. Haec in tempestatum fluctibus potenter tenuit me: quia eloquium tuum vivificabit me. Circumdederunt me viri mendaces, et congregata sunt super me flagella: et ecce manus tua eripuit me. Communicavi in bonis omnibus timentibus te: et custodientibus obnixe mandata tua. Miserationibus tuis plena est terra: ideo viam justificationum tuarum exquisivi. Gloria tibi sit orphanorum Mater, fac, nobis gratus sit omnipotens Pater, Amen. (D) Bonitatem fecisti cum servo tuo, Domina: de qua gaudent angeli. Disciplinam morum tuorum et aequitatem tuam doce me: quia verbis tuis prae cunctis credidi. Bonum mihi, quia onere tuo humiliasti me: ut sequar conversationem tuam. Qui amant servientes tibi, venerabuntur; qui autem abominatus fuerit eos, ruet in aeternum. Veniant mihi semper desuper guttae clementiae tute, et vivam: quia lex tua sancta meditatio mea est. Gloria tibi sit orphanorum Mater, fac, nobis gratus sit omnipotens Pater, Amen. (E) Defecit in semitis tuis anima mea, Domina: et nisi miseratio maxima esset, periissem utique in infirmitate mea. Defecerunt oculi mei in contemplatione tua: velut uter in pruina a te visa est anima mea. Secundum bonitatem tuam vivifica me: et non obliviscar sermones tuos, quia tibi adhaerere bonum est. Dispositione tua perseverat mundus: quem et tu cum Deo fundasti ab initio. Tuus totus ego sum, Domina, salvum me fac: quoniam desiderabiles erant laudes tuae in tempore peregrinationis mete. Gloria tibi sit orphanorum Mater, fac, nobis gratus sit omnipotens Pater, Amen. (F) Quomodo dilexi legem tuam. Domina in conspectu meo semper. Suavitatum tuarum affluentia cor meum alienavit a me: et caro mea mirabiliter exultavit in te. Quam dulcia peccatoribus eloquia tua, Domina! super omnem melodiam refectio tua dulcis ori meo. Illuminatio gressibus meis verbum tuum: et lumen ineffabile semitis meis. Quoties exasperaverunt me peccatores inferni, quia a charitate tua declinare nolui! ego autem speravi in te, Domina. Gloria tibi sit orphanorum Mater, fac, nobis gratus sit omnipotens Pater, Amen. (G) Iniquos odio habui: et viam tuam dilexi, Domina gratiosa. Adjuva me, et salvus ero, Domina mundi: et meditabor honorificentiam mandatorum tuorum. Fac me semper stare in timore tuo: et non tradas me, Virgo, calumniantibus me. Vernaculus tuus sum ego: minimus in familia tua. Custodi me, Domina: a negligentibus judicia justitiae tuae. Contemnes omnes discedentes a servitio tuo: quia injusta est conversatio eorum. Gloria tibi sit orphanorum Mater, fac, nobis gratus sit omnipotens Pater, Amen. (H) Mirabilia tua testimonia, Mater alma: et sermonibus tuis illuminatum est cor meum. Vultum tuum deprecabuntur omnes divites plebis: filiae regum collaudant faciem tuam. Ardens verbum labiorum tuorum vehementer: qui ad te properat, percipiat illud. Arundo agitata sum in conspectu tuo: tene me, Domina, sub jugo tuo, et non confundar. Servientes tibi plus aliis invadunt dracones inferni: sed tu, Domina, defende nos. Gloria tibi sit orphanorum Mater, fac, nobis gratus sit omnipotens Pater, Amen. (I) Clamavi in toto corde meo ad te, Domina: de necessitatibus meis clementer eripe me. Vocem gemitus mei exaudi, Domina mea: doce me quid acceptum sit apud te omni tempore. Longe a nescientibus te salus: qui autem perstat in obsequio tuo, procul fiat a perditione. Misericordia tua rigat universum: Domina, in salutari tuo vivifica me. Initium eloquiorum tuorum veritas in aeternum: et legem tuam immaculatam non sum oblitus. Gloria tibi sit orphanorum Mater, fac, nobis gratus sit omnipotens Pater, Amen. (J) Principes persecuti sunt me gratis: et ab invocatione nominis tui trepidat spiritus malignus. Pax multa observantibus nomen tuum, Mater Dei: et non est illis scandalum. Septenis horis decantavi tibi laudes, Domina: juxta eloquium tuum da mihi intellectum. Intret oratio mea in conspectu tuo, ut non derelinquam te, Domina, cunctis diebus vitae meae: quoniam viae tuae misericordia et veritas. Concupiscam in aeternum laudare te, Domina: cum docueris me justificationes tuas. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXIX. Ad Dominam, cum tribularer, clamavi: et exaudivit me. Domina, libera nos ab omni malo: cunctis diebus vitae nostrae. Contere caput inimicorum nostrorum: pede insuperabilis virtutis tuae. Ut exultavit spiritus tuus in Deo salutari tuo: sic veram digneris infundere laetitiam cordi meo. Ad Dominum accede rogatura pro nobis: ut per te nostra peccata deleantur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXX. Levavi oculos meos ad te, Mater Christi: per quam venit solatium omni carni. Auxilium tuum et gratiam tuam nobis impende: in omni tribulatione nostra. Custodi nos, Domina Virgo Maria: ne peccatorum laqueo capiamur. Non dormit neque dormiet pupilla oculi tui: ut tua semper custodia protegamur. Angelorum et hominum te laudat omnis lingua: et ante te omnia genua curvantur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXI. Laetatus sum in te, Regina coeli: quia te duce in domum Domini ibimus. Hierusalem coelestis civitas: ad Mariae praemia veniamus. Pacem et indulgentiam,Virgo, nobis impetra: et palmam de hostibus, et triumphum. Conforta, et consolare cor nostrum: tuae dulcedine pietatis. Sic, Domina, nobis infunde clementiam: ut devote in Domino moriamur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXII. Ad te levavi oculos meos, Regina: quae regnas in coelis. Adjutorium nostrum in virtute sit nominis tui: per te omnia opera nostra dirigantur. Benedicta sis in coelo et in terra: in mari et in omnibus abyssis. Benedicta sit foecunditas tua: benedicta sit virginitas, et munditia tua. Benedictum sit corpus tuum sanctum: benedicta sit anima tua sanctissima. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXIII. Nisi quia Domina nostra erat in nobis: invenissent nos pericula multa. Esto, Virgo, defensatrix nostra: et ante Deum advocata propitia. Ostende nobis, Domina, misericordiam tuam: et conforta nos in servitio sancto tuo. Benedicant te sancti angeli in coelo: benedicant te omnes homines super terram. Non tradas bestiis animas confitentium tibi: ora te canentium non obturentur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXIV. Qui confidunt in te, Mater Dei: non timebunt a facie inimici. Gaudete et exultate, omnes qui diligitis eam: quia adjuvabit vos in die tribulationis vestrae. Reminiscere miserationum tuarum, Domina: et releva peregrinationem incolatus nostri. Converte amabilem vultum tuum super nos: confunde et destrue omnes inimicos nostros. Benedicta sint omnia opera manuum tuarum, Domina: benedicta sint omnia sancta miracula tua. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXV. In convertendo faciem tuam serenissimam super nos: laetificabis nos, virginea Mater Dei. Benedicta sis, o sacrarium Christi: prae cunctis mulieribus super terram. Benedictum sit gloriosum nomen tuum: quod os Domini mirabiliter nominavit. Non deficiat laus tua de labiis nostris; nec charitas tua de praecordiis nostris. Qui te diligunt, benedicantur a Deo: et qui te volunt diligere, non defraudentur a fide. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXVI. Nisi, Domina, aedificaveris domum cordis nostri; non permanebit aedificium ejus. aedifica nos gratia et virtute tua: ut maneamus firmi in perpetuum. Benedictum sit eloquium tuum: et benedicta sint omnia verba oris tui. Benedicantur a Deo, qui te benedicunt: et in justorum numero computentur. Benedic, Domina, te benedicentes: et ne unquam avertas ab cis gratiosum vultum tuum. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXVII. Beati omnes, qui timent Dominam nostram: et beati omnes, qui sciunt facere voluntatem tuam, et beneplacitum tuum. Benedicti sunt pater et mater qui te genuerunt: quorum memoria permanet in saeculum. Benedictus est venter, qui te portavit: et benedicta sint ubera, quae te lactaverunt. Converte misericordiam tuam super nos: et deprecabilis esto super servos tuos. Intuere, et respice opprobrium nostrum: aufer a nobis cunctas iniquitates nostras. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXVIII. Saepe expugnaverunt me a juventute mea inimici mei: libera me, Domina, et vindica me ab ipsis. Ne des illis potestatem in animam meam: custodi omnia interiora, et exteriora mea. Obtine nobis veniam peccatorum: per te Spiritus sancti gratia nobis detur. Fac nos digne et laudabiliter poenitere: ut beato fine ad Deum veniamus. Placatum tunc et serenissimum nobis ostende: gloriosum fructum ventris tui. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXIX. De profundis clamavi ad te, Domina: Domina, exaudi vocem meam. Fiant aures tuae intendentes: in vocem laudis et glorificationis tuae. Libera me de manu adversariorum meorum: confunde ingenia et conatus eorum contra me. Erue me in die mala: et in die mortis ne obliviscaris animae meae. Deduc me ad portum salutis: inter justos scribatur nomen meum. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXX. Domina, non est exaltatum cor meum: neque sublimati sunt oculi mei. Benedixit te Dominus in virtute sua: qui per te ad nihilum redegit inimicos nostros. Benedictus sit, qui te sanctificavit: et mundam de matris utero te produxit. Benedictus sit, qui te obumbravit: et sua gratia te foecundavit. Benedic nos, Domina, et conforta nos in gratia tua: ut per te ante conspectum Domini praesentemur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXI. Memento, Domina, David: et omnium invocantium nomen tuum. Da nobis in nomine tuo fiduciam: et confundantur adversarii nostri. Consolare nos in terra peregrinationis nostrae: et releva paupertatem nostram. Da nobis panem lacrymarum, Virgo sancta: et dolorem peccatorum in terra incolatus nostri. Redde nobis propitium benedictum fructum ventris tui: ut Spiritus sancti gratia repleamur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXII. Ecce quam bonum, et quam jucundum, Maria: diligere nomen tuum. Unguentum effusum, et aromaticum est nomen tuum: diligentibus ipsum. Quoniam magna multitudo dulcedinis tua?, Domina: quam praeparasti diligentibus et sperantibus in te. Esto refugium pauperum in tribulatione: quia tu es baculus pauperum et miserorum. Inveniant, quaeso, gratiam apud Deum: qui te in suis necessitatibus invocabunt. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXIII. Ecce nunc benedicite Dominam: omnes qui speratis in nomine sancto ejus. Gaudete gaudio magno, qui exaltatis et glorificatis eam: quia laetabimini ab ubertate consolationis ejus. Ecce nunc inundante ubertate declinabit in vos: ad consolandum et laetificandum corda vestra. Benedicite illam, omnes servi ejus: et memoriale sit in desiderio animae vestrae. Benedicite illam, omnes angeli et sancti Dei: laudate in saecula mirabilia ejus. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXIV. Laudate nomen Domini: benedicite nomen Mariae matris ejus. Mariae precamina frequentate: et suscitabit vobis voluptates sempiternas. In animo contrito veniamus ad illam: et non stimulabit nos cupiditas peccati. Qui cogitat de illa in tranquillitate mentis: inveniet dulcorem et requiem pacis. Respiremus ad illam in finitione nostra: et reserabit nobis atria triumphantium. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXV. Confitemini Domino, quoniam bonus est: quoniam per suam dulcissimam matrem Virginem Mariam datur misericordia ejus. Impetra nobis, Domina, amicitiam Jesu Christi: et custodi nos, ne perdamus innocentiam nostram. Comprime hostem nostrum imperio tuo: ne feriat in nobis virtutem charitatis. Bona naturalia conserva in nobis: et bona gratiae per te multiplicentur. Illumina vias et semitas nostras: ut noscamus quae beneplacita sunt Deo. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXVI. Super flumina Babylonis fleverunt Hebraei: nos vero super iniquitates nostras lugeamus. Clamemus humiles ad puerperam Virginem: offeramus ei planctus et suspiria nostra. Non invenitur propitiatio sine illa: nec salus sine fructu illius. Per illam peccata purgantur: et per fructum illius, animae dealbantur. Per illam fit satisfactio peccatis: per fructum illius, sanitas condonatur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXVII. Confitebor tibi, Domina, in toto corde meo: quia per te expertus sum clementiam Jesu Christi. Audi, Domina, verba mea et preces meas: et in conspectu angelorum cantabo tibi laudes. In quacumque die invocavero te, exaudi me: et multiplica virtutem in anima mea. Confiteantur tibi omnes tribus et linguae: quia per te salus restituta est nobis. Ab omni perturbatione libera servos tuos: et fac eos vivere sub pace et protectione tua. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXVIII. Domina, probasti me, et cognovisti me: ruinam et transgressionem meam. Copiosa facta est super me misericordia tua: et dilatata est super me clementia. Imperfectum meum aspexit oculus tuus: et palpebrae tuae noverunt vias meas. Affluentiam desiderii sancti habeamus a Spiritu sancto: et macula peccati non turbet conscientiam nostram. Serenet corda nostra lux misericordiae tuae; et recreet nos tuae pacis dulcedo. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXXXIX. Eripe me, Domina, ab omni malo: et ab hoste infernali defende me. Contra me tetendit arcum suum: et in fraude sua insidiatur mihi. Constringe vires ejus malignas: et obtunde potenter astutias ejus. Converte iniquitatem ipsius in verticem illius: et in foveam quam fecit, cadat festinanter. Nos autem exultemus in servitio tuo: et in tuis laudibus gloriemur. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXL. Domina, clamavi ad te, exaudi me: intende orationi meae et postulationi meae. Dirigatur obsecratio mea velut incensum coram facie tua: et in tempore serotini sacrificii, et matutini. Non declinet cor meum in verbis malignantibus: et nequitiae cogitatus non subvertant sensum meum. Fac me assentire beneplacito cordis : et tuis actionibus conformari. Gladio intelligentiae reverbera cor meum: et igniculo charitatis inflamma mentem meam. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLI. Voce mea ad Dominam clamavi: ipsamque humiliter deprecatus sum. Effudi in conspectu ejus lacrymam meam: et dolorem meum sibi exposui. Insidiatur hostis calcaneo meo: extendit contra me rete suum. Adjuva me, Domina, ne corruam coram eo: fac ut conteratur sub pedibus meis. Educ de carcere animam meam: ut confiteatur tibi, et psallat Deo forti in perpetuum. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLII. Domina, exaudi orationem meam: percipe tuis auribus supplicationem meam. Persecutus est malignus vitam meam: deposuit in terra conversationem meam. Denigravit me caligine sua: et anxiatus est nimis spiritus meus. Ne avertas faciem tuam a me: ut non corruam cum descendentibus in lacum. Emitte lucem tuam, et gratiam tuam: et repara denuo vitam meam, et conscientiam meam. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLIII. Benedicta sis, Domina, quae instruis servos tuos ad praelium: et eos roboras contra inimicum. Fulgure et coruscatione dissipa illum: mitte jacula tua, ut confundas illum. Clarifica de alto manum tuam: et cantent servi tui laudem et gloriam tuam. Eleva de terrenis affectionem nostram: de sempiternis deliciis refice viscera nostra. Concupiscentiam supernorum accende in cordibus nostris: et de gaudiis paradisi velis nos recreare. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLIV. Exaltabo te, Mater Filii Dei: et per singulos dies cantabo laudes tuas. Generationes et populi laudabunt opera tua: et misericordiam tuam insulae expectabunt. Abundantiam dulcoris tui angeli eructabunt: et suavitatem tuam sancti pronuntiabunt. Oculi nostri sperant in te, Domina: mitte nobis cibum et escam delectantem. Laudationem tuam loquatur lingua mea: et benedicam te in saeculum saeculi. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLV. Lauda, anima mea, Dominam: glorificabo eam, quamdiu vixero. Nolite cessare a laudibus ejus: et per singula momenta recogitate illam. Cum exierit spiritus meus, Domina, sit tibi commendatus: et in terra ignota praesta illi ducatum. Non conturbent eum culpae prius commissae: nec inquietent ipsum occursus malignantis. Perduc eum ad portum salutarem: ibi praestoletur secure adventum Redemptoris. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLVI. Laudate Dominam, quoniam bonus est psalmus: jucunda, et decora sit illi nostra laudatio. Ipsa enim medetur contritis corde: et refovet eos unguento pietatis. Magna est virtus illius: et clementia ejus nullum habebit finem. Praecinite ei in jubilatione: et in confessione psalmum canite illi. Beneplacitum est ei super timentes Deum: et in eis qui sperant in misericordia ejus. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLVII. Lauda, Hierusalem, Dominam: glorifica illam etiam, o Sion. Ipsa enim construit muros tuos: et filios tuos benedicit. Gratia sua te impinguat: pacemque donat terminis tuis. Emisit Verbum suum Altissimus: et virtus ejus obumbravit illi. Levemus corda nostra cum manibus ad illam: ut suam influentiam sentiamus. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLVIII. Laudate Dominam nostram de coelis: glorificate eam in excelsis. Laudate eam, omnes homines et jumenta: volucres coeli, et pisces maris. Laudate eam, Sol et Luna: Stellae, et circuli Planetarum. Laudate eam, Cherubim et Seraphim: Throni et Dominationes, et Potestates. Laudate eam, omnes legiones Angelorum : laudate eam omnes ordines spirituum supernorum. Gloria tibi sit orphanorum Mater, fac, nobis gratus sit omnipotens Pater, Amen. Psalmus CXLIX. Cantate Dominae nostrae canticum novum: laus ejus in congregatione justorum. Laetentur coeli de gloria ejus: insulae maris, et totus orbis. Aqua et ignis laudent eam: frigus et aestus, splendor et lumen. Exaltationes ejus in gutture justorum: et laudes ejus in coetu triumphantium. Civitas Dei, jucundare in illa: et pro incolis tuis frequenta illi carmen. Gloria tibi sit orphanorum Mater, fac, nobis gratus sit omnipotens Pater, Amen. Psalmus CV. Laudate Dominam in sanctis ejus: laudate eam in virtutibus et miraculis ejus. Laudate eam, coetus Apostolorum; laudate eam, chori Patriarcharum et Prophetarum. Laudate eam, exercitus Martyrum: laudate eam, turmae Doctorum et Confessorum. Laudate eam in collegio Virginum et Continentium: laudate eam ordines Anachoretarum et Monachorum. Laudate eam, conventus Religiosorum omnium: laudate eam, omnes animae civium supernorum. Omnis spiritus: laudet Dominam nostram. Gloria tibi sit orphanorum Mater, fac, nobis gratus sit omnipotens Pater, Amen. |