An Sabi ni Mayor, "Isyu sana man!"
Primero sa gabos iyo an odok na pagbati sa bagong administracion na nagtukaw sa Banwaan nin Tinambac. Particularmente ki Mayor Itoy Velarde sa saiyang kapangganahan sa saro man na pusog na kandidato sa persona ni dating Heneral Savilla. An pagboto kan tawo saiya garo panalmingan kan simpatiya kan enterong nacion sa pagpili ki Presidente Erap Estrada, na maski maluya an inadalan may ipinaheling na sinceridad na nagustuhan kan kadaklan. An pangadyion mi kaibahan mo Mayor, para sa karahayan kan Tinambac.
Warning sa mga balikbayan na maduruman sa Bikol, lalong-lalo na an mga lalaking mahilig mag-liberty (goodtime) sa Naga: Kuryente kan mga GRO bakong hale sa CASURECO, kundi hale sa Manila. Iwas-pusoy asin maglikay orog ngonian na Penafrancia !!
Penafrancia na naman asin ta panahon na nam para kita makisumaro sa satuyang mga kapwa Bikolanos sa San Diego.
An taon na ini espeical, por medyo kan pag-celebrar kan ika-100 na taon o sentenyal kan Pilipinas poon kaidtong ipinag-declara ni dating Presidente asin Heneral Emilio Aguinaldo an independencia kan nacion sa pagsakop kan Espania.
Ini-encaminar ko kamo gabos na magbereste nin mga bado na angay sa temang ini.
"ONLY IN AMERICA"
Digdi sana sa America na:
... mas marikas pang makaabot sa harong mo an pizza delivery kesa kan ambulansya na pigdespatsar kan 911.
... makakaheling nin parking spaces for the handicapped sa atubangan kan skating rinks.
... an mga tawo nag-oorder nin double cheese burger, large fries, tapos diet coke.
... and mga banko iwinalat na bukas an puertahan, alagad an mga ballpen naka-kadena sa pasamano.
... minagamit kitang answering machine, asin may call-waiting pa, paramas dai ta ma-miss an apod kan sarong tawong habo ta man nganing makaolay.
...asin orog sa gabos, digdi sana mananggad sa America ginagamit ta an tataramon na "politics" to describe the process so well; "poli" in Latin meaning "many" and "tics" meaning "blood-sucking creatures" ... Bibi
