Kristine Hermosa
Ni Reggee Bonoan

SA solo press con ni KRISTINE HERMOSA na bigay sa kanya ng ABS-CBN Talent Center ay iisa ang comment ng mga movie writers, hot property at isa sa prime talents nila si Kristine dahil di nila ito pag-aaksayahan ng panahon at pera para sa solong press con. Kaya naman ganu'n na lang ang pasalamat ng buong pamilya ng dalaga sa ABS-CBN at Star Cinema sa importansiyang binigay kay Kristine.

Sa nalalapit na debut party ni Kristine na gaganapin sa main lounge ng Manila Polo Cebu sa Forbes Park, Makati City ay heto na ang mga ilang detalye sa 18 roses and 18 candles.

Parehong di pa kumpleto ang 18 roses at candles dahil hindi pa raw nagko-confirm ang ibang sinabihan na.

Si Jericho ang napiling escort ni Kristine at ng kanyang mga magulang dahil nakita nilang si Echo lang daw ang close sa kanilang anak at nakitaan nila ng kabaitan ang kalabtim ni Yna na si Angelo sa teleseryeng, Pangako Sa 'Yo.

Maraming pinagpiliang maging escort, pero si Jericho ang ibinoto ng marami.

Ngayon pa lang ay excited na si Kristine at di na siya nakakatulog dahil hindi niya alam kung ano'ng mangyayari sa party niya dahil clueless daw siya.

Ang hiling lang niya, sana lahat ng mga kaibigan at mahal niya sa buhay ay kapiling niya sa kanyang party.

"Matagal ko nang gustong magkaroon ng driver's license, 'coz I want to drive my own car na. Although I have a car, but it's too big for me kasi it's a van which I use for my shootings and tapings.

"I want a smaller one sana na puwede kong i-drive 'pag wala akong trabaho. I like the style of Rav4.

"I also want diamond, us a gift from my parents. Kung sa kaibigan, puwede rin as long na girl ang magbigay. Kung lalaki, sana walang kapalit or else, I won't accept it.

"Pero kung walang magbibigay ng diamonds, okey lang, sana 'yung driver's license, matupad," nakangiti niyang sabi.

Pero kaagad naman itong sinalo ng kanyang mommy MAI HERMOSA na umupo rin sa presidential table na, "pupuwede naming ibigay ang lisensiyang hinihingi niya, pero di pa rin namin siya papayagang mag-drive dahil parati siyang puyat at pagod, baka maaksidente lang siya. May driver pa rin siya dapat."

Tatlong mamahaling gowns ang isusuot ni Kristine sa kanyang party, isang white gown na gawa ni RANDY ORTIZ ang isusuot niya sa pagtanggap ng mga bisita. Isang aqua blue gown naman para sa main party at isang greyish blue para naman sa disco dancing na gawa naman ni PAOLO BASA.

Kung hindi kami nagkakamali ay sagot ng Maxi-Peel Exfoliant ang isang gown ni Tintin at Street Jeans naman din ang isa at Illustrazzio Bags ang isa pa.

Ngayong dalagang-dalaga na siya, legal nang gumawa ng desisyon.