Salve Mater Misericordiae
Salve, mater misericórdiae,
Mater Dei et mater véniae,
Mater spei et mater grátiae,
Mater plena sanctae laetitiae,
O Maria!
Salve, Virgo dignior céteris,
Quae virgines omnes transgréderis,
Et áltius sedes in súperis,
O Maria!
Salve, mater misericórdiae,
Mater Dei et mater véniae,
Mater spei et mater grátiae,
Mater plena sanctae laetitiae,
O Maria!
Te creávit Deus mirábilem,
Te respéxit ancillam húmilem,
Te quaesivit sponsam amábilem,
Tibi numquam fecit consimilem,
O Maria!
Salve, mater misericórdiae,
Mater Dei et mater véniae,
Mater spei et mater grátiae,
Mater plena sanctae laetitiae,
O Maria!
Te beátam laudáre cúpiunt
Omnes justi, sed non sufficiunt:
Multas laudes de te concipiunt,
Se in illis prorsus deficiunt,
O Maria!
Salve, mater misericórdiae,
Mater Dei et mater véniae,
Mater spei et mater grátiae,
Mater plena sanctae laetitiae,
O Maria!
Esto, Mater, nostrum solátium,
Nostrum esto, tu Virgo gáudium:
Et nos tandem, post hoc exsilium,
Laetos junge choris caeléstium,
O Maria!
Salve, mater misericórdiae,
Mater Dei et mater véniae,
Mater spei et mater grátiae,
Mater plena sanctae laetitiae,
O Maria!
Text Source:
The Catholic Doors Ministry
Salve Mater Misericordiae
O Sanctissima
O sanctissima,
O piissima,
Dulcis Virgo Maria.
Mater amata,
intemerata,
Ora, ora pro nobis.
Tota pulchra es,
O Maria,
Et macula non est in te.
Mater amata,
intemerata,
Ora, ora pro nobis.
Sicut lilium,
inter spinas sic,
Maria inter filias.
Mater amata,
intemerata,
Ora, ora pro nobis.
In miseria,
in angustia,
Ora, Virgo, pro nobis.
Mater amata,
intemerata,
Ora, ora pro nobis.
Text Source:
Untitled Document
O Sanctissima
Ave Maris Stella
Ave, maris stella,
Dei Mater alma,
Atque semper Virgo
Felix coeli porta.
Sumens illud Ave,
Gabriélis ore,
Funda nos in pace,
Mutans Hevae nomen.
Solve vincla reis,
Profer lumen caecis,
Mala nostra pelle,
Bona cuncta posce.
Monstra te esse Matrem,
Sumat per te preces,
Qui pro nobis natus,
Tulit esse tuus.
Virgo singuláris,
Inter omnes mitis,
Nos culpis solútos,
Mites fac et castos.
Vitam praesta puram,
Iter para tutum,
Ut vidéntes Jesum,
Semper collaetémur.
Sit laus Deo Patri,
Summo Christo decus,
Spiritui Sancto,
Tribus honor unus.
Amen.
V. Dignáre me laudáre te, Virgo sacráta.
R. Da mihi virtútem contra hostes tuos.
Text Source:
The Catholic Doors Ministry
Ave Maris Stella
Stabat Mater
Stabat Mater dolorósa,
Juxta crucem lacrymósa,
Dum pendébat Filius.
Cujus ánimam geméntem
Contristátem et doléntem,
Pertransivit gládius.
O quam tristis et afflictá,
Fuit illa benedicta,
Mater Unigéniti!
Quae moerébat, et dolébat,
Pia Mater dum vidébat,
Nati poenas inclyti.
Quis est homo qui non fleret,
Matrem Christi si vidéret,
In tanto supplicio.
Quis non possit contristári,
Christi Matrem contemplári,
Doléntem cum Filio?
Pro peccátis suae gentis,
Vidit Jesum in torméntis.
Et flagéllis súbditum;
Vidit suum dulcem natum,
Moriéndo desolátum,
Dum emisit spiritum.
Eia Mater fons amóris,
Me sentire vim dolóris,
Fac, ut tecum lúgeam.
Fac, ut árdeat cor meum,
In amándo Christum Deum,
Ut sibi compláceam.
Sancta Mater, istud agas,
Crucifixi fige plagas,
Cordi meo válide.
Tui nati vulneráti,
Tam dignáti pro me pati,
Poenas mecum divide.
Fac me tecum pie flere,
Crucifixo condolére,
Donec ego vixero.
Juxta crucem tecum stare,
Et me tibi sociáre,
In planctu desidero.
Virgo virginum praeclára,
Mihi jam non sis amára,
Fac me tecum plángere.
Fac, ut portem Christi mortem,
Passiónis fac consórtem,
Et plagas recólere.
Fac me plagis vulnerári,
Fac me cruce inebriári,
Et Cruóre Filii.
Per te, Virgo, sim defénsus,
Flammis ne urar succéncus,
In die judicii.
Christe, cum sit hinc exire,
Da per Matrem me venire,
Ad palmam victóriae;
Quando corpus moriétur,
Fac ut ánimae donétur,
Paradisi glória.
Amen.
Text Source:
The Catholic Doors Ministry
Stabat Mater
Flos Carmeli
Fos Carmeli,
vitis florigera,
splendor caeli,
virgo puerpera
singularis.
Mater mitis
sed viri nescia
Carmelitis
esto propitia
stella maris.
Radix Jesse
germinans flosculum
Nos ad esse
tecum in saeculum
patiaris.
Inter spinas
quae crescis lilium
Serva puras
mentes fragiluim
tutelaris.
Armatura
Fortis Pugnantium
Furunt bella
tende praesidium
scapularis.
Per incerta
prudens consilium
Per adversa
iugie solatium
largiaris.
Mater dulcis
Carmeli domina,
plebem tuam
reple laetitia
qua bearis.
Paradisi
clavis et ianua,
fac nos duci
quo, Mater, gloria
coronaris.
Amen.
Text Source:
Thesaurus Precum Latinarum
Flos Carmeli
© Michael Martin
O Gloriosa Domina
O Gloriosa domina
excelsa super sidera,
qui te creavit provide,
lactas sacrato ubere.
Quod Eva tristis abstulit,
tu reddis almo germine;
intrent ut astra flebiles,
sternis benigna semitam.
Tu regis alti ianua
et porta lucis fulgida;
vitam datam per Virginem,
gentes redemptae, plaudite.
Patri sit Paraclito
tuoque Nato gloria,
qui veste te mirabili
circumdederunt gratiae.
Amen.
Text Source:
Thesaurus Precum Latinarum
O Gloriosa Domina
© Michael Martin
Stabat Mater Speciosa
Stabat Mater speciosa
iuxta foenum gaudiosa,
dum iacebat parvulus.
Cuius animam gaudentem
laetabundam et ferventem
pertransivit iubilus.
O quam laeta et beata
fuit illa immaculata,
mater Unigeniti!
Quae gaudebat et ridebat,
exultabat, cum videbat
nati partum inclyti.
Quisquam est, qui non gauderet,
Christi matrem si videret
in tanto solatio?
Quis non posset collaetari,
Christi Matrem contemplari
ludentem cum Filio?
Pro peccatis suae gentis
Christum vidit cum iumentis
et algori subditum.
Vidit suum dulcem Natum
vagientem, adoratum,
vili deversorio.
Nato, Christo in praesepe
caeli cives canunt laete
cum immenso gaudio.
Stabat, senex cum puella
non cum verbo nec loquela
stupescentes cordibus.
Eia, Mater, fons amoris
me sentire vim ardoris
fac, ut tecum sentiam.
Fac, ut ardeat cor meum
in amatum Christum Deum
ut sibi complaceam.
Sancta Mater, istud agas,
prone introducas plagas
cordi fixas valide.
Tui Nati caelo lapsi,
iam dignati faeno nasci,
poenas mecum divide.
Fac me vere congaudere,
Iesulino cohaerere,
donec ego vixero.
In me sistat ardor tui,
puerino fac me frui
dum sum in exilio.
Virgo virginum praeclara,
mihi iam non sis amara,
fac me parvum rapere.
Fac, ut pulchrum infantem portem,
qui nascendo vicit mortem,
volens vitam tradere.
Fac me tecum satiari,
Nato me inebriari,
stantem in tripudio.
Inflammatus et accensus,
obstupescit omnis sensus
tali me commercio.
Fac, me Nato custodiri,
verbo Dei praemuniri
conservari gratia.
Quando corpus morietur,
fac, ut animae donetur
tui nati gloria.
Amen.
Text Source:
Thesaurus Precum Latinarum
Stabat Mater Speciosa
© Michael Martin
