LÖG FÉLAGS ÁHUGAMANNA UM VARÐVEISLU Á KÓPNESI Á HÓLMAVÍK

 

1.gr.     Félagið heitir Félagi áhugamanna um varðveislu á Kópnesi á Hólmavík og er lögheimili og varnarþing félagsins í Strandasýslu.

 

2. gr.    Félagar í Félagi áhugamanna um varðveislu á Kópnesi á Hólmavík eru allir þeir sem ganga í félagið og greiða árgjald eftir reglum sem aðalfundur setur.

 

3. gr.            Markmið Félags áhugamanna um varðveislu á Kópnesi á Hólmavík er að eiga, varðveita og endurbyggja íbúðarhús og fjárhús byggð af Helgu Tómasdóttur og Jóni Árnasyni sem staðsett eru á Kópnesi á Hólmavík til að forða þeim frekara tjóni, og koma þeim í sem upprunalegast ástand.

            Félaginu er heimilt að að hafa samstarf við einstaklinga, fyrirtæki, félög, stofnanir, sveitarfélög og ríki til að ná þessu markmiði.

 

4. gr.    Félagið hyggst ná markmiðum sínum með eftirfarandi hætti:

a)      Að undirbúa undir framkvæmdir.

b)      Sækja um fjármagn til  einstaklinga, fyrirtækja, félaga, stofnana, sveitarfélaga og ríkis, eða hverra annara sem hugsamlega hefðu áhuga á að styrkja verkefnið.

c)      Ráða menn til verklegra framkvæmda.

d)      Sjá um að rekstur og viðhald sé ávalt til sóma fyrir félagið.

 

5. gr.    Stjórn skipa 3 aðalmenn og 3 varamenn, en stjórn skiptir sjálf með sér verkum.

            Stjórn skal kosin á aðalfundi, sem halda skal í apríl ár hvert. Einnig skal kjósa

            tvo skoðunarmenn reikninga á aðalfundi.

 

6. gr.            Hlutverk stjórnar er að vinna að markmiðum félagsins og annast rekstur þess.

            Stjórn skal halda skrá yfir eigur félagsins og gera árlega skýrslu um störf sín sem lögð er fram til samþykktar á aðalfundi félagsins. Jafnframt heldur hún gerðabók og skal þar færa inn lög og fundargerðir aðalfunda og stjórnarfunda. Fyrir aðalfund ár hvert skal stjórn leggja fram ársreikning ásamt drögum að fjárhagsáætlun og verkefnaskrá fyrir næsta starfsár.

 

7. gr.            Aðalfund skal boða með minnst viku fyrirvara, með auglýsingu. Aðalfundur er löglegur, sé löglega til hans boðað.

 

8. gr.    Til að lagabreytingar öðlist gildi þarf 2/3 greiddra atkvæða á aðalfundi.

 

9.gr.     Verði félaginu slitið renna eignir þess til menningarstofnana sem hafa svipuð markmið, að mati stjórnar. Félaginu verður einungis slitið með samþykki allra stjórnarmanna og 3/4 hluta atkvæða á aðalfundi að auki.