A man gives all kinds of promises to entice a girl to marry him. Today it would sing.. "I'll put up shelves, and mow the lawn, and build a patio.... etc.
Birniebouzle
Will ye gang wi' me lassie, to the braes o' Birniebouzle
Baith the yaird an' sea lassie, will I rob to fend ye.
I'll hunt the otter an' the brook, the hart, the hare an' heather crook
An' pull the limpet off the rock, to batten an' to mend ye.
If ye'll gang wi' me, lassie, to the braes o' Birniebouzle
Till the day ye dee lassie, want shall ne'er come near ye.
The peats I'll carry in a scull, the cod an' ling wi' hooks I'll pull
An reave the eggs o' mony the gull, to please my dainty dearie.
Sae cantry will ye be lassie, at the braes o' Birniebouzle
Donald Gunn an' me lassie, ever shall attend ye.
Though we've neither milk or meal, lamb or mutton, beef or veal,
We'll fant the propy an' the seal, that's the way to fend ye.
An ye'll gang sae braw lassie, at the kirk o Birniebouzle,
Wi' the brougues an' a' lassie, wow but ye'll by vaunty.
An' ye shall wear when ye are wed, the kirtle an' the hieland plaid,
An sleep apon a heather bed, sae cozy and sae canty.
If ye'll marry me lassie, at the kirk o' Birniebouzle
A' my joy shall be lassie, ever tae content ye.
I'll bait the line and bear the pail, an' row the boat an' spread the sail,
An' drag the larry at my tail, when mussel hives are plenty.
Then come awa' wi' me lassie, to the braes o' Birniebouzle,
Bonnie lassie, dear lassie, you shall ne'er repent ye.
For you shall own a bught o' ewes, an be the lady o' the house,
An' wear a skirt an' dainty blouse, an' lads an' lasses plenty.
