Cam Ye O'er Frae France Cam ye o'er frae France, cam ye doun by Lunnon Saw ye Geordie whelp, and his bonnie woman Were ye at the place, ca'd the kittle hoosie Saw ye Geordie's grace, ridin' on a goosie Geordie, he's the man, ther is little doubt o't He's done a' he can, what can he do without o't Doon there cam a blade, linkin' like my lordie He wad drive a trade, at the loom o' Geordie Tho' the claith were bad, blithely may we niffer Gin we get a wab, it make's little differ We hae tint our plaid, bonnet, belt and swordie Ha's and mailin's braid, but we hae a Geordie Jockie's gane to France, an' Montgomery's lady There they'll learn to dance, madam are ye ready? They'll be back belyve, belted brisk and lordlie Brawly may they thrive, to dance a jig wi' Geordie Hey for Sandy Don, hey for Cockalorum Hey for bobbin' John, an' his hieland quorum Mony a sword and lance swings at hieland hurdie How they'll skip and dance, o'er the bum o' Geordie
Music; traditional. Content copyright © 2000 held by the author; Ian Hall.