冰河....呢個名一聽就覺得好凍。冇錯，冰河係冰原o既戰士。佢個樣都係好凍，好似冇乜感情。不過佢凍得來好靚。佢出拳o既姿勢真係好靚，當佢拍翼o既時候真係同一隻優雅o既白鳥一樣，好吸引人。 雖然佢個樣好凍，但係佢好重感情。佢成為聖鬥士o既原因係為左打撈俾冰封住o既亡母o既肉體。雖然比起其他人，佢成為聖鬥士o既原因好似係私人理由，仲好似聽落去好似冇乜大志，好懦弱，仲掛住阿媽。但係我覺得呢個只係錯覺。只係因為其他聖鬥士不幸失去母親。而且好似星矢佢地只係得果13, 4歲，掛住阿媽一d都唔出奇。反而，如果冰河真係懦弱o既話，為左咁o既原因佢一定唔可以克服艱苦o既修練去成為出色o既聖鬥士。 有人話o係五個聖鬥士之中冰河o既力量最低。但係我唔係咁認同。雖然佢唔可以好似星矢咁打唔死，唔會好似紫龍咁為左贏瞎都得，冇好似阿瞬有隱藏力量，亦都冇一輝o既怨恨力量，但係佢o既實力同冷靜判斷能力好高。好似係天蠍宮，佢一面承受住米羅o既攻擊，一向用辦法封住佢o既腳。最後更用最後o既力量打中哂米羅o既星命點。真係好犀利。佢係水瓶宮面對佢師傅，o係承受左師傅o既水瓶神拳之後，竟可將水瓶神拳巧妙地轉化為自己o既招式。 一睇佢咁掛住佢媽媽就知道佢一定係個重感情o既人。呢點你應該你會同意。但係往往命運都係同佢打對台。佢o既對手好多好多都係佢識o既人。好似係佢師傅、師兄等。雖然佢都係會猶豫，但係最後佢都係為佢大局同佢o既兄弟將眼前o既敵人打低。我諗如果係星矢，佢一定冇可能向佢師傅落手就算紫龍、阿瞬都係。
