阿瞬.....呢個名，加上佢個樣，都好似係度話比我地知佢係女仔。不過，現實永不同於想像。阿瞬有既係男兒身。佢細個果陣好容易喊，乜事都要哥哥出手，令人覺得佢好冇用。佢哥哥好維護佢，最後仲代佢去被稱為地獄既死亡皇后島去修練。
最奇怪既係以佢既性格，竟然可以係仙女島取聖衣返來。而且都變堅強左好多，可以自己解決問題，而且佢既實力都好犀利。不過，佢唔想傷害人地，就算係戰鬥緊都係....真係唔知話佢善良定天真。(呢個性格真係幾似女仔^^)可能成為聖鬥士真係命運比佢既最大考驗。(其實佢都算唔錯啦)
佢阿哥一輝真係同阿瞬成左好大對比，一個至柔，一個至剛。佢地真係命運既 絆。阿瞬有危險就叫阿哥，而阿哥就出手幫佢，呢個場面係聖鬥士入面真係好常見。不過咁唔代表阿瞬冇用，佢只係保留實力，比佢阿哥出下鋒頭........其實阿瞬既真正實力真係好勁，至少雙魚座黃金戰士都係死係佢既星雲旋風手上，而雙子座既迷宮又比佢既星雲鎖鏈破左。
其實如果阿瞬每次都係用真正既實力去戰鬥，而佢既性格又剛強D，咁係咪認一輝做阿哥會適合D呢？好似咁一龍一鳳會唔會係另一個新既故事呢？不過咁就唔係我地認識既阿瞬啦。阿瞬都係要好似而家咁樣先至好。
