الجوارب(الشرابات)

هاذي طول الله اعماركم سالفة واحد يحب التأخر عن المدرسة .كله عشان ما يتمرن تمارين الصباح .

المهم في ذاك اليوم قام متأخر زي العادة وغسل

وصلى ، ثم بدا يرتب دروسة ويصفها , ويوم ناضر الجدول الا عنده حصة رياضة .

ويجي بسرعة ويضف ملابسه الرياضيةويحطها في كيس ويحطها جمب غرفتة وراح وأفطر ثم رجع واخذ كيسه مهيب كيسته.

وراح للمدرسة ، ويو م جت حصة الرياضة وهو الي ياخذ كيسته عشان يغير ملابسه.دخل يده في الكيس يبي يطلع البنطلون طلع شراب قال اكيد هذا الشراب الاول وابطلع الشراب الثاني ودخل يده وطلع شراب غير الاول.

قال معقولة!!!

ويوم ناضر في الكيس لقى الكيس مهوب كيسه.

الكيس كيس شرابات اهله.

وعقب السالفه هاذي وهو منضبط زي الالف يروح اول واحد للمدرسة ويمسك العلم الوطني

وينشد :سارعي.........

الله يستر علينا

هذا طول الله اعماركم سالفة صارت في الحج وهي :

كان ذاك اليوم يوم الرجم والجمرات زحمة مثل ما احنا عارفين اخونا في الله الي صارت القصة اسود البشرة ومن الزحمة طاح احرامه ويوم طاح ما امداه يمد يده الى الناس تصايح الشيطان الشيطان

وبدوا يرجمونه الحجاج.

وما فكه من الناس الى الاسعاف وهو بين الحياة والموت.

(تسائل:هل يا ترى سيحج مرة أخرى)

الفلوس

هاذي سالفه صايره لواحد من اهل القويعية يشتغل في البنك والسالفة تقول:

ان بدوي جاء لخوينا الي شغال في البنك وعطاه 5الاف ريال وقال له: حطها في حسابي .

خوينا قاله: طيب . وسجلها في حسابه.

بعد شوي جا واحد ثاني ومعه شيك ب5الاف

خوينا عطاه الخمسه الي جايبها البدوي على انه خلاص مسجله في حساب البدوي.

ولا امداه يمد الفلوس للرجال الا وينقز البدوي ويقول :وش ذا تعطيه فلوسي والله ما ياخذها .

خوينا بلش. وش سوى انتضر لين راح البدوي ثم عطا الرجال الفلوس .