比賽難忘事

我自小學開始已經有玩sports, 升F.1時最初想玩volleyball, 不過因為身高關係 -__-" (當年年紀少啫...) 再加上個 training course (入 school team 嘅途徑) 有成百幾人玩喎. 我咪費事煩囉. 過咗sports day 無幾耐就半迫半就玩田徑啦. 臨 term 尾時俾同學仔氹咗去玩 b-ball training course 跟住一玩就玩到f.6, 而家間中都有玩吓嘅... 講係田徑 team, 好深刻嘅有兩件事...

1) 二百米
由於我有 "嘭嘭槍恐懼症" & "起跑遲鈍症", 所以一向我都只係跑開 4x100 relay. F.3 學界時無啦啦要人跑埋二百米喎! 跑一百我都只係啱啱夠氣, 叫我跑二百簡直係攞我命! 比賽前我都無試過跑完一次二百米! 到比賽嗰日, 緊張到肚仔痛! 諗起自己跑到一半唔夠氣, 腳軟跌低鬼咁樣衰, 就好恨自己暈低唔駛跑, 不過現實係殘酷嘅, 結果都俾人捉咗去跑!
落 lane 時腦袋空白, 咩都睇唔到聽唔到, 只 feel 到自己d超快 & 超大聲嘅卜卜心跳!! 一起跑我好驚呀, 就係咁跑, 諗住快d跑完當交差算啦, 如我所料, 真係跑到一半就無氣, 好辛苦咁捱到終點, 淨係知我仲好驚! 抖咗一陣, 清醒番先知死! 入咗 semi-final 要跑多一次! 結果我入埋 final, 攞咗我第一 & 唯一一個學界田徑 champ!

2) 百分一秒
F.4時, 我哋 team 4x100 relay 個個狀態都唔錯. 學界初賽時好險呀, 我同三棒嘅"小飄柔"交接棒時出錯, 差d俾人 foul! 不過我夠精靈, 懸崖勒馬無出黃線接棒咋! 到 final, 隔離 lane 3 d 人幾快呀, 我一接棒就追啦, 我同佢簡直係貼住平頭跑, 曾經一度追過佢㗎, 不過, 最尾因為佢身材好, 俾佢百分一秒贏咗我個金牌!! D人好衰㗎, 我咁辛苦用晒d力去追, 追到要虛脫啦, 唔讚我都算, 竟然笑我身材唔好!!!! 佢哋仲話早知係咁就將我同第二棒對調, 話咁樣唔駛輸之餘, 分分鐘嬴十分之一秒 tim 呀!!! 哼! 人喎!! 一d人性都無!!
呢次創造咗我哋自己嘅最快紀錄, 54'xx"!

亦係我跑得最快嘅一次. 差嗰百分一秒輸咗個金牌, 我好唔忿氣㗎! 一個relay金牌都無, 真係好失望呀!! 唉...

比賽難忘事 Part I