click the above pic to family photo
album
一家之豬: Baba Pig 爸爸豬 (生於豬年, 佢好鍾意呢個名㗎! 因為係我改㗎嘛!)
佢... 豬口豬面, 豬頭豬腦, 終日"gur
gur" 聲咁嘈豬巴閉...
我曾經一度係佢嘅紅顏知己, 依家佢個仔代替我做咗佢嘅知音人, 不時佢哋會合唱, 攪到成間屋豬聲豬氣! 激死!! 最衰就係霸住個telly, 悶死我, 不幸中之大幸, 佢都鍾意睇 Ally Mcbeal 喎!
佢成日威脅我話如果我遲返屋企, 佢就放火燒我棵樹(= my bed), 等我無樹可棲!! 幾衰豬!!!
蕃茄
/老虎
三家姐: Noel (佢話自己細個時同個叫蕃茄嘅童星似樣喎... 我當時年紀小唔知咁多喇!)
睇個名就知佢來頭唔少, 識變身㗎! 一時係蕃茄一時係老虎(特別係追我還債嘅時候! 哎! 無錢還嘅話, 一係要流落馬戲團賣藝 (我唔賣身㗎!), 一係就要搬返城門水塘住, 淪為"猴"悱去偷嘢食 woo woo... 其實我真係好慘㗎!如果邊位有心人仕願意捐錢救濟, 請電郵我! 多多益善 少少無"驅"啦 多謝!!) 最近, 佢對好有興趣, 點解?! 問佢啦!
小妹馬騮四: Hollis
我係一隻有文化嘅馬騮囉, 係個鍾意食同瞓嘅乖乖小朋友! (真㗎!)
豬皮細佬 : 誠B (個名係蕃茄三家姐改嘅, 意思係 - 既豬咁蠢 又如皮咁膚淺!! 十分貼切! ...哎! 家門不幸!)
佢污豬"咋咋" 豬事八卦 麻麻煩煩 叫佢做嘢佢就好似借咗聾耳豬隻耳咁! 又扮勁"懶"醒 乞人憎... 雖然佢天生一臉豬相, 但係都有唔少無知小學女被佢bewitched 咗, 時不時會聽到D嬌爹嘅女仔聲叫"誠B, 唔好唔同我玩呀..." or "誠B誠B, 你幾時出嚟玩呀?" (哎! 時下D小學仔真係唔多掂呀吓! Taste 點樣都算嘞, 反正各花各眼, 但係點可以咁無矜持㗎?!)
老鼠二家姐&二姐夫: Ruby & 小強
佢哋恩愛非常,育有一女 ---- 嘮嘮 屎撈人!! (驚驚!!) 佢哋鍾意互相稱呼做"靚女" "叻仔" 呀咁㗎! 聽慣不怪啦!
喺度要讚吓小強, 佢d住家飯確實唔錯㗎! 即使係佢嘅大日子 -- 賽馬日都會招呼一流! 所以Ruby係個食蝦唔駛"mock"殼嘅幸福女人!
汪汪大家姐&大姐夫: Rebecca & Tommy
佢哋都係非常恩愛㗎,育有一仔一女 --- Andy (佢同佢爸爸都係馬騮嚟㗎, 不過我哋唔會爭蕉食)& Fiona
(又名肥脾Phoebe) 一家四口定居於Canada.
Rebecca 話佢嘅身型喺加國係細碼(咁我就係營養不良嘅厭食症病患者囉!), 平時會做gym keep fit, 連妹妹肥脾都有跟開操㗎, 雖然年紀小小, 但係已經練得一身好功夫! 曾經有磅爆bb磅嘅驕人成績!! 據佢爸爸透露, 為咗要成為華裔小姐, 佢一直keep得好fit, 仲有增無減 進步神速tim! 要抱得佢起就要睇吓你有幾多"斤兩"嘞! 99年10月時我可以抱佢3分鐘㗎! 不過依家喇喎... 我只求自保, 唔駛成為"脾"下亡魂!
