Fendigaid Frenin tirion

Fendigaid Frenin tirion,
  Concwerwr Calfari,
Na âd i ffol amheuon
  Ein cario gyda'r lli;
Mae cariad yn diffygio,
  A ffydd yn torri' i lawr;
I'n cynnal a'n bugeilio,
  O! tyred, Iesu mawr.

Mae D'addewidion distaw
  Yn dal o hyd yn llawn;
A thyrfa Dy ddeheulaw
  Yn canu am yr Iawn;
Dysg i genhedloedd daear
  Y newydd gân yn awr;
Ac i drigfannau galar,
  O! tyred, Iesu mawr.

Tydi yw'n hunig obaith
  Ymhob ystorom flin,
Na thro Dy wyneb ymaith,
  Dy wên sy'n ddwyfol hin;
Mae Seion o'r dyfnderoedd
 Yn disgwyl am y wawr,
I lwyddo teyrnas nefoedd,
  O! tyred, Iesu mawr.

Blessed gentle King,
  Conqueror of Calvary,
Do not let foolish doubts
  Carry us with the flood;
Love fails,
  And faith breaks down;
To uphold us and shepherd us,
  O come, great Jesus!

Thy quiet promises are
  Still full;
And the throng of thy right hand
  Singing about the atonement;
Teach earth's nations
  The new song now;
And to the lamenting dwellings,
  O come, great Jesus!

Thou art our only hope
  In every grievous storm,
Do not turn thy face away,
  Thy smile is divine weather;
Zion from the depths is
  Waiting for the dawn,
To prosper the kingdom of heaven,
  O come, great Jesus!