Day 9:  December 24

Reflection on Lucas 1:67‑79

Alan V. Oresca, SASMA

 

Sa ating mabuting, balita ngayon gumaganap na isang propeta para sa kanyang pamilya si Zacarlas.  Bagamat matatanda na nang si Juan ay ipanganak, ang mga kamag‑anakan na nakaalam ng mga pangyayaring nakapaligid sa kanyang pagsilang ay nagtanungan "magiging ano nga kaya ang batang ito?" ang tugon sa katanungang ito ay matatagpuan sa pahayag ni Zacarlas. Ang kanyang, sinabi na maaaring makatulong sa ating pagninilay.

 

Una, ang pagdating ng tagapagligtas.  Sa pagsilang ng kanyang anak na si Juan nabanaagan ni Zacharias na mayroon pang higit na dakilang mangyayari na mas higit sa pagsilang ni Juan. Ang kanyang karanasan ng paglingap sa kanya ng Diyos ay bahagi ng higit na dakilang pagkilos ng Diyos.  Kung siya at ang, kanyang asawa ay iniligtas ng Diyos sa kahihiyan, higit na pagliligtas ang mararanasan ng kanyang bayan. Matutupad na ang pangako ng Diyos na matagal nang pinanabikan ng kanyang bayan.  Makaaahon na ang kanyang bayan sa kahirapan bunga mga paniniil sa mga kaaway.  Ito marahil ang mas magandang balita na nais paabot kay Zacarlas. Ang pagdating ng Anak ng Diyos na kanyang ipinangako at magkakaroon ng kaganapan sa katauhan ni Hesus.

At  marahil bawat isa sa atin ay naroon ang pananabik sa atin puso sa muling paggunita sa pagsilang ni Hesus. Pero sa mas panabikan sana natin ang muling pagbabalik ni Hesus. Huwag sana tayong tumigil sa Hesus na nakahiga lamang sa sabsaban na kapiling ang mga hayop. Bagkus patuloy natin siyang ilagay sa ating puso, upang sa ganung ay, patuloy siyang dumaloy at manahan sa ating kapwa. Nawa sa pamamagitan ng ating patuloy na pagpapadama ng pagmamahal sa ating kapwa ng ipinunla III Hesus ay patuloy nilang maranasan ang pagliligtas ni Hesus sa kanilang buhay. Katulad ni Zacarias maramdaman din natin na may Hesus na darating na magdadala ng mabuting balita ng kaligtasan.

Ikalawa, ang papel na gagampanan ni Juan kaugnay ng gagawing pagliligtas.  Hindi nga hiwalay na biyaya ang pagkakaroon ng anak. Nakikita ni Zacarias na si Juan ay para sa paglilingkod sa Tagapagligtas.  Alam natin ang nangyari. Si Juan ay nagsilbi ngang tagapanguna ni Hesus. Siya ang naghanda sa mga tao sa kanyang pagdating. Siya nga nanawagan sa mga tao sa pagsisisi na siyang pangunahing saloobing hiningin ni Jesus.

Kung nagawa ni Zacarias na magpahayag at tumayo siya ngayon bilang huwaran natin, mahalagang, mauunawaan natin kung paano niya nagawa ito. Magandang balikan ang karanasan ni Zacarias sa kanyang pagkapipi.  Hindi man isinalaysay ng ebanghelyo maaari nating ipalagay na habang wala siyang kakayahan magsalita ay tumalas naman ang kanyang kakayahan makinig. Sagana siya sa pagkakataon manahimik at magnilay sa nangyayari sa kanyang at sa kanyang asawa. Kayat ang kanyang pagpapahayag ay bunga ng pakikinig

Ngayon nasa atin naming mga palad na gawing hamon ng ating buhay ang bagay na nasinimulan nina Juan at ni Zacarias na ipagpatuloy ang kanilang mga nasimulan ang magtiwala sa nais ng Diyos para sa ating buhay. Kaya. nga bilang isa sa mga disipulo ni Hesus tayo ay inaanyayahan rin na patuloy na manguna sa pagtalikod sa atin mga nagagawang mga kasalanan at ipahayag ang mabuting balita ng Panginoon sa ating kapwa hindi sa salita bagkus sa gawa. Lalo't higit ang patuloy na pagsunod sa kautusan ng Diyos at ng Simbahan.

Gayundin naman, sinasabi ng ebanghelyo na ang kanyang pagpapahayag ay bunga ng pagkapuspos niya ng Espiritu Santo. Ang pag‑unawa sa niloloob ng Diyos at ang kakayahan magpahayag nito ay hindi bumubukal sa ating sarili kundi isang kaloob ng Diyos. Marami tayong ginugusto Sa buhay pero ng ngayon handa ba tayong makinig at magpaakay sa kalooban ng Diyos?