der dikhter tsu zayn froy
farnakht baym yam
kerst efsher um zikh itst inem fargeyendikn flam --
di letste tsvishn di,vos geyen, oysgebodene, af ru shoyn,
un s'kukt dir nokh, ingantsn a tseshmoltsener, der yam,
mit zayne royshndike gold-gevebte plyushn.
du zolst fun vayt zey ton af zikh a khap aroyf
un lozn zey in dayn farbroyn zikh ton a shpigl;
er tsit zikh oys, der yam. er heybt zikh bizn himl af
un iberbitn goldene af im zikh gebn a tsevikl.
du dukhst zikh im nit oys tsu kleyn, gevis,
inem farglaykh mit zayn durkhoys farfleytsndiker khvalye,
ven boyst zikh on, antbloyzndik di fis,
ven treyslst oys a shteyndele fun a aropgefalenem sandalye.
ven s'gibn in umordenung a shvern fal
mit shvartsn glants di hor dayne di oysgenetste
un dekn op a shtikl aksl un dem haldz,
vi ongeshlifenem burshteyn in shtraln letste.
du dukhst zikh im nit oys tsu kleyn in dayn geayl,
er zet vi hoybst zikh af. er zet vi lozt zikh a farnar ton,
er zet vi dreyst zikh oys tsu im nokh af a vayl
mit a fartroymtn blik a nitgezetiktn fun vartn.
un nemt af zikh dem gantsn zunfargang tsu letst,
s'zol likhtik zayn dem roym zikh iberashn --
vi mit di hoyle fis tsu di getokte shteyndelekh du redst
un vi zey entfern dir op, tseshitndik zikh, rashik . . .
s'darf itst a fayerlekhkayt zayn in zayn geflam,
er darf a groyser zayn atsund aza min;
dokh, kukndik af dir, khapt er baym himl zikh, der yam,
vi s'khapt a kind zikh bay der pole fun der mamen.
dayn blik
fun yeder rayze in dem oysgedukhtn glik
ker ikh zikh um -- in vuks abisl kurtser;
mir git tsuvisn es dayn umshuldiker blik,
vos mit amol aza min hoykher mir er dukht zikh . . .
nor aza shtralndiks faran iz in dayn blik,
vos lozt dem kop maynem in shuld zikh dokh nit boygn,
afile ven in harts kharote zikh tseblit,
un ven a trer farblishtshet in di oygn . . .
af di geyegn nokh geshpenstikt, nokh gedakhts,
vert mir der veg tsu dir gelayterter un nenter.
un ibervarfndik af shtrekes dir mayn harts,
loz ikh zikh dokh, af vu a fayerl, a bren ton!
afn peron
in fentster fun vagon iz ayngeraymt dayn kop.
du kukst aroys mit aza umet fun tsesheydung;
s'falt tsu di nakht. der tsug rayst fun peron zikh op.
vi af a dno fun oysgesheptn yam vert shtil un leydik . . .
nor es farshvindn nit fun hintershtn vagon
di royte fayerlekh in veykher demerung farhilte,
vi dayne eylbirt-oygn, vos zey kern mir itster on --
azelkhe nit derzogte un dershrokene, un milde . . .
farvos dernentert di tsesheydung biz tsu payn?
farvos iz azoy zis benkshaft fun der vaytn?
kh'vel dayne oygn zen a lange tsayt nokh in der shayn
fun di farshvindndike fayerlekh in demerung fartayte . . .
A Related Web Page
To return to the homepage, click here.
