愛情小十六品之飄泊?遊盪?玩味?

近日noel同zackie少了來往, 但也有不時電話傾談近況, 不過話題離不開情情塔塔, 其中, zackie更有許多個人見解, 網主亦表示十分同意, 當然有箇中的道理. 網主有些是不明白的, 不如比大家看看他們的電話對話吧~~~

現在已是晚上十二時十五分, 夜蘭人靜之時, 有一對朋友大談人生觀, 認真"合時"喎 !

Noel: 喂, zack, 你訓左未?

Zack: 我係夜鬼, 問你死未?

Noel: 太好喇, 我.......有事請教呀!

Zack: 嘩~~~~~ 你都好早喎, 灰姑娘都走左啦~

Noel: 咪講笑住啦, 喂我呢排好頭痛, 做樣樣野都唔順暢

Zack:有冇便秘呀!

Noel: 妖!

Zack:邊個搞到你呆滯呀? 又係個個咩jo......咩ey 呀, 好心你啦, 豬女成街係啦! 唉.....我都無你咁好氣, 講你又信, 叫左你死心, 你又話日日見, 好難控制自己個心同對波子眼唔肯認低威咋!

Noel: 我知, 我咁樣好似明知人地唔理自己, 但又偏要喜歡人, 咁, 咁點喎, 我都唔想咁辛苦, 我可以點? 而家見到個天落雨都會觸景傷情, 自然會諗起佢. 唉~~~究竟我前世做過咩衰野, 咁多情劫既, zack, help me!!!!!!

Zack: 我都唔知點講好你先肯醒.............好, 你留心, 我有野同你講:

     1.              你唔好咁自大啦, 你成日以為你追人, 人地一定會接受你,

                    記住 : 呢個世界冇絕對既

     2.             你成日講自己個腦成日諗住佢,

                    記住 : 冇一個比賽 / 計劃只用準備而不完成!

                    意思係, 你得個"講"字, 唔行動 點會有結果先.

     3.             你既 ideal type, 固定左係靚豬女, 當然, 你有選擇權

                    記住 : 黎明都會有老既一日

     4.             佢比你壓力, 卻又比你曖昧

                    記住 : 不要做一個失敗的第三者

     5.             你願意為佢做事, 認為這是榮幸

                    記住 : 佔便宜係人都識, even佢係你既知已

     6.             問心呀! 你鐘意人地乜野先, 真係為左佢個樣, 咁你真係

                    好cheap, 好膚淺, 好表面囉!

                    記住 : 一個人靚唔靚係發自內心性格, 而且一個靚情人會令你冇安全感.

     7.             仲有呀,,,,,,,mmm........我無補充喇 *_*

Noel:  zack, 我覺得, 你分析得好好, 起碼我知道自己有好多唔妥既地方, 我會改善, 至於我個joey.......一時一刻唔能夠忘記佢, 但我會試下放多d時間, 愛心砌模型來忘記佢, anyway, 多謝妳既提點!

Zack: 咁我訓得未呀, 冇晒口水喇 , 一次過講晒你d衰野, 唉, 其實真係講天光到講唔完, 不過因為時間有限, 我彭彭聲咁嘔左半打既野出來囉   y_y

Noel: 得喇, 你訓啦, 搵日出來飲茶, 我請 ^_^

Zack: 哦...........zzzzzzzzzzzzzz.......