| 何韻詩要將桃花過俾阿梅 | 2001年5月21日 |
何韻詩今午現身沙田新城市廣場，出席唱片公司為她舉行之首次個人簽名會。在場等候簽名之歌迷達二百餘人之多，加埋星期天圍觀者份外多，使場面顯得十分熱鬧，據知當中有歌迷在零晨五時多已到場排隊，可見阿詩有一定號召力。
對於歌迷的熱情守候，阿詩感到好開心：「昨晚我以為只有五十人左右，但而家有二百人，所以好高興，而且有個好熟o既歌迷，零晨五點幾已在排隊，佢係都要排第一個！」而今次的簽名會亦勾起阿詩一些回憶：「以前阿梅去加拿大做演唱會時，我亦曾去過佢酒店樓下等佢，果陣時我間房貼滿佢o既Poster，瘋狂程度不下於其他歌迷，所以我好明白做歌迷的心情。」阿詩亦謂自己可以由歌迷變做阿梅徒弟，覺得一切都是緣份，亦覺得這一切是「整定」的。她稱在加國時曾是小 Fans，每次阿梅到此演出，縱使要坐飛機亦去看，還親自摺紙鶴三千隻贈阿梅。
記者提到阿梅叫她快o的拍拖，阿詩笑言：「讓俾阿梅先啦，D桃花留番比佢，等佢快o的拍拖，而家我事業o岩o岩起步，唔想拍拖住，o的桃花我遲o的問佢(才羅)番。」又問到佢同劉浩龍o既感情時，阿詩照例否認，指同對方太熟，是好朋友亦是知己。
