阿梅與何韻詩接受新城電台訪問 6/4/01
今天阿梅與何韻詩兩師徒接受新城電台的訪問,原本訪問是前天進行的,但因為阿梅身體不適,改為今日進行。
對於這位徒弟,阿梅有讚冇彈,還踢爆阿詩的一個秘密:「佢唔鍾意著裙架!所以遲些新城有個聚會,我一定要佢著裙演出。」阿梅坦言阿詩很像剛出道的她:「佢同我以前好相似,當然依家既阿梅已經好圓滑。」問到阿梅會否不准阿詩拍拖?她說:「呢個都係一個過程,唔跌過、傷過,唱歌唔會唱出韻味。不過我知道佢依家好醉心事業,唔會諗呢D野。」阿詩即時附和說:「係呀!我曾經都以愛情為重,不過依家就以事業為上。我係一個同分左手o既男朋友都可以做好朋友的人。」阿梅即笑說:「我安排二十個鐘o既工作俾佢,得四個鐘俾佢休息,佢冇時間諗呢D野架啦!」
對於早前阿詩與蔡一智的緋聞,阿梅斬釘截鐵地說:「冇可能!佢地兩個性格咁極端,平時做o野已經成日拗,兩個都水火不容,又點會拍拖呢?佢地冇拍過拖,將來都唔會!」
參考資料:《Show 8》