| 何韻詩話阿梅見慣風浪 | 成報 2002年3月30日 |
梅艷芳於演唱會上不慎走光一事，身為徒弟的何韻詩前晚於慶功宴時表示，師傅阿梅見慣風浪，很有專業態度。若然是她又會怎辦？阿詩說﹕「自己仲學緊野，佢真係好Pro，好似有一次表演時她在台上扭親仲大跳大唱，落左台我先知佢有事，我真係有排學。（會否安慰梅姐？）得啦，唔使啦！佢唔會放係心度，其實佢最擔心個Rundown出錯。」
阿詩於個唱上的癲婆造型被大讚神似，阿詩說﹕「之前冇綵排o架！師傅本來要求我做SM女郎，但怕影響我既形象改由Dancer演繹。」阿詩更笑言扮演精神病人很容易，因為好像是做回自己，而且每晚都要扮，可能會愈做愈癲。她說今次是第一次踏上紅館舞台作表演，所以異常興奮。
而蔡一傑亦表示阿梅絕對冇走光，她已經做足保險措施，阿傑說：「梅姐貼了一個鑽石乳貼，因為之前佢冇時間做Fitting，所以一定會做足措施。（你睇住佢貼？）呢D係秘密！」
