| 何韻詩開騷感激梅姐睇足全場 | 成報 2002年4月12日 |
拎起結他的阿詩特別有型有款。
阿詩演唱時不忘玩樂。
梅姐、蔡一智、阿詩的父母（紅圈）前晚齊捧場。
何韻詩前晚在大學會堂舉行一場「何韻詩結識他的音樂會」，捧場的除阿詩的爸爸媽媽外，還有劉浩龍、梁漢文、師父梅艷芳等到來欣賞，梅姐更睇足全場先至走，可見非常畀面。
阿詩在台上大跳大唱，更穿小背心上陣，引來Fans的尖叫狂呼。有一名中年男Fans更送上一束粉紅色玫瑰給阿詩，阿詩即時說：「我第一次收到男仔送嘅花。」該名男Fans返回座位後，全晚不時大叫阿詩「靚女」、「好正」。在台上阿詩答謝完父母後，亦很多謝梅姐對她的寵愛，她說：「由我只係一個瘋狂的小Fans，到入o左華星做梅姐的師妹，再o係咁多人當中選我做佢的徒弟，我覺得真係好奇妙。」說到這裏，阿詩已經熱淚盈眶，而台下的梅姐亦見有點眼濕濕。
演唱會後，記者向阿詩表示那位男Fans對她好好喎！阿詩說：「唔好亂講呀，佢係警司o黎o架！（你點知道呀？）佢係我華星時的Fans，佢成日寫信、送禮物，所以我知道。（咁你會接受追求嗎？）唔好囉喎！Fans始終係Fans，默默支持我就得啦！」
師父梅姐前晚就睇足全場，問阿詩事前知唔知道她會嚟捧場？阿詩表示都係喺開騷前，梅姐助手講畀佢聽先知，而梅姐就叫她不要緊張。上次阿詩開迷你演唱會時，容祖兒送來花籃，問阿詩今次有冇？她說：「冇呀，俾你寫成咁仲唔驚咩！（Joey驚呀？）唔好講呢D野啦。」
採訪：梁嘉殷 攝影：陳俊強
