我的週記
2002年5月5日(星期日) ─ 阿詩的舊曆生日
上個禮五(5月3日)係阿細的生日，係度先補祝阿細生日快樂！！希望阿細o岩o岩拍完的新劇《絕世好爸》可以快D有得睇啦！！而呢個禮拜五(5月10)係阿詩的生日，係度亦要預祝阿詩生日快樂！！希望阿詩繼續紅落去同作多D好歌！！唔好比佢停呀！！
終於交了個IA Project喇！！今次個Project都做得好開心呀！！皆因我同我個Friend係做舊年的樂壇新人o丫嗎！！所以即基本上係又做阿詩的！！哈哈！！而我個Friend咁o岩又鍾意Twins所以就選擇了做舊年的樂壇新人喇！！
今日又係在聽收音機同睇電視中渡過，今日下午7點903播番「903何韻詩結識他的音樂會」，我就將個收音機開到好大聲咁係度炸機！！跟住夜晚無線播「勁歌金曲」，主角係任賢齊，小齊請了Candy做嘉賓，真係好耐冇係電視度見到Candy喇！！之前在收音機度聽了兩個佢的錄音訪問，已經好開心，跟住今日又在收音機度聽到Candy的新歌《好心分手》添！！好開心呢！！
2002年5月10日(星期五) ─ 阿詩的Birthday
今日係阿詩生日，我一定要講聲：「Happy Birthday！！」
聽日無線的《名人飯局》有阿詩！！我一定會睇！！正！！
我仲有兩個Project未做完呀！！一個Visual Basic同一個英文！！Help！！VB就差唔多做晒，但係個英文就...... 都係因為我個組有兩個人跟本就做想做，依家得番我同阿Man兩個做個Project！！我最唔鍾意就係o個D唔鍾意英文o既人，同唔做o野o既人！！o個D人跟本想我好似我以前Form3 o個陣同個Friend返o左面啦！！至於我同佢返o左面o個個Friend...... 佢幾個月前自殺死o左啦！！你地究竟係咪想好似佢咁呀！！
2002年5月20日(星期一)
好開心呀！！昨晚去睇「id大舞池」全場企位加不設劃位添！！我有飛去睇，由於不設劃位的關係我同了阿詩Fans Club的人一齊企！！雖然好多人到差唔多睇唔到唔制，但係我帶了相機去影相，今次我有開到閃光燈，都應該影到，但係可能影到D歌手會好細！！依家我開始都有D喉嚨痛，都係因為我自己o係阿詩同Candy出場唱歌的時候，我叫到好大聲同跟住阿詩同Candy唱！！阿詩同Candy一人唱了三首歌，阿詩唱的歌曲的次序是：《迷你與我》、《未來》同《千千萬萬個我》；而Candy所唱的歌曲的次序就是：《愛將我們都撕開》、《好心分手》同《吶喊》 ！！全部都好正！！個Show真係好正！！
2002年5月26曰(星期日)
下個星期三開始考試！！所以要暫停Update本網頁一般時間，但係我仍然會準時Update我個Diary！！
好開心！！今個星期的商業一台《雷霆歌曲播放指數》的冠軍歌係Candy的《好心分手》！！恭喜！！恭喜！！昨晚睇o左Candy套《風流家族》，套戲真係好好笑！！特別係Candy扮蝙蝠俠打陳敏芝o個Part，你試諗o下Candy著o左套蝙蝠俠的衫同一條粉紅色的泳褲(唔知係泳褲定底褲)o係套衫出面，拎住兩條紅腸，由廁所的廁格行出o黎個樣，係咪妳妳笑呢？？呢Part的戲，真係笑到我差D收唔到聲！！仲有，亦好鍾意Candy失戀之後，走去洗完頭之後個樣，雖然Candy個樣好似好Cool，但係其實佢個樣就好好笑！！
