Christopher on Regine & the new movie
by Nitz Miralles
posted:02.05.2003

Ibinalik ng Viva Films ang tambalan nina Christopher de Leon at Regine Velasquez via Pangarap Kong Ibigin Ka na first directorial job ni Louie Ignacio. Sabi ni Boyet, mas masaya ang bago nilang pelikula ni Regine kesa remake ng Wanted Perfect Mother na kanilang ginawa seven years ago.

"Nakakatuwa si Regine, mas matindi ang creativity niya ngayon. Lagi siyang may idinadagdag to enhance the scene and she knows her audience. Light comedy ito at medyo nahirapan akong mag-adjust, pero si Regine, all-out sa comedy. Minsan, pinapanood ko na lang siya," kuwento ni Boyet.

Bumilib din si Boyet kay direk Louie na kahit first time magdidirek ng pelikula'y kinakitaan niya ng galing. Napanood ni Boyet ang mga music video na dinirek ni Louie at highly recommended din ito ni Regine.

Isang IT specialist si Boyet at si Regine ay owner ng isang coffee at antique shop. Isang ikinagusto ni Boyet sa kanyang role ay kakanta siya at na-i-record na niya ang Can't Take My Eyes Off You na kakantahin niya towards the ending of the movie kung saan may cameo role sila Jaya, Ogie Alcasid, Rufa Mae Quinto at ibang taga-S.O.P.. Malapit nang matapos ang shooting ng movie at maipapalabas ito sa May 7.