![Regine Velasquez - "Asia's Songbird"](../../images/header.gif) |
![](../../_themes/profile/aprorule.gif)
Regine
Velasquez,Ang Asia's Songbird
By:Ben Dela Cruz
HINDI maikakailang si Regine Velasquez ang pangunahing female singer
(Diva) ng ating bansa. Hindi man aminin ng mga taong identified sa
ibang mang-aawit, kumpirmadong si Regine ang pinaka sa lahat.
Tahimik ang buhay ni Regine kumpara sa iba niyang kakontemporaryo.
Nakasentro sa kanyang isip ang musika at movie career na kasalukuyan
niyang pinagkakaabalahan sa ngayon. At bilang isang mang-aawit na
pumasok sa daigdig ng pag-arte, she too may have her share of
showbiz intrigues. Dangan nga lamang at laging nalulusutan naman
niya ang mga intrigang dumarating.
Isa sa mga intrigang hindi mamatay-matay tungkol kay Regine ay ang
pagiging ampon niya. Diumano ay napalayo siya sa mga tunay na
pamilya noong siya ay bata pa at patunay nga diumano ang pagki-claim
ng kanyang tunay daw na magulang na nasa Leyte. Dagdag pa, hindi raw
si Mang Gerry ang kanyang biological father, pero ayaw itong
paniwalaan ng mahusay na singer.
Isang palaisipan lang sa kanya ang motibo ng mga taong umaangkin sa
kanya until now. At sa kabila ng kontrobersiyang ito, naging
matagumpay si Regine sa larangang kanyang pinasok.
Madalang man siyang gumawa ng pelikula, pawang hit naman ang mga ito
at never pang nagmintis ang kahit isa niyang movie sa box office.
Kumita ang mga pelikula kung saan ay katambal niya sina Christopher
de Leon, Robin Padilla at Aga Muhlach.
Nang una silang magtambal ni Aga sa pelikulang, Dahil May Isang
Ikaw, hindi inasahan ang magandang resulta nito sa takilya.
Muling naulit ang kanilang pagtatambal, kamakailan lang, at
ipinalabas ito pagkatapos ng kasalanan ng taon nina Aga at Charlene
Gonzalez.
Kagaya ng iba, naging maganda rin ang resulta sa box office ng
pelikulang, Pangako... Ikaw Lang, na hinango mula sa latest album ni
Regine na may kaparihang titulo.
Sa pagsubaybay namin sa buhay ni Regine, iisang lalaki lang ang alam
naming na-link sa kanya in the past. Ito ay si Ariel Rivera. That
time, nabalitang nagkalabuan sina Ariel at kasintahan nitong si
Gelli de Belen.
Dahilan sa napunta kay Gelli ang simpatiya ng mga tao, lumabas na
kontrabida itong si Regine sa samahan ng magkasintahan. Kaya kahit
hiwalay na ang dalawa nang magkaroon ng relasyon sina Ariel at
Regine, lumabas pa ring mang-aagaw ng kasintahan ang kapatid ni
Cacai Velasquez.
As we all know, sa rami ng kinasangkutang intriga ng kanilang
samahan, hindi nagtagal ang kanilang relasyon. Nagkabalikan sina
Ariel at Gelli hanggang sa mauwi ito sa kasalan. Naiwang luhaan si
Regine, alam ng lahat na minahal niya ang binatang singer.
After that short-lived love affair, wala na tayong nabalitaang
linkage o involvement with other guys itong si Regine. Ibinuhos na
lang niya ang oras sa trabaho. At madalas sa mga interview, sinasabi
na lang niyang saka na lang ang love life.
For a while, nawala yung mga umaangkin kay Regine. Matagal-tagal din
silang hindi narinig o nabalitaan man lang.
Pero hindi nagtagal ang pananahimik na iyon dahil only a few weeks
back ay muling nabalita at naisulat sa ilang pahayagan ang pagsulpot
ng mga taong umaangkin kay Regine.
Gustuhin mang magpakahinahon ng mang-aawit tulad ng ginagawa niya sa
mga intrigang dumarating sa kanya in the past, napuno na rin siya
ngayon. At live sa national television ay nagsalita si Regine.
Grabe ang binitawang pahayag ng singer patungkol sa mga taong
patuloy na umaangkin sa kanya: Tigilan na raw siya at hindi niya
kailanman paniniwalaan ang mga ito, wala raw silang mapapala sa
magaling na singer.
Huwag na raw tangkain pang makipagkita sa kanya, dahil hindi niya
ito haharapin. Si Mang Gerry, ang tunay niyang ama at hindi ang
nagki-claim sa kanya, for the simple reason na: "Hindi tayo
magka-mukha!" ani Regine.
May ilang naki-simpatiya kay Regine. Siguro, naramdaman din nila ang
galit at inis ng singer. Pero marami rin ang nagulat, pati kami, sa
inasal at ginawa niyang panglalait sa mga taong umaangkin sa kanya.
Parang hindi siya yung dating Regine na nakilala naming simple lang
at hindi makabasag-pinggan, idagdag pang siya rati ay prim and
proper. Kay laki ng kanyang ipinagbago, matapang na siya ngayon,
palaban ika nga.
Obserbasyon namin, at age 31, alam na dapat ni Regine ang batas. Na
kahit sino pa ang umangkin sa kanya, desisyon na niya ang masusunod.
Nasa kanya na kung paaangkin siya o hindi sa taong nagsasabing siya
ang tunay niyang ama.
Another thing, kahit magtanong pa si Regine sa mga nakakaalam sa
ating batas. Sa edad niyang iyan, hindi na siya menor de edad na
kapag napatunayang sila nga ang totoong father niya ay basta na lang
nila siya kukunin at obligado naman siyang sumama. Hindi ganoon
iyon.
Alam naman na siguro ni Regine na she can now live a life of her
own. Siya na ang nagdi-decide para sa kanyang sarili ngayon. Kahit
ano pang proof ang ipakita sa kanya at kahit ilan pa ang maging
claimant niya, it's her decision and not theirs. Nobody can force
her to believe kung ayaw paniwalaan ni Regine ang mga umaangkin sa
kanya.
Pero sana lang, hindi na siya nagsalita at nanglait. Minus points
yun para sa amin na iniidolo siya. Mula pa noong una ay number one
na si Regine sa listahan namin, pero sa ginawa niya, which we
believe is very un-Regine, nabawasan ang paghanga namin sa kanya.
With all the good things na dumarating sa kanya mula sa Itaas, sana
ay nagpakumbaba na lang siya. Gaya nga ng sinabi ni Regine, wala
naman silang magagawa, dahil hindi siya naniniwala sa kanila. So
what's best for her to do now, is to start counting her blessings.
|
|