Ghetto Food

by Erwin Jones

night time come
and belly the growl
nothin deh fi eat
mama seh, "son get wah wet cloth and wipe yu dutty feet,
pray to god papa befo yu go sleep
that tomorrow we might have something to eat"
Ghetto Food!

life hard
mama noh win boledo
mama luck done
yesterday mama lose ih last fifty cents
di play card
Ghetto Food!

teacha wah know why david so pale
but david shame fi tell ah di truth
dat week afta week
all dem have to eat
dah soso white rice and pigtail
Ghetto Food!

inah di ghetto life dread
mama have lard but can't afford egg
sista have butta but can't afford bread
Ghetto Food!

ghetto people tek wah licking
becuase ah evil politicians and dem system
nuff ghetto people have rice
but can't afford chicken
now mista big man
mista big poliitican
mista big dude
one day I wud dah want to invite yu inah di ghetto
fi mek yo come sample
Ghetto Food!

next poem

• A Message From The Poor
• Belize Gone To Lone Rass
  
• Blackman
  
• Blackness
  
• Carla Knew Her Life Was Short
  
• Crack Head
  
• Den Dayz
  
• Dear Mama
  
• Dis Poem Is Not A Poem
  
• Free Me
  
• Friend
  
• Grassroots Sketel
  
• Jack Is Back
• Jack Must Die
• Jook
• Life
• Mama You've Done Well
• My Name Is Marijuana
• Nothin