Site hosted by Angelfire.com: Build your free website today!

IL-MIXJA LEJN ID-DEFINIZZJONI TAD-DOMMA TA' L-ASSUNZJONI

Taghrif Generali

Il-Knisja, sa mill-eqdem zminijiet dejjem emmnet u ghallmet li Ommna Marija Santissma, wara li temmet il-hajja taghHa fuq din l-art, giet imtellgha s-sema bir-Ruh u bil-gisem. L-ewwel talba kienet saret lill-Papa Klement XII (1730-1740), sabiex jiddefinixxi solennement id-Domma ta' l-Assunzjoni. Meta tqanqlet il-kwestjoni biex jigi definit il-koncepiment Immakulat ta' Marija, l-Insara hassew li ma' dan il-privilegg t'Omm Alla, kellu jigi maghqud il-privilegg l-iehor tat-tlugh taghHa fis-sema bir-Ruh u l-gisem. Fl-ewwel Koncilju Vatikan (1869-1870), kienet giet diskussa l-proklamazzjoni ta' l-Assunzjoni bhala Domma. Pero' il-Koncilju ma rnexxielux jispicca d-deliberazzjonijiet tieghu u ghalhekk kellu jaggorna dawn id-diskussjonijiet.

Fl-1 ta' Mejju 1946, il-Papa Piju XII, bl-ittra tieghu "Dieparae Virginis", talab informazzjoni lill-Isqfijiet kollha dwar il-qima lejn l-Assunzjoni ta' Marija fl-opinjoni taghhom kif ukoll dik pubblika, b'referenza partikulari dwar id-definizzjoni tad-Domma ta' l-Assunzjoni. Sa Gunju ta' l-1947 kwazi l-Isqfijiet kollha kienu diga' wiegbu b'entuzjazmu kbir favur id-definizzjoni. F'dan l-istess zmien kienet saret ukoll petizzjoni madwar id-dinja kollha favur din l-istess definizzjoni li ghaliha wiegbu aktar minn 8 miljun ruh.

X'Gara F'Malta...

Mons. Arcisqof Dom Maurus Caruana O.S.B.

Kien tassew xieraq u ta' unur ghall-gzejjer Maltin li l-ewwel hidma favur id-Domma ta' l-Assunzjoni tal-Vergni Marija Santissima harget minghand l-Isqfijiet taghna.

Kien nhar il-Hadd 30 ta' Ottubru 1932 li l-Isqof Dom Mawru Caruana O.S.B., fil-festa ta' Kristu Re, fuq il-fosos tal-Furjana, ghamel din ir-rizoluzzjoni:

"Malta Kattolicissima, migbura bl-eluf madwar l-Isqof taghha, b'qima lil Kristu Re titlob lill-Missier u Mghallem l-infallibilta' ta' kull min jemmen, li joghgbu jwettaq it-twemmin taghhom ta' bosta mijiet ta' snin, billi jiddefinixxu bhala Domma tal-fidi l-Assunzjoni ta' Marija Santissima fis-sema."

Grajja ohra f'mument opportun kienet nhar it-13 ta' Dicembru 1932, waqt il-proklamazzjoni fil-Bazilika tas-Santwarju tal-Madonna ta' Pinu. L-Isqof ta' Ghawdex, Mons. Mikiel Gonzi, f'ismu, f'isem il-kleru u f'isem il-poplu li ngabar bl-eluf ghac-celebrazzjoni, baghat telegramma b'talba lill-Papa Piju XI biex joghgbu jipproklama l-Assunzjoni ta' Marija fis-sema bid-Domma tal-Fidi Kattolika.

Wara snin ta' nkwiet bejn in-nazzjonijiet bdiet issehh paci relattiva, u kien f'dawn iz-zminijiet li diversi movimenti Kattolici madwar id-dinja kollha bdew hidma ntensiva favur id-Domma ta' l-Assunzjoni.

Qum Malta!

Matul dawn l-ahhar 80 sena, intbaghtu lill-Papa eluf ta' petizzjonijiet minn madwar id-dinja kollha biex jitolbuh id-definizzjoni ta' din id-Domma. Malta ma kinetx xi eccezzjoni, u propju il-hidma tal-Kongregazzjoni ta' wlied Marija, fil-'Convent of the Sacred Heart', organizzat petizzjoni li ghaliha kien hemm rispons qawwi.

Ghal Malta dan kien meqjus bhala gieh u dmir li l-poplu kollu jinaghqad flimkien sabiex jiehu sehem f'dan il-moviment halli titqieghed din il-gawhra gdida u glorjuza fil-kuruna ta' Sidtna Marija.

Ghandna ghalfejn nafuhulHa bil-kbir lill-Vergni Marija talli bis-sahha taghha kien wasal bis-sliem il-Konvoj tant mehtieg ghall-Maltin, li dahal mirakolozament fil-port taghna fil-15 ta' Awissu 1942. Hadd ma jista' jichad l-imhabba tassew specjali li Marija Santissima sa minn dejjem uriet lejn uliedHA.

Halli ghalhekk min-naha taghna, ilkoll kemm ahna, ingeddu u nqajmu l-imhabba u l-qima li sa minn dejjem il-poplu Malti kellu lejn il-Madonna, u naghtu prova cara tal-fedelta' taghna bhala wliedHA!

U Malta Qamet...

Iva, Malta qamet! Ghas-sejha li saret mill-ghaqda 'Children of Mary' fil-'Convent of the Sacred Heart' f'San Giljan, u msahha mir-Rizoluzzjoni tal-Gunta Djocezana ta' l-Azzjoni Kattolika Maltija, il-qalb Maltija ferhet u esprimiet b'entuzjazmu ix-xewqa li tigi kkonfermata dak li sa minn dejjem kien jifforma parti integrali mill-fidi taghna, jigifieri "l-Assunzjoni tal-Madonna fil-glorja bla tmiem".

Ghal dan l-appell pubbliku, xejn anqas minn 46,200 familja (madwar 164,800 ruh) iffirmaw il-petizzjoni fi zmien relattivament qasir. Nhar il-Hadd 22 ta' Settembru 1946, fl-okkazjoni tal-Kungress ta' l-Azzjoni Kattolika Maltija, fit-Tempju ta' Marija Assunta fil-Mosta, Mons. Arcisqof Mikiel Gonzi tkellem dwar l-inizjattiva mehuda mill-ghaqda 'Children of Mary' sabiex jingabru firem minghand Maltin u Ghawdxin ghall-petizzjoni favur id-definizzjoni tad-Domma ta' l-Assunzjoni.

Mons. Gonzi kompla...
"Intom, membri ta' l-Azzjoni Kattolika Maltija, li generozament hadtu f'idejkom l-inizjattiva, u illum mal-ftuh tal-Kungress, b'idea tassew genjali, intom u l-Ghaqda 'Children of Mary', ridtu tikkunsidraw il-petizzjoni f'riglejn il-Madonna f'dan it-Tempju ddedikat lit-Tlugh taghHa fis-sema."

Mons. Arcisqof Mikiel Gonzi

Id-Domma tal-Fidi

Papa Piju XII

Fil-festa ta' Santa Marija, nhar il-15 ta' Awissu 1950, il-gurnal tal-Vatikan 'Osservatore Romano' ta l-ahbar tant mixtieqa...

"Il-qdusija tieghu, il-Papa, ser jiddefinixxi u jipproklama nfallibilment fil-festa tal-Qaddisin kollha (nhar 1 ta' Novembru), id-duttrina ta' l-Assunzjoni ta' Marija Santissima fis-sema." Billi kien mistenni li jkun hemm ghadd kbir ta' pellegrini ghac-cerimonja tal-proklamazzjoni tad-Domma ta' l-Assunzjoni, il-Papa ddispona li l-attivita' ssir fil-Pjazza San Pietru, nhar l-erbgha l-1 ta' Novembru 1950, filoghdu. Il-Pontifikal solenni tal-Papa sar immedjatament wara fil-Bazilika San Pietru.