قائمة بأسماء المطربين :

أ - ب - ت - ث - ج - ح - خ - د - ذ - ر - ز - س - ش - ص - ض - ط - ظ - ع - غ - ف - ق - ك - ل - م - ن - هـ - و - ي

   ام كلثوم

  ألحان : بليغ حمدي   كلمات : مرسي جميل عزيز

ألف ليلة وليلة

يا حبيبي ..
الليل وسماه ونجومه وقمره وسهره
وإنت وأنا يا حبيبي أنا يا حياتي أنــــا
كلنا كلنا .. في الحب سوا ..
والهوى آه منه الهوى
سهران الهوى يسقينا الهنا ويقول بالهنا
يا حبيبي .. 
يالله نعيش في عيون الليل
ونقول للشمس ..
تعالي تعالي بعد سنة ..
مش قبل سنة
دي ليلة حب حلوه .. بألف ليلة وليلـــــــــــــة
بكل العمر .. هو العمر إيه غير ليلة زي الليلة

إزاي إزاي ..
أوصف لك يــــــا حبيب إزاي ..
قبل ما أحبك كنت إزاي يا حبيبي
كنت ولا امبارح فاكراه
ولا عندي بكره استنـاه
ولا حتى يومي عايشاه .. يا حبيبي
خدتني بالحب في غمضة عيـــــــن 
وريتني حلاوة الأيام فيـــــــــــــــن
حلاوة الايام فين
الليل بعد ما كان غربة مليته أمــــــان
والعمر اللي كان صحرا صبح بستـان
يا حبيبي ..
يالله نعيش في عيون الليل
ونقول للشمس ..
تعالي تعالي بعد سنة ..
مش قبل سنة
دي ليلة حب حلوه .. بألف ليلة وليلـــــــــــــة
بكل العمر .. هو العمر إيه غير ليلة زي الليلة

يا حبيبي ..
إيه اجمل م الليل واتنين زينا عاشقيــــــن
تايهيـــن ..
ما احناش حاسين العمر ثواني والا سنين
يا حبيبي
حاسين اننا بنحب وبس نحب وبس
عايشين لليل والحب وبـــــــــــــس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنـــــــــا
وإن قالوا عن عشاقــــــــــــــــــــه
بيدوبوا في نار أشواقـــــــــــــــــه
أهي ناره دي جنتنـــــــــــــــــــــــا
والحب ..
الحب عمره مــــا جـرح
ولا عمر بستانــه طرح
غير الهنا وغيـــر الفرح
يا حبيبي ..
يالله نعيش في عيون الليل
ونقول للشمس ..
تعالي تعالي بعد سنة ..
مش قبل سنة
دي ليلة حب حلوه .. بألف ليلة وليلـــــــــــــة
بكل العمر .. هو العمر إيه غير ليلة زي الليلة

يا قمر ليـــــلـــــــــي 
يا ظل نهـــــــــــاري
يا حبـــــــــــــــــــي 
يا أيامي الهنيـــــــــه
عندي لك أجمل هديه
كلمـــة ... كلمــة ...
كلمة الحب اللي بيها تملك الدنيا وما فيها
واللي تفتح لك كنوز الدنيا ديه قولها ليـه
قولها للطير للشجر للناس لكل الدنيـــــــا
قول الحب نعمة مش خطيـــــــــــــــــــه
الله محبــــة
الخير محبة
النور محبة
يا رب تفضل حلاوة سلام أول لقا في ايدينا
وفرح أول ميعاد منقاد شموع حوالينـــــــا
ويفوت علينا الزمان يفرش أمانه علينــــــا
يا رب ..
لا عمر كـاس الفـراق المــــر يسقينـــــــــا
ولا يعرف الحب مطرحنا ولا يجينــــــــــــا
وغير شموع الفرح ما تشوف ليالينــــــــا
يا حبيبي ..
يالله نعيش في عيون الليل
ونقول للشمس ..
تعالي تعالي بعد سنة ..
مش قبل سنة
دي ليلة حب حلوه .. بألف ليلة وليلـــــــــــــة
بكل العمر .. هو العمر إيه غير ليلة زي الليلة

استمع الى الاغنيه الآن ..

مرسي جميل عزيز ذلك الشاعر الذي حملت اغلب الاغاني العاطفيه اسمه ، تعاون مرسي مع العديد من المطربين اذا لم نقل كل المطربين الذين عاصروه فقد كان شاعر الكلمه الرقيقه الجميله البسيطه التي تصل الى المستمع بشكل بسيط وسلس ، من الاغاني التي سما بها بقلمه "سيرة الحب " و "فات الميعاد" لأم كلثوم كذلك "بلاش عتاب" و "الحلوة" و "بأمر الحب" لعبدالحليم حافظ كذلك اغنية "من غير ليه" للموسيقار العظيم محمد عبدالوهاب