من الفرحة نسيت إني عليك البارحة زعــــــــلان

نسيت أقول لو تسمح تكرم لا تكلمنــــــــــــــــــي

أهلي بك مثل ما إنت تهلي بي وأنا الشفقـــــــــان

أحس إني أنا الغلطان وفرصتك ما تعلمنــــــــــــي

ذكرت إنك علي أخطيت لكن نعمة النسيــــــــــــان

تنسيني خطا الغالي وترجع له تسلمنـــــــــــــــــي

حبيبي ما تمكن داخل فؤادي ولا إنســــــــــــــــان

ألومك يومك إنت أخطيت وإذا أخطيت أنا لمنـــــي

حبيبي لو يطول العمر أو يقصر أبد خــــــــــــلان

تراك إنت الوحيد اللي يشتتني ويلملمنــــــــــــــي

حبيبي دايم قلبي مشتاق لك ولهــــــــــــــــــــــان

غيابك عن عيوني طول هالمدة يألمنـــــــــــــــــي