Dayar-e-dil ki raat mein, charagh sa jala gaya 
   Mila nahi to kya hua, woh shakkl to dikha gaya

Judai.yon  ke zakhm, dard-e-zindagi ne bhar diye
   Tujhe neendh aa gayi, mujh bhi sabr aa gaya

Yeh subah-o' ki safediyaa.n, yeh dopahar ki zardiya.n
   abh aaine' mein dekhta hoon, main kahan chala gaya

Woh dosti to khair abh, naseeb-e-dushmana hui
   woh chotti chotti rannjisho.n ka lutf bhi chala gaya

Yeh kis khushi ki reet par, ghamm-on ko neendh aa gayi
   woh lehar kiss taraf gayi, yeh main kahan sama gaya



-------------------------------------------------------------

Poet       : Nasir Kazmi
Singers    : Ghulam Ali/Asha Bhosle
Album   : Mehraj-e-Ghazal (Asha Bhosle Presented By Ghulam Ali) -Vol 1