Gaye dinon ka suragh lekar, kahan se aaya kahan se gaya woh
     Ajeeb manoos ajnabi thaa, mujhe to hairaan kar gaya woh

Bus ek moti si chabb dikha har, bus ek meethi si dunnh suna kar
     sitara-e-shaam ban ke aaya, barang-e-khwaab-e-sehar gaya woh

Na abh woh yado.n ka chadta darya, na fursato.n ki uddas barkha
     yoonhi zara si kasak hai dil mein, jo zakhm gehra thaa, bhar gaya woh

Woh hijr ki raat ka sitaaa,  woh hum-nafas woh hum-sukhan humara
     sada rahe uska naam pyaara, suna hai kal raat marr gaya woh


Woh raat ka be-nava musafir,  woh tera shayar, woh tera 'Nasir'
     teri gali tak to dekha thaa, fhir na jaane' kidhar gaya woh




______________________________________________________________________

Poet    : Nasir Kazmi
Singer  : Asha Bhosle/Ghulam Ali 
Album   : Mehraj-e-Ghazal (Asha Bhosle Presented By Ghulam Ali) -Vol 1