Meri dastan-e-hasrat wo suna suna ke roye
mujhe azmanay walay mujhe aazma ke roye

Koi aisa aihel-e-dil ho ke fasana-e-mohabbat
mein usay suna ke ro'un wo mujhe suna ke roye

meri Arzoo ki duniya dil-e-natawa ki hasrat
jise kho ke shadman thay usay aaj pa ke roye

teri bewafaiyon par teri kaj adayion par
kabhi sar jhuka ke roye kabhi munh chupa ke roye

jo sunai anjuman mein shab-e-gham ki aap-beeti
kai ro ke muskuraye kai muskura ke roye.