Máni er seinni fuglinn sem við keyptum. Við keyptum
hann af því að við vorum hrædd um að
Þorlákur væri einmanna (við vorum ekki alltaf
heima). Við ætluðum að kaupa hann í sömu
dýrabúð og við keytum Þorlák,
en þegar við komum þangað voru engir ungar til.
Svo við fórum í aðra dýrabúð
og þar voru tugir (kannski ekki alveg svo margir :-) , en
þeir voru samt margir) og þar völdum við einn
ljósbláan fugl með hvíta vængi og
gult höfuð.
Þegar heim var komið var hann fljótur að taka
við sér af því að það var
annar fugl í búrinu. En eftir því sem
á leið hætti hann að vilja sitja á putta
og fór að fljúga um allt herbergið þegar
maður nálgaðist hann. Þegar við sáum
fram á að hann myndi aldrei venjast því
almennilega að sitja á fingri fórum við með
hann til dýralæknis og létum vængsífa
hann. :-( Hvorugt okkar er mjög hrifið af þeirri
aðgerð því fuglar eiga auðvitað að
geta flogið, til þess erum þeir nú með
vængi. En það kom ekkert annað til greina og
nú er hann orðinn vanari að sitja á fingri,
að minnsta kosti til að láta lyfta sér upp.
Annars er hann ekkert hættur að fljúga og brotlendir
margssinnis á dag. Greyið.
Annars er Máni miklu duglegri að tala (tísta
:-)) en Þorlákur og við vonumst til að geta
kennt honum nokkur orð. Hann er líka mjög hrifinn
af tónlist og tístir með þegar maður
kveikir á útvarpinu.
|