Tipa dhe karaktere

TIPA DHE KARAKTERE

Dikush zgjedh Nastradinin, dikush tjetër pasuron Shvejkun apo më tej Lej Fenin ..etj..pse jo mos zgjedhim dhe ne një person imagjinar që ti përmbahet krahinës dhe humorit të saj? Nuk pretendojmë për cilësi e persona të veçantë por le të dëfrehemi së bashku me personin e krijuar prej fantazisë sonë e le ta quajmë atë TAQI vllahu i ZHAbKAVE e në krah të tij ashtu si Sançoja i qëndronte Don Kishotit le të vemë Majlindën e varreve..

Le ta vendosim atë në Shqipërinë e viteve të komunizmit, postkomunizmit e pse jo dhe në emigracion dhe le të shikojmë tranzicionin e një klase të caktuar mëndjengushtësh e perversësh që jo me pakicë lulëzuan në të tre këto etapa. Së pari vendi që unë vendos t'u caktoj atyre në shoqerinë tonë është ajo e një përfaqësuesi tipik të një brezi të rritur nën kujdesin e prindërve të pashkolluar por që fatkeqësisht përbënin "elitën" e një rajoni provincial ku padituria kompensohej me rrogën e ish sigurimit të shtetit dhe kultura matej me intrigën dhe denoncimet e bëra atje, gjithashtu në këto funksione ishte dhe posti që çdo kuadër "elitar" zinte në shoqërine civile.....Qyfyret nga rregjimi qyfyr nuk kanë të sosur por më e rëndësishme është psikoanaliza e kësaj shtrese dhe tranzicioni i saj i mundimshëm. Le të mundohemi ta japim këtë nëpërmjet barcoletave duke përdorur një formë jo dhe aq të konsumuar në zhanrin letrar........ Taqi kur erdhi në këtë jetë për jastëk gjeti Historinë e Partisë së Punës dhe për lojdër një revole të ndryshkur. Le të bëhej dhe ai në të ardhmen një pasues i denjë i vrasësve dhe manipuluesve të historisë shqiptare, megjithëse pragu që e nxorri nuk qe shquar ndonjëhere për intelekt por vec per intrigë e për nënshtrim të verbër shërbëtori ndaj padronit....