ذكرى سيد درويش
اتعد يومك و اتحسب من مهرجانات الأدب فيه القصايد و الخطب ترن لك مطنطنه يومك مخلد للأبد و الناس عيشتها بالمدد ربك خالقهم للهدد و إنت خالقك للبنا و الناس بتبني مجدها لكن لها و لنسلها و انت كنوزك كلها خلفتها لنا كلنا يبنو المفاخر بالحجر و يزولوا هما و الأثر و ضربة منك ع الوتر على الزمان متسلطنة كنا همل بين الأمم لوما الهرم و الكام صنم خليتنا ننطق بالنغم و نقوللهم مين زينا و نقول لهم ببغدده في الفن مصر السيدة ما يكونش أحسن من كده أنغام و روح متلحنة آهات كتيرة سمعتها و انت عشقت و قلتها آه! م الفؤاد طلعتها حسيتها من قلبي آنا الجاحد اللي يجحدك مغرور إذا كان يحسدك ليس بس لما قلتها يقول أنا رب الغنا شوف محفلك لما انفتح بمغنتك أصبح فرح و كان يدور فيه القدح لو كنت يا سيد هنا