حياتي
الأوله : مصر ؛ قالــوا "تونسي" و نفــوني
و التانية : تونس ؛ و فيها الأهــل جحــدوني
و التالتة : باريس ؛ و في باريس جهلوني
الأوله : مصر ؛ قالــوا "تونسي" و نفـــوني - جزاة الخير
و التانية : تونس ؛ و فيـها الأهــل جحــدوني - و حتى الغير
و التالتة : باريــس ؛ و في باريـس جهلــوني - و نا موليير
الأوله : مصر ؛ قالــوا "تونسي" و نفـــوني - جزاة الخير - و إحساني
و التانية : تونس ؛ و فيـها الأهــل جحــدوني - و حتى الغير - ما صافاني
و التالتة : باريــس ؛ و في باريـس جهلــوني - و نا موليير - في زماني
الأوله : شربتنـــــي من فراقهــــــــــا كاس - بمرارة
و التانية : آه فرجتنــي ع الجمــــــــال ينداس - يا خسارة
و التالتة : يا ناس يا ريتني كان لي فيها ناس - و إداره
الأولة آه . و التانية آه . و التالتة آه
الأوله : أشتكيها للي أجــرى النيــل
و التانية : دمعي عليها غرق الباستيل
و التالتة : لطشت فيها ممتـثل و ذليل
الأوله آه . و التانية آه . و التالتة آه