Ye Banks and Braes O' Bonnie Doon
Robert Burns
Ye banks and braes o’ bonnie Doon,
How can ye bloom sae fresh and fair?
How can ye chaunt, ye little birds,
And I’m sae weary, fu’ o’ care?
Ye’ll break my heart, ye warbling bird
That warbles on the flow’ry thorn,
Ye mind me o’ departed joys,
Departed never to return.
Oft hae I roved by bonnie Doon,
By morning and by ev’ning shine,
To hear the birds sing o’ their loves
As fondly once I sang o’ mine.
Wi’ lightsome heart I stretch’d my hand
And pu’ed a rosebud from the tree;
But my fause lover stole the rose
And left, and left the thorn wi’ me.
Scots Dictionary
Scottish Waltz Medleys 1
Let's Sing!
(Index of Scots Songs)
Let's Dance!
(Index of Scottish Dance Music)
Our Main Site
