ajiib saanehaa mujh pe guzar gayaa yaaro
mai.n apane saaye se kal raat dar gayaa yaaro

har ek naqsh tamannaa kaa ho gayaa dhu.ndhalaa
har ek zaKm mere dil kaa bhar gayaa yaaro

bhaTak rahii thii jo kashtii vo garq-e-aab huii
chadhaa huaa thaa jo dariyaa utar gayaa yaaro

vo kaun thaa vo kahaa.N kaa thaa kyaa huaa thaa use
sunaa hai aaj koii shaKs mar gayaa yaaro
		 

 
had-e-nigaah tak ye zamii.n hai siyaah phir 
nikalii hai juganuo.n kii bhaTakatii sipaah phir 

ho.nTho.n pe aa rahaa hai ko_ii naam baar baar 
sannaaTo.n kii tilasm ko to.Degii aah phir 

pichhale safar kii gard ko daaman se jhaa.D do 
aavaaz de rahii hai ko_ii suunii raah phir 

berang aasmaa.N ko dekhegii kab talak 
manzar nayaa talaash karegii nigaah phir 

Dhiilii hu_ii giraft junuu.N kii ke jal uThaa 
taaq-e-havas me.n ko_ii charaaG-e-gunaah phir  
		 

 
ham padh rahe the Khvaab ke, purzo.n ko jo.D ke
aa.Ndhii ne ye tilism bhii, rakh Dalaa to.D ke

aaGaaz kyo.n kiyaa thaa, safar un Khvaabo.n kaa
pachhataa rahe ho sabz, zamiino.n ko chho.D ke

ik buu.Nd zahar ke liye, phailaa rahe ho haath
dekho kabhii Khud apane, badan ko nicho.D ke

kuchh bhii nahii.n jo Khvaab kii, tarah dikhaa_ii de
ko_ii nahii.n jo ham ko, jagaaye jhinjho.D ke

in paaniyo.n se ko_ii, salaamat nahii.n gayaa
hai vaqt ab bhii kashtiyaa.N, le jaao mo.D ke
		 

 
kiyaa iraadaa baarahaa tujhe bhulaane kaa 
milaa na uzr hii ko_ii magar Thikaane kaa 

ye kaisii ajanabii dastak thii kaisii aahaT thii 
tere sivaa thaa kise haq mujhe jagaane kaa 

ye aa.Nkh hai ki nahii.n dekhaa kuchh sivaa tere 
ye dil ajab hai ki Gam hai ise zamaane kaa 

vo dekh lo vo samandar Khushk hone lagaa 
jise thaa daavaa merii pyaas ko bujhaane kaa 

zamii.n pe kis liye zanjiir ho gaye saaye 
mujhe pataa hai magar mai.n nahii.n bataane kaa 
		 

 
siine me.n jalan aa.Nkho.n me.n tuufaan saa kyuu.N hai 
is shahar me.n har shaKhs pareshaan saa kyuu.N hai 

dil hai to dha.Dakane kaa bahaanaa ko_ii Dhuu.NDhe 
patthar kii tarah behis-o-bejaan saa kyuu.N hai 

tanhaa_ii kii ye kaun sii manzil hai rafiiqo
taa-hadd-e-nazar ek bayaabaan saa kyuu.N hai 

ham ne to ko_ii baat nikaalii nahii.n Gam kii
vo zuud-e-pashemaan pashemaan saa kyuu.N hai

kyaa ko_ii na_ii baat nazar aatii hai ham me.n 
aa_iinaa hame.n dekh ke hairaan saa kyuu.N hai 
		 

 
kis-kis tarah se mujh ko na rusvaa kiyaa gayaa 
Gairo.n kaa naam mere lahuu se likhaa gayaa 

nikalaa thaa mai.n sadaa-e-jaras kii talaash me.n 
bhuule se is sukuut ke seharaa me.n aa gayaa 

[sadaa-e-jaras=sound of bell; 
sukuut ke seharaa=desert of silence] 

kyo.n aaj us kaa zikr mujhe Khush na kar sakaa 
kyo.n aaj us kaa naam meraa dil dukhaa gayaa 

is haadase ko sun ke karegaa yaqii.n ko_ii 
suuraj ko ek jho.nkaa havaa kaa bujhaa gayaa