四大教訓永不忘記　曹仁超　《投資者日記》

一、淡市勿估底(旺市勿估頂)。和記股價由四十三元跌至五元八角，仍可進一步跌至一
元一角。

二、乙水　仔浸死人。恆指升至1700點時，自己話晒睇過唔少投資學書籍，曉驚；反
之，恆指跌至320點以為只係　乙水　仔，風浪有幾大？偏偏六呎水已足夠浸死人。

三、無論何時何地唔好忘記止蝕。當年以五元八角吸入和記，如果在四元九角(回落
15%)行使止蝕又點會損失慘重？主要係心理上以為和記跌至五元八角仲可跌得幾多？結
果事後知道答案係由四元八角可以再趺82.7%，死未！

四、蝕錢容易賺錢難。賺五十萬元要五年時間，蝕五十萬元只需六個月！

我老曹承認較許多投資者幸運，早在74年已遇上慘痛一役，投資作風自75年起改變，此
一改變有好有壞，68年至73年的豪氣冇晒，變成小心謹慎，步步為營，因此75年，至81
年大牛市自己賺得比別人少，好處係81、82年跌市損失亦唔多，到84年另一牛市來臨，
自己已知道進退有度。玉不琢不成器，人的成長過程風風雨雨無法避兔，今天回首實在
感謝74年的打擊，此一打擊令一個不知天高地厚的年青小夥子，一下子變成知所進退、
腳踏實地的中年人，明白錢係要慢慢賺才係自己的，不然只是easy come, easy go。74
年一劫令自己事後逃過87年股災、94年跌市，當然最可貴係97年7月一役損失極少。

年輕人在人生過程中失敗是無可避兔的事，只有從失敗下再次站起來的人，才真正戰勝
失敗，之後得回來的成功才是真正成功。在投資過程中蝕本係無可避免的事，如何處理
蝕本的投資，不讓小蝕擴大為大蝕才最重要；損失金錢無法避免，但損失金錢後未能從
中汲取教訓，才是全盤損失。在整個人生中，蝕本係經常遇到的事，必須面對而不是逃
避，以免連本都蝕埋，如果冇資本，一切都完蛋，無論何時何地，請記住唔犯本的生意
才可投資。

人生三大值得珍惜東西包括──一、老伴(糟糠之妻不可棄)；二、老友(人生最難求乃
知己)；三、老本(冇左老本，生活悽涼；有左老本生活愉快)。