[TABLET VII]
ÉN rit-ti dman-za-ád GIR.TABmeš
.... ši-i fkaššaptu ú-nak-ka-ma kiš-pi-šá
ú-.... -pah-kim-ma ki-ma marrati ina šamêe
ú-za-qa-kim-ma kîma iltâni amurrî
5. ú-sa-ap-pah urpata-ki ú-hal-laq ûm-ki
ú-sap-pah kiš-pi-ki šá tak-ki-mi mu-šá u ur-ra
ù na-áš-pa-rat zitarrutâa šá tal-tap-pa-ri ia-a-ši
sa-lil nêbiru sa-lil ka-a-ru
mârêmeš malâhi ka-li-šú-nu sal-lu
10. elî isdalti ù issikkuri na-du-u hur-gul-lu
na-da-at ši-pat-su-un šá dsiris u dnin-giš-zi-da
šá lúkaššapi-ia5 u fkaššapti-ia5 ip-šá bar-tum amât limuttimtim
ai ithunimeš.ni ai i-ba-'-u-ni
bâba ai êrubûnimeš.ni ana bîti
15. dnin-giš-zi-da li-is-suh-šú-nu-ti
lib-bal-ki-tu-ma e-pi-šá-ti-šu-nu li-ba-ru
ilu šarru bêlu ù rubû lik-kil-mu-šú-nu-
ina qâtêII ili šarri bêli u rubî ai ú'si kaš-šap-ti
a-na-ku ina qí-bit dmarduk bêl nu-bat-ti
20. ù dasari-lú-du10 bêl a-ši-pu-ti
min-mu-ú e-pu-šu lu ku-ši-ru
ip-še te-pu-šá-ni li-sa-bil šâra
ÉN a-ra-hi-ka ra-ma-ni a-ra-hi-ka pag-ri
ki-ma dsumuqân ir-hu-ú bu-ul-šú
25. sênu im-mir-šá sabîtu ar-ma-šá atânu mu-ur-šá
isepinnu irsitimtim ir-hu-ú irsitimtim im-hu-ru zêr-šá
ad-di šipta a-na ra-ma-ni-ia
li-ir-hi ra-ma-ni-ma li-še-se lum-nu
ù kiš-pi ša zumri-ia5 li-is-su-hu
30. ilimeš rabûtimeš
ÉN šamnu ellu šamnu ib-bu šamnu nam-ru
šamnu mu-lil zumri šá ilimeš
šamnu mu-pa-áš-ši-ih širšir-a-na šá a-me-lu-ti
šaman šipti šá dé-a šaman šipti šá dasari-lú-du10
35. ú-ta-hi-id-ka šaman tap-šu-uh-ti
šá dé-a id-di-nu a-na pa-áš-ha-a-ti
ap-šu-uš-ka šaman balâti
ad-di-ka šipat dé-a bêl eri-du10 dnin-igi-kug
at-ru-ud a-sak-ku ah-ha-zu
40. šu-ru-up-pu-u ša zumri-ka
ú-šat-bi qu-lu ku-ru ni-is-sa-tú šá pag-ri-ka
ú-pa-áš-ši-ih šir-a-ni mi-na-ti-ka la tâbâtimeš
ina qí-bit dé-a šar apsî
ina tê ša dé-a ina šipat dasari-lú-du10
45. ina ri-kis ra-ba-bu šá dgu-la
ina qâtêII pa-áš-ha-a-ti šá dnin-din-ug-ga
ú dnin-a-ha-qud-du bêl šipti
ana annanna apil annanna šub-šu-ma dé-a šipat-ka šá balâti
7 apqallê šu-ut eri-du10 li-pa-áš-ši-hu zumur-šu TU6.ÉN
50. ÉN den-lil qaqqadi-ia5 MULKAK.SI.ŠÁ la-a-ni
pûtu dšamaš nap-hu
idâ-ai isgamlu šá bâb dmarduk
uzna-a-a li-'-u šêpâII-a-a lah-mu mu-kab-bi-sa-at lah-me
at-tu-nu ilimeš rabûtimeš šá ina šamêe nap-ha-tu-nu
55. kîma an-na ku an..... ip-šu bar-tum amât lemut-tim
la itehhûmeš-ku-nu-ši la i-sa-ni-qú-ku-nu-ši
ip-šû bar-tú amât lemut-tim la itehhû-ni la isanniqû-ni ia-ši ÉN
ÉN at-ti man-nu fkaššaptu šá êpušušu sal-mi
it-tu-lu la-a-ni êpušušu la-mas-si
60. i-mu-ru bal-ti ú-šar-ri-hu ga-ti
ú-sab-bu-u nab-ni-tú
ú-maš-ši-lu bu-un-na-ni-e-a
ub-bi-ru mi-na-ti-ia
ú-kas-su-u meš-ri-ti-ia
65. ú-kan-ni-nu ma-na-ni-e-a
ia-a-ši dé-a maš-maš ilimeš ú-ma-'-ra-an-ni
ma-har dšamaš sa-lam-ki e-sir
la-an-ki ab-ni bal-ta-ki a-mur
gat-ta-ki ú-šar-ri-ih nab-nit-ki ú-sab-bi
70. i-na dnisaba ellitimtim bu-un-na-an-ni-ki ú-maš-šil
mi-na-ti-ki ub-bi-ir meš-ri-ti-ki ú-kas-si
ma-na-ni-ki ú-kan-ni-in
ip-šú te-pu-šin-ni e-pu-uš-ki
mi-hir tu-šam-hir-in-ni ú-šam-hir-ki
75. gi-mil tag-mil-in-ni ú-tir ag-mil-ki
kiš-pi-ki ru-hi-ki ru-si-ki ip-še-te-ki lim-ni-e-te
up-šá-še-ki ai-bu-te
na-áš-pa-ra-ti-ki šá li-mut-ti
râm-ki zêr-ki dipalû-ki zitarrutû-ki
80. kadibbidû-ki dubbubu-ki li-kil-lu rêš-ki
it-ti mêmeš šá zumri-ia5 u mu-sa-a-ti šá qâtêII-ia liš-šá-hi-it-ma
a-na muh-hi-ki u la-ni-ki lil-lik-ma ana-ku lu-ub-lut
e-ni-ta li-na-an-ni ma-hir-ta lim-hur-an-ni
ÉN ba-'-ir-tú šá ba-'ra-a-ti
85. fkaššaptu šá fkaššapâtimeš
šá ina sûqâtameš-ta na-da-tu še-is-sa
ina ri-bit âli it-ta-na-al-la-ka ênâII-šá
lúetlêmeš âli ub-ta-na-'
it-ti lúetlêmeš âli ub-ta-na-'-in-ni ia-a-ši
90. ardâtimeš âli is-sa-na-hur
it-ti ardâtimeš âli is-sa-na-hur-an-ni ia-a-ši
e ú-ba-'-kim-ma lúkurgarêmeš lúeš-še-bi-e
rikis-ki a-hi-pi
lúkaššapêmeš li-pu-su-ki rikis-ki a-hi-pi
95. fkaššapâtimeš li-pu-ša-ki rikis-ki a-hi-pi
lúkurgarêmeš li-pu-šu-ki rikis-ki a-hi-pi
lúeš-še-bu-ú li-pu-šu-ki rikis-ki a-hi-pi
nar-šin-du-umeš li-pu-šu-ki rikis-ki a-hi-pi
mušlahhêmeš li-pu-šu-ki rikis-ki a-hi-pi
100. a-gu-gil-lumeš li-pu-šu-ki rikis-ki a-hi-pi
a-mah-has li-it-ki a-šal-la-pa lišân-ki
ú-ma-al-la ru-'-a-ta ênâII-ki
ú-ša-lak a-hi-ki lil-lu-ta
ú ak-ka-a-ši ru-uq-bu-ta ú-ša-lak-ki
105. ù mimma ma-la te-te-ip-pu-ši ú-tar ana muh-hi-ki
ÉN ep-ši-ki ep-še-ti-ki ep-še-et ep-ši-ki
ep-še-et mu-up-pi-še-ti-ki
dé-a maš-maš ilimeš ú-pat-tir-ma mêmeš uš-ta-bil
pî-ki lim-nu e-pi-ra lim-la
110. lišân-ki šá limuttimtim ina qí-e lik-ka-sir
ina qí-bit den-bi-lu-lu bêl balâti TU6.ÉN
ÉN ki-is-ri-ki ku-us-su-ru-ti
ip-še-ti-ki lim-ni-eti up-šá-še-ki ai-bu-ti
na-áš-pa-ra-tu-ki šá limuttimtim
115. dasari-lú-du10 maš-maš ilimeš ú-pat-tir-ma ú-šá-bil sara
pî-ki lim-nu epirahi.a lim-ma-li
lišan-ki šá limuttimtim ina qí-e lik-ka-sir
ina qí-bit den-bi-lu-lu bêl balâti TU6.ÉN
ÉN am-si qa-ti-ia ub-bi-ba zu-um-ri
120. ina mêmeš naqbi ellûtimeš šá ina eri-du10 ib-ba-nu-u
mimma lim-nu mimma lâ tâbu
šá ina zumri-ia5 šêrêmeš-ia5 šir'ânêmeš-ia5 bašûu
lumun šunâtimeš idâtimeš ittâtimeš limnêtimeš lâ tâbâtimeš
lumun šîrîmeš ha-tu-ti par-du-ti lemnû-timeš lâ tâbûtimeš
125. lipit qâtiII hi-niq šu'i ni-iq ni-qi nêpeš-ti barû-ti
šá at-ta-ta-lu u4-me-šam
ú-kab-bi-su ina sûqi e-tam-ma-ru ina a-ha-a-ti
še-ed lem-utti ú-tuk-ku lim-nu
mursu di-'di-lip-ta
130. qu-lu ku-ru ni-is-sa-tú ni-ziq-tú im-tu-uta-ni-hu
'ú-a a-a hu-su-su qis lib-bi
gi-lit-tum pi-rit-tum a-dir-tum
ár-rat ilimeš mi-hir-ti ilimeš ta-zi-im-ti
ni-iš ilî ni-iš ilî ni-iš qâtiII ma-mit
135. lum-nu kiš-pi ru-hi-e ru-si-e up-šá-še-e lem-nu-ti šá amêlûtimeš
it-ti mêmeš šá zumri-ia5 u mu-sa-a-ti šá qâteII-ia5
liš-šá-hi-it-ma ana muhhi salam nig-sagilêe lil-lik
salam nigsagilêe ár-ni di-na-ni li-iz-bil
su-ú-qu ù su-lu-ú li-pat-ti-ru ár-ni-ia
140. e-ni-tum li-na-ni ma-hir-tum lim-hur-an-ni
am-hur mi-ih-ru lim-hu-ru-in-ni
u4-mu šul-ma arhu hi-du-ti šattu hagalla-šá li-bil-la
dé-a dšamaš u dmarduk ia-a-ši ru-sa-nim-ma
lip-pa-áš-ru kiš-pu ru-hu-u ru-su-u
145. up-šá-šu-ú lim-nu-ti šá a-me-lu-ti
ù ma-mit lit-ta-si šá zumri-ia5
ÉN te-bi še-e-ru mesâa qâteII-ia
..... -ma qaq-qa-ru mu-hur up-ni-ia
šá fkaššaptu ú-kaš-šip-an-ni
150. eš-še-bu ú-sa-li-'-an-ni
dšamaš pi-šir-ta li-bil-am-ma
irsitimtim lim-hur-an-ni
ÉN it-tam-ra še-e-ru pu-ut-ta-a dalati
a-lik ur-hi it-ta-si abulla
155. mâr šipri is-sa-bat har-ra-na
e-piš-tum e te-pu-šin-ni
ra-hi-tum e tu-ri-hi-in-ni
ú-tal-lil ina na-pa-ah dšamši
mimma ma-la te-pu-ši ù tu-uš-te-pu-ši
160. li-tir-ru-ma li-is-ba-tu-ki ka-a-ši
ÉN še-ru-um-ma še-e-ru
an-nu-ú šá lúkaššapi-ia5 u fkaššapti-ia5
it-bu-nim-ma kîma mârêmeš lúnâri ú-lap-pa-tú nu-'-šú-nu
ina bâbi-ia5 iz-za-zi dpalil
165. ina rêš ismaiâli-ia5 iz-za-zi dlugal-edin-na
a-šap-pa-rak-kim-ma šá bâbi-ia5 dpalil
šá rêš ismaiâli-ia5 dlugal-edin-na
mîli bêri dib-bi-ki mîli har-ra-ni a-ma-ti-ki
ú-tar-ru kiš-pi-ki ru-hi-ki ú-sa-ab-ba-tu-ki ka-a-ši TU6.ÉN
170. ÉN ina še-rì misâa qâtâ-ai
šur-ru-ú dam-qu li-šar-ra-an-ni
tu-ub lìb-bi tûbub šêri li-ir-te-da-an-ni
e-ma ú-sa-am-ma-ru su-um-mi-ra-ti-ia lu-uk-šu-ud
šunât e-mu-ru ana damiqtimtim liš-šak-na
175. ai ithâa ai isniq mimma lim-nu mimma lâ tâbu
ru-hi-e šá lúkaššapi u fkaššapti
ina qí-bit dé-a dšamaš dmarduk u ru-bâti dbe-lit i-li TU6.ÉN
ÉN am-si qâtêII-ia am-te-si qâtêII-ia
........... -hu-u mêmeš mîli ra-šub-bat nâri
180. ............. bi-li bal-ta-ki
......... NI LUM mi-ra-ni ra-šub-bat-ku-nu
kîma mêmeš an-nu-ti ip-šú bar-tum amât limuttimtim
lâ itehûu lâ i-qar-ri-bu
ip-šú bartu amât limuttimtim lâ itehâ
185. lâ i-qar-ri-ba ia-a-ši TU6.ÉN-É-NU-RU
ÉN a-di tap-pu-ha ú-qa-a-ka be-lí dšamaš
tuppu VIIkam ma-aq-lu-ú
