Kon mapasilip kita sa mga gingi sa tinalopanang ganghaan sa kantuang kaagi ning dungganang kapunungan sa Bogo Redeemers Society, atong mahulagway ang kakaraanan ug kamalungtaran anib niadtong mga katigulangan nga nagbudlay nagtukod ug nagpalambo. Aron ning panahon mapakli gihapon sa mga alimptakan sa kabtan-onan an gilang gitinguha pagpaningkamot alang ug tungod sa kaliwat-Bogohanon.

Hagbay pa kini nga nahimugso ug gipakatawo sa malinis ug dungganan nga pag-amoma niadtong nagpakabana sa umaabot nga mga ugma. Hangtod karon ang kutay nga may gitas-on may kapituan ug siyam ka katuigan. Talagsaon da kaayo nga mohatag paglatas bisan pa sa naglaundok nga kabangdanan nga moali sa iyang pagdaulngan.

1920-1999 - Pagkabulahan sa mga batan-ong Bogohanon nga midawat ug mikalawat sa mga tunob nga gihan-ay ug gisapnay sa tumang kamadasigon sa nag-unang nagpasiugda ning Bogo Redeemers Society. Ang tuyo ug tumong mao an gpagpasidungog sa mga niadtong dugo-Bogohanon nga nakahatag dungganang binuhatan alan ug tungod sa iyang lungsod.

Niadtong tuig 1994-gimugna and Judge Wenceslao L. Fernan Awards nga si Senador Celing Fernan mao gayod ang nangunay sa pagtunol sa nahinumduman ta sila si Jose Mari Chan, Vermen Verallo, Gen. Umberto Rodriguez, Atty. Reynaldo Dy ug Cong. Celestino E. Martinez, Jr.

Sa tuig 1995 sila Lutgarda Barnido Nolasco, Gliceria Ybañez Alinsonorin, Col. Joseph Cortes Climaco, ug Teresita Catarata Carungay. Sa 1996- Hon. Nilda Espinosa Martinez, Judge Esperedion Riveral, Atty. Vicente Fernan, Mr. Jed Sevilla, Roy Vence, Municipal Government of Bogo, Santiago Tanchan Sr. Foundation, Inc. ug ang Rotary Club of Bogo. Niadtong tuig 1997, si Judge Perla Camay Vilo, Salvador P. Tan ug si Atty. Tomas Riveral.

Ang gipasidunggan pagka-posthumous awardees mao sila si Sor Dorothea Rubio, Dr. Victor Lepiten Sr., Mr. Fructuso Fernan sa tuig 1995 - unya sila si Gabriel Flash Elorde ug Atty Winefreda Estañero Geonzon sa tuig 1997.

Niadtong miaging tuig 1998, ang gipasidunggan mao sila si Dr. Roy A. Jurado, Dr. Jose Rodriguez, or Dr. Maria Salome Escanilla del Rosario.

Karon tuiga kinsa ka ha? Laing dugang pagpaningkamot alang sa pagpadayon maoy kalihukan lungsodnon sa BRS. Kini pagapangulohan na ni Roldan Magdadaro inabagan nila ni Bise-Presidente Ermie Punay ug ni Sergio Repollo alang kalihokan nga maisip ta "Special Project"-ubos kini sa gimbuhat sa Out-going President Riz Canama.

Ang ilang mga tinguha sa pagpalambo mao ang "Operation Lugaw"; Disaster Preparedness Seminar; Pagpa-ambit sa kabataan sa Paskohanong Diwa.

Ang karong kapistahan sa Bogo Redeemers Society matag 25 sa Mayo, nagdala sa tema nga "BRS: Binding its way towards the new millenium".

Padayona ang bulawanong kausa alang ug tungod sa kadungganan sa atong lungsod sa Bogo! Mabuhay ang Bogo Redeemers Society! Viva Sr. San Vicente Ferrer!