“Éí doo biniiyé niit’áazh da,” bijiní.

Áádóó e’e’aahjigo dáádílkał yá a̜a̜’ áyiilaa nít’éé’ dibé ałtaas’éí adaas’á̜ jiní. “Díí daats’í há noo’áázh,” ní jiní Jóhonaa’éí.

“Éí doo há niit’áazh da,” bijiní.

Náhooko̜sjigo éí yódí ałtaas’éí hóló̜ó̜ lá jiní. “Éí t’áá ałtso doo biniiyé niit’áazh da,” bijiní.

Áko lá ha’át’íí lá biniiyé noo’áázh,” ní jiní Jóhonaa’éí.

Ha’a’aahjígo atsiniltł’ish k’aa’ dah sinil nít’éé’. “Éí biká niit’áázh,” ní jiní. “Doo daane’é át’ée da,” shí͔í͔ bidoo’niid. T’áá ákót’ée ndi dí͔i͔’di atsiniltł’ish k’aa’ yiyííkeed. Jóhonaa’éí t’óó yaa át’éego hodíína’ jiní. T’áá hojooba’ígo Jóhonaa’éí lá͔ asłí͔í͔’ jiní. “Yé’ii Tsoh dóó anaa’í éí t’áá ałtso sha’áłchíní ádaat’é,” hałní jiní.

Ałní’ní’á͔a͔go yá ałníi’jí͔ nááts’íilid yee hoł niikai jiní. “Noołch’ííł! T’áadoo dínóh’í͔’í,” hałníigo jiniilch’iil jiní. Ałníi’gi daats’í át’é atsilí jilí͔nígíí jidéé’í͔í͔’ nít’éé’ ádah jidínéizdee’ jiní. Háágóóshí͔í͔ Jóhonaa’éí hach’ah hóóshkeed jiní. Názhniilch’iil dóó yá ałníi’ji͔’ níjíkai jiní.

“Háadi lá nihighan?” hałní jiní.

“Níléidi, Ch’óól’í͔’ídé͔é͔’ neit’aash,” bijiní jiní.

“Díí atsiniltł’ish doo daane’é át’ée da,” hałní jiní. “Díí biniiyé yínóokeedígíí t’éiyá biniiyé choidooł’i͔i͔ł,” hałní jiní. Áádóó bich’i͔’ lá ajisłí͔í͔’ jiní. Dí͔i͔’di adeeshch’iłgo níléí ni’ji͔’ hoł adáá’ doolch’il jiní. T’ah nít’éé’ t’áá nízaadi ha’át’íí shí͔í͔ léi’ dah łizhin jiní. T’áá áko kodóó jiskah nít’éé’ ayóó íists’á͔á͔’ dóó t’óó łeezh hááyá jiní. Áadi ahizhneilchá͔á͔’ nít’éé’ Na’ashó͔’ii Dich’ízhii át’í͔í͔ lá jiní. Háágóóshí͔í͔ hach’ah hóóshkeed jiní.

Níléí Tsoodził bíighahdi Tó Sidoh hoolyé. Áadi Yé’ii Tsoh tó siyí͔ ts’ídá ałtso néídlí͔í͔h jiní. Ákót’éego shí͔í͔ yiniiyé tó siyínídi náánádzá nít’éé’ níléí tó yiyi’ hoołtsá jiní. Nít’éé’ ání jiní, “Doolá dó’ ha’át’íí shí͔í͔ nizhóní léi’ yiiłtsá.” Áádóó tó ts’ídá ałtso yoodlá͔á͔’ jiní. Tó biyi’di hoołtsá shí͔í͔ nízingo biniinaa tó ałtso yoodlá͔á͔’ jiní.

“Shimá díí, ‘Shiid,’ nihiłní,” ní jiní.

“T’áadoo ádóhníní! Éí t’óó bik’ehgóó ádaaní,” ní jiní bimá.

Áádóó Tsé Nináhálééh biyázhí bizhé’é bínabízhdíłkid nít’éé’ ání jiní, “Nihizhé’é éí aak’eego nináhádááh níłtsá͔ bika’ diłtí͔i͔go. K’adé͔e͔ shí͔í͔ náádááł,” hałní jiní. Tsé Nináhálééh bi’áád jiisxí͔. Hodíina’ nít’éé’ bizhé’é náát’a’ jiní. Éí ałdó’ náájiisxí͔ jiní. Tsé Nináhálééh biyázhí éí yichago siké jiní. “T’áadoo wohchaaí,” bijiníigo ałts’á͔a͔jigo dashdiił’a’ jiní. “Ła’ éí hool’áágóó diné chodanooł’í͔i͔ dooleeł,” bijiní. “Áádóó ła’ éí hool’áágóó diné hane’ bił nani’áa dooleeł,” bijiníigo t’áá áłah dashdiił’a’ jiní. Átséhígíí éí atsá silí͔í͔’ dóó akéédé͔é͔’ígíí éí né’éshjaa’ silí͔í͔’ jiní.

Bikéédóó Déélgééd baa náájít’áázh jiní. Déélgééd éí halgaigi sití͔i͔go diné yiyiiłtséehgo yich’i͔’ náhidilyeedgo bidee’ bee neiłtseed jiní. Haalá yít’éego diyiilyééł jiníigo ch’ééh biní joot’ash. Hazéists’ósii haa yílwodgo bił hojilne’ nít’é͔é͔’ ání jiní, “Éí shí͔í͔ haa náshdááh.”

Áádóó hazéists’ósii éí łeh íígeed dóó dí͔i͔’go ałk’i ałkáa’go na’azgeed jiní. Níléí Déélgééd sití͔né͔e͔ji͔’ anígeed. Ts’ídá bijéí dah ná’at’ihíji͔’ i’íígeed jiní. Áádé͔é͔’ hanáswod. T’áá áko ákóyaa ahizhnoolchá͔á͔’ dóó níléí Déélgééd baa hizhneelchá͔á͔’. Áadi t’áá ałháníji͔’ bijéí góne’ jiskah. Déélgééd yé͔e͔ náhidiitah dóó bidee’ yee átsé hoogeed yé͔e͔ haidiiłdláád8. Áádóó naaki góne’ dóó tá͔á͔’ góne’ ałtso haidiiłdláád. Dí͔í͔’ góne’ígíí éí ałníi’ji͔’ haidiiłdláád dóó na’íígo’ dóó daaztsá͔. T’ah nít’éé’ áadi hazéists’ósii Déélgééd yikáá’ haaswod léi’ yikáá’ dah na’alzhish jiní. Áaji͔’ Déélgééd náájiisxí͔ jiní.

Ákóne’ éí Tsé Adah Hódziiłtáłii baa náájít’áázh jiní. Tsé Adah Hódziiłtáłii éí bitsii’ tsé bidíníilzhee’go9 ba͔a͔h ádeit’ingo sití͔ jiní. Áko diné atiingi dajíkáahgo t’áadoo ádahojilchi͔i͔hí tsé yichxii’10 góyaa diné adah yidziiłtáalgo diné neiłtseed jiní.